الظاهر إن الشريط سف ( سف سكر )
سوري يا هندسة أصلي القافية حكمت
عرض للطباعة
[QUOTE=MMamdouh;985073]طيب طالما متفقين ان من البديهى بيقى اتجاة الهوا من الامام للخلف يبقى احنا بنناقش ايه؟... و مازلت برضة مش فاهم التركيز فى ايه؟؟
MMamdouh[/QUOTEر
عرفت بقى إيه الهدف من الموضوع ....؟
الهدف إن حضرتك تنورنا زي ما حصل كدة ...
يبقى الهدف إتحقق يا ممدوح باشا
لاحظ عدة نقاط فى الموضوع دة:
1- الكلام اللى اثرتة مضبوط و عشان كدة بقى فيه طنابير مهواة ventlated عشان زيادة المساحة المعرضة للهواء و تحسين التبريد و دة نتيجة الحرارة العالية اللى بتولدها الفرامل مع صعوبة تبريد الطنبورة لانها محاطة باجسام كتير (الجنط و الكالبر و العفشة و خلافة)
2- الفرامل مش حتسخن الا لما تستعمل... يعنى السخونة حتعلى لما سرعة العربية تقل بالتالى بيبقى متاح زمن اكبر للتبادل الحرارى... و كل ما العربية بقى ادائها عالى كل ما بقى معمول حساب التبريد من خلال ducts لتوجية تيار هوا للكالبر و الطنبورة ... فى عربيات الرالى لما بيبقى السباق على الاسفلت بيركبوا كالبر فيه 6 بساتم و علية رادياتير صغير لتبريد زيت الفرامل
http://image.mustangmonthly.com/f/mi...ling-ducts.jpg
3- التبادل الحرارى كدة كدة حيحصل لكن الفرق فى فاعلية التبادل اللى حصل نتيجة عامل السرعة اللى ذكرتة و عامل قلة الهواء... العوامل دى مش خطيرة فى الفرامل زى الرادياتير لان الرادياتير بيبقى سخن طول ما المكنة شغالة و درجة حرارتة شبة مستقرة فى حدود معينة لكن الفرامل بتسخن مع الاستخدام فقط و ممكن توصل لدرجات حرارة عالية جدا فى ثوانى قليلة لكن دى مش طبيعة تشغيل الطنابير او الوضع الطبيعى لشغلها طالما بنتكلم على عربية ركوب عادية بالتالى نظريا المفروض ان تيار الهوا اللى بيعدى على الطنبورة و زيادة المساحة المعرضة للهواء من خلال تصميم طنابير مهواه يكفى لتبريد الطنابير
4- كل دة ميمنعش ان الطنابير احيانا بتسخن زيادة و دة بيسبب ان التيل يشيط بالتالى السواق نفسة لازم يبقى واخد بالة انة لما يكون ضاغط على الفرامل جامد و عارف ان الطنابير سخنت ميقفش مرة واحدة و يدى فرصة للطنابير تبرد من خلال المشى بسرعة معقولة عشان يبقى فيه تيار هوا مناسب للتبريد والا اول ما يقف التيل حيولع
http://www.b1a.co.uk/andy/M3/freins/smoking.JPG
MMamdouh
أضافة لكلام أستاذنا / محمد ممدوح ... لو حضرتك لاحظت شكل الطنبورة اللي في الصورة هتلاقي تشابه كبير بينها و بين الايمبلر (مروحة) طلمبة الطرد المركزي (Centrifugal pump) و التي تستخدم في التبريد
الفكرة هنا أثناء دوران الطمبورة بسرعة عالية طبعا بيحدث تفريغ في منطقة الوسط (زي الدوامة كده) و بالتالي يحدث شفط للهواء من الوسط في أتجاه الاطراف لذا ستجد في الاطراف زعانف أو ريش داخلية لتوجيه هذا الهواء في مسارات و هو مكان احتكاك الطنبورة بالتيل (علي الطرف)
طبعا ممكن حد يقولي ماهو الكاوتش راكب أزاي هاتتم عملية سحب الهواء من المنتصف , أقولك أن تصميم الاطار و الجنط بيكون ملائم لهذا الغرض بوجود فتحات في الجنط تسمح بمرور الهواء
أرجو اني أكون قدرت اوصل لكم الفكرة و نظرية عمل مثل هذه الطنابير
more on brakes:
YouTube - WRC Technical - Brakes
YouTube - DBA Kangaroo Paw Disc Rotor Ventilation Design
MMamdouh