ياريت من كل سائق هياكهين يقول على ماركة عربيتة علشان نستفيد من القطع الغيار بتاعتها ويحدث تبادل بين التاكسى والملاكى بحيث اعطى لة رديايتر بتاعى بايظ واخد بتاعوا لو كويس لان كدا كدا هياكهين يخلينا نستفيد بقطع الغيار
عرض للطباعة
ياريت من كل سائق هياكهين يقول على ماركة عربيتة علشان نستفيد من القطع الغيار بتاعتها ويحدث تبادل بين التاكسى والملاكى بحيث اعطى لة رديايتر بتاعى بايظ واخد بتاعوا لو كويس لان كدا كدا هياكهين يخلينا نستفيد بقطع الغيار
سعادتك هم مش محتاجين توصية
هم عارفين بيعملو ايه
دا في حالة لو سلموا السيارة بردياتير اساسا
هم بيسلمو حتة خردة عليها ارقام الشاسيه والموتور بس
اقتباس:
المشاركة الأصلية كتبت بواسطة mo7a_mo7a
+11111111111
انتا مفكر انهم بيسلموها بالحاجات دى
طبيعى بتتقلب
اقتباس:
المشاركة الأصلية كتبت بواسطة mo7a_mo7a
طاب ازاى بيوصلوا العربية لمكان التكهين ما كده مش هتمشىاقتباس:
المشاركة الأصلية كتبت بواسطة alisleman
اعرف سواق تاكسى فك كل حاجة من العربية
حتى ماكينة الزجاج والزجاج لزقه بالسلوتيب العريض
حط مكان الكشفات ورا وقدام الوش البلاستيك فقط حتى تنك
البنزين فكه وحط مكانه جيركن 4 لتر يوصله لمقبرة السيارات
فرد الكلاكس كل حاجة...كل حاجة ما خلاش.... ماحدش منهم بيغلب
اقتباس:
طاب ازاى بيوصلوا العربية لمكان التكهين ما كده مش هتمشى
مين قال كده.
- 4 جنوط حديد كاسرين.
- 4 فرد كاوتش مترمطين باربه شنابر مستعملين.
- جميع الكماليات والأساسيات الفرعيه بتتشال: (كاسيت - اكواليزر - أكر بيبان - مكن قزاز كهرباء او وحدات رفع- السيريات وخلافه )
- اكصدامات تستبدك.
- استبدال ال 4 بيبان.
- ال 4 مساعدين باليايات. يستبدلوا ب 4 كهنة... وياحبذا لو العافشة تتفور وتتباع استيراد وتستبدل بعافشه خرده.
- الكلاكسات بتتشال.
- الكراسي بتتغير من عند سروجي وياخدوا الفرق.
- والتابلوه لو نظيف شرحه.
- الكريك . والغطاء وشنطة العده والاستبن.
- وأكيد البطاريه بواحده قديمه ملغي منها ربع ولا حاجه ومشحونه علي تونجر.
- ويفك المراوح.
وفي الاخر يحط 5 لتر بنزين توصله لمكان التكهين.
يعني تقدر تقول انه كل اللي بيتبقي الموتور والبودي الاساسي.
ده غير طبعآ انه مايصرفش عليها جنيه ولا حتي غيار زيت لمدة طويلة قبل التكهين (طالما عقد النيه)
ينهار ابيض
يعني مين ضحك على مين
الحكومه ولا اصحاب التكسيات ؟!!!!!!!!
اعتقد احنا اللى انضحك علينا لما الحكومه ترفع البنديره على دخول بتقل مش بتزيد ولما تركب تاكسى جديد والسواق يقولك مافيش عداد احنا علينا اقساطاقتباس:
المشاركة الأصلية كتبت بواسطة musiccairo
انا شايف ان موضوع اعدام التاكسى ده كان فقط على السيارات الى هى اصلا خلاص مفيش فيها حاجه سليمه يعنى الى بيعمل كده اصلا عربيته مينفعش ناخد منها اى حاجه هى كده كده ضربه من كلها
على شان الى لسه فيهم عربيته فيها امل بيقلبها ملاكى ويبيع او يحتفظ بيها لنفسه وده وانا شفت عربيات ملاكى كتير كان اصلها تاكسى يبقى هتاخد ايه سليم؟؟؟؟
المشروع بتاع التاكسى كان فعلان لصالح ناس كتير وفى نفس الوقت ظلم ناس كتير بس الناس برده عندها عقل وقلبت الى ينفع لملاكى بس فيه ناس اتظلمت الى هى فوق سن ال 60 على شان كان ده مصدر الدخل بتعهم وطبعا بعد المشروع الناس دى غيرت شوغلها وهما مش نسبه كبيره بس برده حرام الى حصل فيها
شوفوا يا حضرات :
طالما القوانين هنا بتتطبخ من أجل جباية المال هايكون من الطبيعي انها ماتكونش مدروسة كويس و كمان من الطبيعي ان الناس تتحايل علي القانون اللي هدفه جباية مابداخل جيوبهم من اموال و في النهاية الشاطر هو اللي يقدر يأخد و مايديش و مش مهم مصلحة البلد و لا اللي عايشين فيها .... و أياكش ........
