الموضوع: عناصر من كيا مصر

المشاركة الأصلية كتبت بواسطة nano1980

بص انا مجربتش السيراتو غير مره واحده بس كانت حلوه وكنت ماشيه علي طريق مفتوح يعني محستش ان العفشه ماساه
فمش حقدر اقولك صح
النيسان عفشتها حلوه وان كانت مش ناعمه قوي والباور بتاعها تقيل شويه (زي السيراتو علي فكره )

شكرا لحضرتك على الرد

المشاركة الأصلية كتبت بواسطة lolly136

أنا معايا نيسان صني ٢٠٠٥ 1600 سي سي ياباني
و معية سيراتو 2009
رأي
الصني الباور ناعم جيداً على سرعات عالية محتاجة تحكم فوق الوصف
السيراتو باور أنشف و أكثر ثباتاً من النيسان على سرعات عليا
العفشة
الصني أنعم بس العربية بتقول كل المطبات أي كان حجمها
أما السيراتو أنشف حاجة بسيطة بس عمرها ما أخدت مطب والرك على السواق

شكرا جدا على المقارنة دى وربنا يبارك لك فى السيارتين بس ممكن حضرتك توضح معنى الجملتين دول يعنى اية
(بتقول كل المطبات أي كان حجمها) و (عمرها ما أخدت مطب)....معلش حتقل على حضرتك

المشاركة الأصلية كتبت بواسطة waelaam

شكرا جدا على المقارنة دى وربنا يبارك لك فى السيارتين بس ممكن حضرتك توضح معنى الجملتين دول يعنى اية
(بتقول كل المطبات أي كان حجمها) و (عمرها ما أخدت مطب)....معلش حتقل على حضرتك

+11111111111111

موضوع غير محترم الهدف منه التشكيك والتجريح في الاعضاء يعني زي ماسعادتك ما تقبالش ان حد يشكك في حضرتك ويقول انك مدير مبيعات هيونداي وان نجاح العربية دي خرب بيتكم بردوالاعضاء الي بيشكرو في العربية ما ينفعش نقول انهم شغالين في كيا ده رقم واحد
رقم اثنين لو كل عضو استخدم اسلوبك وبقى اي واحد بقول ميزة في الغربية يبقى شغال في توكيلها وبالتالي حيظهرك ناس تقولك ده انت الي شغال في توكيل منافس ليها يبقى احنا المطلوب مننا ان لا نصدقك ولا نصدقه يبقى المنتدى فقد مصداقيته وبالتالي يبقى من الافضل نقفله مع ان مش هو ده الحل المنطقى
الحل هو ان كل واحد يقول رايه بموضوعية من غير مبالغة ومن غير دعاية ومن غير اسلوب المانشيتات مثل جريمة - الحقو - مصيبة - عناصر واذا عرفت تجيب دليل او مصدر للخبر او تقول رايك بناء على تجربة او تقول انا سمعت اشاعة بتقول كذا مع ان برده كده نبقى بنروج ليها بس على الاقل انت بتقول الي سمعت وكل واحد حر الي يصدق يصدق والي ما يصدقش هو حر انما لا انت تهاجم الي ماصدقش ولا الي ماصدقكش يهاجمك ويتهمك او تتهمة باي اتهامات

لذلك ارجو من ادارة النتدى اتخاذ اجراءات حاسمة باتجاه هذه الظاهرة التي بدات تفشى في منتدانا الغالي حتى لا يفقد مصداقيته ويشتت اعضاءة ومن يوافقني الراي يكتب موافق ونترك للادارة حرية التصرف وشكرا