-
استشارة عاجلة
[justify]إلى كل أصدقاء وخبراء اللادا الكرام..السلام عليكم..
أنا معروض عليا عربية لادا 2110 موديل 2002 روسي (الشكل الجديد) ماشية 100 ألف كيلو
العربية كاملة عدا االباور طبعا (تكييف/ سنتر/ 4 زجاج كهرباء/ جنوط/ إنذار/ كاسيت بايونير)
حالتها العامة ممتازة.. صاحبها طالب فيها 24 ألف
أنا الحقيقة لا أفهم في اللادا بالمرة.. ولا أدري هل ملاحظاتي التالية عادية أم لا.. فأرجو إفادتي:
أولاً لاحظت إن مروحة الرادياتير اشتغلت بسرعة جدا برغم إن العربية واقفة في مكانها.. علشان شغلنا التكييف نجربه.. وتكييفها قوي وممتاز.. لكن أنا قلقت من مسألة الحرارة.. يعني لو في وسط البلد في الصيف ومشغل التكييف تبقى مشكلة كبيرة.. ولا إيه؟ خصوصاً إن صاحبها قال إنها بتسخن إذا شغلت التكييف في الزحام والإشارات.
الملاحظة الثانية إن بعض الناس قالوا لي إن اللادا الشكل الجديد (اللي هي شبه الهونداي إكسيل) ليست بجودة وكفاءة الشكل القديم.. لأن موتورها أكثر تعقيداً وأعطاله كتيرة.. ولأن عفشتها أيضاً معقدة لأنها على مستويين.. أو طبقتين فوق بعض.
أنا مش عارف أعمل إيه.. العربية غير متهانة بالمرة.. وتقريباً لم تستخدم منذ أكثر من عام.. يعني بالظبط اشتغلت من آخر 2002 حتى آخر 2007 وعاملة 100 ألف بس.. وصوت موتورها مش عالي .. لكني قلقت من الحرارة ومن اللي خوفوني من الشكل الجديد..
آسف مرة أخرى على الاقتحام وعلى الإطالة.. لكني محتار وأردت الاستعانة برأيكم في هذا الموضوع العاجل جداً
أشكركم واتمنى ألا تبخلوا بالرأي والنصيحة
سامح[/justify]
-
السلام عليكم ورحمة الله وبركاتة ....
والله يا اخى انا ماعندى معلومات عن هذا الموديل بس اكيد فى اعضاء كتيرة بيفهموا كويس جدا واكيد هيردوا عليم قريبا ...
ولا تستعجل الشراء وتريث
-
بص يل سيدي الفاضل هو عيب الموديل دا بعد ما اتأكدت انه بيسخن بسرعه جدا و دسك الدبرياج الغير معمر اطلاقاً ( و اذكر ان في عضو هنا برضه معاه العربيه دي و كانت عنده نفس المشكله و مغير الديسك عل 20,000)
دا لينك عن الادا بس فيه تجربه اخ مع الكالنيا
http://www.nilemotors.net/Nile/a/85225-a-3.html
و هدورلك علي مشاركه الاخ و ابعت اللينك بتاعها
-
اقرا الموضوع دا بالذات دا كلام احد الملاك
http://www.nilemotors.net/Nile/a/85225-a-3.html
ارجو اني اكون افدتك و اسف علي التأخير
-
و طبعا يا ريت احد الملاك يوافينا بتقرير عنها حتي تتضح الصوره امام الجميع
-
و طبعا يا ريت احد الملاك يوافينا بتقرير عنها حتي تتضح الصوره امام الجميع
-
نصيحة من اخ انا قابلت واحد فى التوكيل كان معاه لادا 2110 بيشتكى انها اولا غاليه على الفاضى و كمان لا توجد قطع غيار فى التوكيل نفسه لانها لسه ماوصلتش
-
انا شايف السعر بصراحة معقول جداا لكن اسئل عن قطع الغيار عند حمدي لادا
-
اعتقد ان حضرتك تقصد ان السعر 42 الف مش 24 الف
ثانيا مروحه الردياتير لازم تشتغل مع التكييف
لكن انا ما اقدرش افيدك في العربيه عامه
-
لا لو 42 يبقي كتير اوي لان 42 تجيب لك لانوس احسن منها بكتير
Content Relevant URLs by
vBSEO 3.6.0 PL2