الموضوع: شهادة وفاة سماح... انفلونزا الخنازير وزوجها يؤكد: فارقت بخلل في القلب

المشاركة الأصلية كتبت بواسطة evoo90

انتوا عارفين طبعا ان المافيا انواع كتير وفى منها مافيا الاطباء واللى بيسرقوا العقاقير او بيخرجوها لحسابهم من اكبر شركات صناعه الادويه انا بقى سمعت ان حوار الانفلوانزا ده مخترع بين المافيا ومنظمه الصحه و الدكاتره الفاسده بهدف الربح وبيع اكبر كميه من التاميفلو زى ماكل بتاع كاوتش يرش شويه مساميره قدام محله عشان يجيب زباين كده !!!!! حد سمع عن الحوار ده ولا انا كنت بحلم
+1111111111111

انا سمعت قبل كدا فعلا ان الحكومة ليها اغراض من منع الحج والعمرة توفيرا للعملة الصعبة الخارجة من البلد ..
بس انا ليا استفسار..
احنا عندنا متوسط تكلفة الحج 35000 ج مع العلم ان التأشيرات من السفارة السعودية بتيجي مجانا.. او بمبلغ بسيط اوي.. ولكن وزارة السياحة بتبيعها بحوالي 12000 ج
يعني المصريين بيدفعوا للبلد في الحج فقط 70000حاج × 12000ج = 840000000
ممكن نقول مليار ونصف في الحج والعمرة طوال العام..
طب مش لو منعوا الحج يبقى كدا هايخسروا ؟ ولا انا فاهم غلط ولا ايه؟

عشان نلخص الموضوع:
- الراجل مؤكد ليه مصلحة فى نفى موت زوجته بانفلونزا الخنازير و الا ماكانش هيستميت كده فى النفى........ ايه المصلحة او بمعنى اخر مين اللى وراه....... الله اعلم لكن مؤكد ان دافعه مش خالص.......
- صحيح الحكومة جايز تكون بتحاول تفرمل الناس من الحج و العمرة المتكررة لانها حنفية عملة صعبة بس برضه مش هتقدر تجبر الناس على كده و لو حتى بالتخويف لان اللى عايز يعمل حاجة هيعملها حتى ولو ايه خاصة فيما يمس المشاعر الدينية........
- المشكلة الحقيقية بقى هى فى الوعى الغائب....... كام واحد من ال laymen او غير المتخصصين امثالنا متابع لتطورات الموضوع بدقة؟ كام واحد قرأ ملفات كاملة من مصادر علمية موثوق بها لكى يعرف ابعاد الموضوع كلها؟ قلة قليلة جدا و المشكلة ان المعلومات كلها يتم تناقلها "سماعى"......... جانيب البيزنس لا يمكن اغفاله فى الموضوع سواء عالميا لتسويق التامى فلو و الماسكات او محليا ممن يبحثون باستمرار عن السبوبة و المصلحة فى اى مكان....... بس الجديد ان كل التفسيرات القديمة بتاعتنا دى اللى طول عمرها بتفسرلنا كيف تدار معظم الامور فى البلد...... الجديد ان المرة دى الموضوع يمثل خطر حقيقى على البلد كلها بسبب الاهمال+االجهل+قلة الوعى+مستوى الرعاية الصحية المتدنى وهى دى الاسباب اللى خلت انفلونزا الطيور تتوطن ومش هتخرج و لا بالطبل البلدى من البلد فى 3 سنين فقط لا غير...... مع العلم انها من نوع الامراض ال المزمنة chronic فاذا اضفنا له مرض acute او حاد زى انفلونزا الخنازير و عرفنا ان البيئة مهيئة تماما لتزاوج الفيروسين الغير سعيد بسبب كل ما سبق، سنعرف جيدا ان الموضوع خطير فعلا........ صحيح امريكا و اوروبا و العالم كله مضروب زيينا و يمكن اكتر مننا سواء فى الحالات او الوفيات لكننا نختلف ان المصائب عندنا تتحور و تتطور و تتزاوج لتنتج مصيبة جديدة لا يعلم مداها الا الله خاصة فيما يتعلق بحاجة خارج السيطرة مثل الاوبئة ......... طب ما العالم كله فيه حوادث عربيات ووفيات، اشمعنا معدل الحوادث و الاصابات و الوفيات عندنا هو من اعلى المعدلات فى العالم؟ السبب الذى يميزنا- بالسلب طبعا- عن العالم كله هو السلوكيات الخاطئة، وهو نفس القنبلة الموقوة التى من الممكن ان تنفجر فى وجه الجميع فى شكل وباء خارج نطاق السيطرة......