أولاً أنا ماجيبتش سيرة مؤامرة .. فيه فرق بين المؤامرة والفساد
ايه دافع الزوج في النفي؟ يا إما الست ماتت بأزمة قلبية زي ما قال يا إما "قابض" وده احتمال بعيد لأن السلطات السعودية (أول من فحص حالة السيدة المتوفاة) كتبت تقرير يوصف أعراض تانية غير الإنفلونزا
موضوع إنه متوطن هو الحمد لله لم تسجل إصابات بين المصريين المقيمين داخل الدولة وده يرجع لجهود الوزارة والسلطات الصحية، طب ليه نفس السلطات الصحية دي بتقول أخبار الاكتشافات كأنها إصابات بين المصريين؟ تابع أي بيان وهاتشوف من عنوانه إنه "ارتفع عدد الحالات المصابة إلى 200 في مصر" وبعدين في تفصيل الخبر يقولك إنهم كلهم قادمين من الخارج .. طب ليه التحوير؟ عشان يوهموا جهة ما أو يوهمونا احنا إن المرض منتشر وحوالينا ولازم نترعب ونشتري كمامات وناخد تطعيمات مالهاش لزوم بالشيء الفلاني واهو كله بيزنس .. شوية دعم من منظمة الصحة على شوية دعم من مستوردي الكمامات والعقاقير يجيبوا شاليه في بورتو مارينا.
بمناسبة إنفللونزا الطيور .. النهاردة تم اكتشاف الإصابة رقم 86 (خلال 3 سنوات) .. .بينما إنفلونزا الخنازير تم اكتشاف الإصابة رقم 200 بين السادة الوافدين (في أقل من 3 شهور) مش عارف ده مؤشر كويس ولا سيء بس أنا حاسس إن فيه تهويل في كلا المرضين
المفضلات