و حسبي الله و نعم الوكيل
لا احنا محدش ضحك علينا العكس على الاقل انت النهرده عارف المطلوب من حضرتك فى مشوار معين عكس الاول كان كل سواق بمزاجه الى يقول 10 والى يقول 20 فى مشوار بسيط النهرده غصب عنه هو محدد بتسعيره معروفه يعنى انت عارف هتدفع كام وده افضلاقتباس:
المشاركة الأصلية كتبت بواسطة ash_rsi
وانا نفسى فرحان ان دلوقتى فيه رقابه عليهم عكس الاول دول كانو وحوش وشوغل بلطجه انا كنت دايما اركب التاكسى من مدينه نصر فى شارع الطياران عند السنترال الى رمسيس عند محطه القطار اقوله كام يقولى 20 جنيه
مره واحده عملت خناقه لقيته نازلى بعصايه الكوريك دى كانت بلطجه كده افضل
محدش استفاد من المشروع دا غير المعلمين الكبار بتوع شركات السيارت
منصور باشا وابو الفتوح بيه وغبور طبعا
يعنى ايه المشروع دا يتنفذ دلوقتى بالذات ... فى الوقت اللى نسبة المبيعات وصلت لتحت قوى ولو استنو شويه تانى كانو هيعملوا تخفيضات حقيقيه (مش تخفيض 5000 على عربيه بـ100الف) عشان يقدروا يبيعو
فى الوقت دا بالذات يهبط المشروع دا من السما دماغ البهوات دول لينتشلهم من شبح الاغلاق فتنقلب الايه .... ومنصور يوقف تسليم للوكلا والمعارض من نص يونيو لحد نص يوليو عشان بيطلع تاكسيات وارزاق.
انا عاوز افهم ... هما مفكرين اننا متخلفين قوى كدا ولا مابنفهمش عشان يقعدا يشتغلونا ويوقلو بيئه وصحه وشوارع
من امتا والكلام دا بيفرق مع الجدعان دول
حسبى الله ونعم الوكيل وربنا يحاسبهم حساب عسير وينتقم منهم انشاء الله
على فكره انا مش صاحب تاكسى ولا بفكر اشترى تاكسى ولا ليا علاقه بموضوع التاكسى تحديدا ولكنى مواطن بسيط قرفاااااااااااااااان من القرف دا
ودمتم زى الفل
سيدي الفاضل:اقتباس:
المشاركة الأصلية كتبت بواسطة morieno
ماذا تتوقع من حكومة يديرها رجال الاعمال ؟؟
هل تتوقع أن يتخذوا قرارات لصالحك أو صالح المواطن الغلبان المطحون ؟؟
أم ستكون قراراتهم لصالحهم و لصالح شركاتهم و مشاريعهم الخاصة ؟؟
أنظر حولك و انت تعرف الاجابة :
- وزير النقل و المواصلات .. منصور شيفورليه (توكيل شيفورليه - مانتراك)
- وزير السياحة .. زهير جرانه (قري أزور السياحية - شركة تاروت جرانة للسياحة)
- وزير الصحة .. الجبلي (مستشفي دار الفؤاد)
- وزير الصناعة .. رشيد (مصانع و شركات صناعية)
و غيرهم كثيرين
طب إزاي حضرتك هتعرف التسعيرة دي لما يكون السواق مش مشغل العداد , يعني تحسبها إزاي ؟؟؟؟؟اقتباس:
المشاركة الأصلية كتبت بواسطة bob2009
مش مشغل العداد ابلغ عنه على شان هو المفروض يشغلهاقتباس:
المشاركة الأصلية كتبت بواسطة as01241
فى اول مكان فيه ظابط شرطه مرور اقول ان التاكسى ده مش مشغل العداد وهو هيخليه يشغله طول عمره بعد كده بسيطه يعنى
بص ياباشا المصرين اغلبهم نفسهم البلد دى تكون اعظم بلد فى العالم وعلى شان ده يتحقق لازم كل واحد فينا يعمل الى عليه يعنى ليه اسيب سواق مش مشغل العداد وهيسرقنى فى الاخر ؟؟؟؟؟؟؟؟؟؟؟؟؟
التاكسى الجديد كمان نازل بعداد غير القديم يعنى كل حاجه مختلفه تماما عن التاكسى القديم وده افضل لصالح المواطن يعنى لا هيظلم حضرتك ولا سواق التاكسى
دى الفكره
اقتباس:
المشاركة الأصلية كتبت بواسطة ahmed_su
اقتباس:
المشاركة الأصلية كتبت بواسطة drift_lover
بس متوقعش بتوع الملاكى يقدروا يعملوا كده لان بتوع التاكسى اكيد يعرفوا صنايعية كتيير يظبطوهم فى الحوارات دى
وتانى حاجة هتبقى بهدلة على الفاضى علشان اوفر 200 او 300 جنيه
انا حسيت انك كمان شوية هتقول ركب بدالات و قعد يبدل لحد مكان التكهيناقتباس:
المشاركة الأصلية كتبت بواسطة ahmed_su
و الله الشعب المصرى دا شعب برنس