نصيحة لصاج اللاونوس

**amrokhafagy** · 09-05-2007 10:48 AM

نصحنى مهندس بتوكيل دايو (الصفوة بالاسكندرية ) وذلك نظرا لضعف صاج اللانوس وهو ان لا يتم غسل السيارة بمحطات البنزين حتى لو تكون طينة بداخل الرفارف وقاللى ان الطينة لما تكتر سوف تقع فى المطبات لان خراطيم غسل السيارة فى المحطات بالضغط العالى تقوم بادخال المياه فى اماكن دقيقة وصعب تطلع منها هذا بالاضافة ان الضغط الكبير ممكن يشيل طبقة الانتركوتينج الموجودة بالسيارة وبالنسبة لغسل السيارة يتم غسلها بفوطة مبلولة وجردل مياه او بالفرشاه الميكانيكية بالمحطات وبالنسبة للموتور يتم غسله كل 6 اشهر او سنة باسبراى فوم ثمنه 20جنيه بالتوكيل

**sokasoon** · 09-05-2007 10:51 AM

حضرتك تقصد الصاج الخارجى

يعنى لو اترفعت فى البنزينة علشان انزل الطين والاوساخ من تحت فيها مشكلة

**amrokhafagy** · 09-05-2007 01:06 PM

بالضبط كده وخصوصا للمحافظة على السيارات الجديدة

**MMamdouh** · 09-05-2007 03:27 PM

بعد 8 سنوات مع الدايو احب اقول ان الكلام دة فتى من مهندس الصيانة انا بغسلكل شبر فى عربيتى فى المحطة و دايما بغسل شاسية خصوصا بعد فصل الشتاء الممطر و الحمد لله مفيش اى مشاكل

الضغط العالى بيستخدم فى غسيل الشاسية فقط لازالة الطين المتراكم على الشاسية و العفشة... العبقرى اللى قالك سيبة مش فاهم هو بيقول ايه لسبب بسيط... تخيل انك دوست فى شوية ميه و العربية مفيش عليها سنتى من الطين؟ بعد دقيقة حتنشف... طيب لو دست فى نفس الميه و العربية مليانة طين؟؟ كل الطين حيتبل و يفضل مبلول فترة طويلة و خلال الفترة دى حيبقى مصدر رطوبة ممتاز للصداء ياكل فى اجراء العربية

و بعدين محدش بيغسل البودى بخرطوم الضغط العالىززز دا بيبقى خرطوم مياه عادى و فقط بيستخدم الضغط العالى فى الشاسية لازالة تراكمات الطين و مفيش خطر منه... الا اذا كنت بتغسل العربية بخرطوم مطافى

اما الموتور فا انا بغسلة بالجاز و المياه و الصابون... الفوم ممتاز بس مش حيوصل لكل حتة فى الموتور و كل غسلة ب20 جنية فى حين انا غسيل العربية كلها ممكن يكون اقل من كدة

MMamdouh