هل تاكهين الملاكى هو الحل بالنسبة للتلوث الهواء فى مصر
عرض للطباعة
هل تاكهين الملاكى هو الحل بالنسبة للتلوث الهواء فى مصر
انا مع التكهين كجزء من الحل
لو التكهين ده هايفيد البلد و الناس كلها (كلها و ليست فئة أو أشخاص محددين) هما اللي هايستفيدوا يبقي أكيد هأكون معاه و بشرط أنه يكون أختياري مش أجباري
انا مع التكهين ..
لكن بشرط الناس تاخد حقها برضه في شكل تعويض عن العربيات
يعنى
ياخدوا فلوس يعرفوا يشتروا عربية تانية
مش تعويض ميجيبش عجلة!!
انا مع التكهين فعلا في عربيات لازم تتكهن
بس لازم صحابها ياخدو حقهم بالعدل
أنا بقى ضدد التكهين لأن مش بلدنا اللى هتيدى الناس حقها دا غير أن فى عربيات موديلات 80 فيما فوق حالتها أحسن من موديل 2007
والله ما ببالغ دا شوفتو كتير بعينى
أما بقى لو البلد اللى أحنا ضيوف فيها تعطفت وتكرمت ورفعت الجمارك من على السيارات ساعتها هبقى أول من ينادى بتكهين السياره وان يكون عمرها لايذيد عن 10 سنوات كمان
انا مع التكهين بس بالعدل يعنى متساويش الملاكى زى التاكس لان بتاع التاكسى لو ظلمتو شوية ففى النهاية هتديله عربية جديدة يعرف ياكل من وراها عيش كويس اما بتاع الملاكى فعربيته صارف عليها طبيعى ومقضيه مشاوريه هتاخدها منه بالظلم وتديله عربيه جديدة اى نعم تكنولوجيا جديدة وكل حاجة بس مش هيكسب من وراها اى حاجة ولن ينوبه سوى فرق السعر الكبير ومصاريف الصيانة العاليه
اكيد معاه جدا بس يكون يكون اختيارى و يزودوا الضرايب على القديم بصورة تصاعدية حسب الموديل
و اللى يعمل حادثة جامدة سواء قديم او جديد يتشطب من المرور و العربية تتكهن اجبارى
انا موافق على التكهين بس يكون اختيارى
وتقدير السعر للعربيه القديمه يكون عادل
وقسط الجديده يكون قدر المستطاع
لان صاحب الملاكى هيدفع فرق اقساط
وهو مش هيكسب منها حاجه زى التاكسى
وكمان مايكونش فى اى شروط للصيانه
وتغيير الزيوت فى التوكيل
انا حر فى عربيتى اعملها صيانه واغيرلها
زيوت مكان ماانا عاوز وليا الاختيار
مفيش بلد في العالم عملتها ... لان اصلا السياسات في الدول المتقدمة لا يمكن تبقى بهذه الطريقة ... انتوا ناسيين ان اغلى السيارات في الخارج هي السيارات الكلاسيكية من سنة 1960 و ما قبلها ... لكن هذه الدول بتقدم حوافز للناس عشان يعرفوا يشتروا عربيات حديثة من غير اجبار .. يعني مثلا مرتب اي مهندس متخرج في اوروبا لا يقل عن 5000 يورو ... و العربيات مش عليها جمارك .. و في تسهيلات في الدفع ... اذن الدولة مش محتاجة تعمل قانون للتكهين الاجباري و الكلام الفاضي دة ... صدور مثل هذا القانون لا يعبر الا عن مدى ضعف و عجز حكومتنا الذكية الرشيدة عن توفير الحلول المنطقية ... و اهي في الاخر كلها عمولات .. و نفع و استنفع ... شغل رعاع صحيح
The_Fox_Arab
ممتــــــــــــــــــــــ ـــــــــــــــــــــــــ از
انا مع التكهين وبشده
بس مع ايجاد الحلول المناسبه لمحدودى الدخل واللى ميقدرش على تمن الجديد
و هما دول ناس بيفكروا فى حد برده !!
انا مش مع "التاكهين" ..... انا مع التكهين .....
انا مع التكهين العااااادل
يعنى العربيات يتعمل ليها كشف على كل حاجه فى العربيه ماتور و عفشه وكل حاجه ويتم التقرير تمشى ولا تتكهن
ويبقى فى حد زمنى يعنى يمنع اى عربيه موديل قبل 1980 من انها تمشى
لانها حتى لو مرسيدس او bmw موديل قبل 1980 بتبقى خلاص حالتها فى الارض وكفايه يكون عدى عليها 30 سنه خدمه
و ان القرار دا هيتطبق فى حدود 3-5 سنوات قادمه ففى فرصه قدام الناس انها تعيد حسابتها
حسب الحالة الفنية بشكل عادل ويكون اختيارى
لاكن حد يقدر يقولي لما تكهن عربيه مين من محدودى الدخل الزاى حلاتي يجيب ايه عشان يتحرم من الموصلات المش نافعه بتاعتنا دى
ولا اختيار عجبني علشان كده هروح اصوت في حته تانيه ولو ملقتش هرجع هنا واملا الدنيا صرااااااخ
الدولة لما اديت فى التاكسى 5 الاف جنية للتكهين عارفين انهم بيبعوا النمر الاجرة ب 20 الف فى كانت دى موازية لدى
اما الملاكى المفروض يدى تمن العربيه فى السوق كام ويكهن غيرة كدة حرام
طيب يا جماعه تفتكرو هيدو تعويض كام يعنى التاكسى كان 5000 طيب الملاكى هيبقى كام مثلا 10000 جنيه ولا اكتر
وحتى لو 10 الاف انا لسة شارى العربيه من شهر 128 موديل 1986 ب 14000 جنيه و عامل فيها شغل ب 2000 جنيه
مهى دى المشكله السيات هتبقى زيها زى المازدا 323 او البيجو 504 زى المرسيدس فى نفس السنه
لو اختيارى فقط
انا مش معاه
يعني الناس متوسطي الحال يجيبوا اقساط الجديد منين
كدة بيقوله يا تاخد جديد بالقسط وتدفع ثلث ثمنها زيادة غصبا عنك يا بلاش تركب عربيات اساسا واتبهدل انت وعيالك في المواصلات
بجد منتهى الظلم وكلنا عارفين انه لمصلحة كبار حيتان البلد
هتقولي تلوث بصري وسمعي وبيئي ومعرفش ايه
هقولك شوف المصانع اللي سيبنها وسط المدن وفي منها بدون ترخيص وسببت امراض مستعصية للمواطنين
ولا احنا كدة مش بنتشطر غير على الغلابة
ياريت قبل منقول رأينا في موضوع نحط نفسنا مكان الاطراف التانية عشان نحس بمعاناتهم
يعني رب الاسرة اللي مصدق جاب عربية ترحمه هو والاده من المواصلات ودخله الشهري 1000 جنيه ولا حتى 2000 جنيه يعيش 3 او 4 او 5 سنين مديون بسبب عربية وعايش بباقي المرتب بالكاد ليه
ولسه ياما هنشوف منك يا مصر