استفسار هاااام

**evoo90** · 27-07-2009 03:16 PM

امبارك سمعت ان التنسيق بتاع الدبلومات الفنيه هيبدأ من يوم الاتنين اللى هو انهارده
رحت جرى اتصلت بأصحابى واتجمعنا ونزلنا نشوف الموضوع ده المهم قالولنا ان ده تنسيق الدبلومات الصتلعيه 3 سنين بس وانا خمسه سألت طب الخمسه امتى قالو مانعرفش تابع الجرايد والنت من يوم 5 /8
المهم رحت طالع على جامعه القاهره اسأل عن المعادله قالولى ان الامتحان اخر شهر 8 بدفع 95 جنيه وباخد 4 كتب ( رياضه1 - رياضه2 - فيزياء - ميكانيكا ) ولو نجحت فى الامتحان بدخل هندسه القاهره على طول او بتوزع على اقرب جامعه ليا
وكنت عايز اعرف اكتر عن المعادله دى منكم لو حد يعرف او حد عملها عايز اعرف نظامها بالتفصيل ومدى صعوبه المواد دى وفرصه نجاحى فيها وشكرا مقدما ليكم

**evoo90** · 28-07-2009 05:05 PM

لا حول ولا قوه الا بالله !!!!!!!!!!!!!! معقول فى كده. !!!

**نور القمر** · 28-07-2009 05:53 PM

حالو تشوف مدرسين خصوصين وابتدي بسرعه وربنا يوفقك
بالنسبة للصعوبة او سهولة المواد دي معتمدة على الشخص نفسه
ومعتمدة على دراستك السابقة
يعني هل انت في الصنايع كنتم بتاخدو رياضيات وفيزياء ومكيانيكا ولا معندكش فكرة نهائي عنهم
انا كنت في كلية تجارة وكانوا زمايلي بتوع ادبي مش عارفين يستوعبوا طريقة حل المعادلات الانية على سبيل المثال
لكن بالنسبة للعلمي كانت تفاهة بالنسبة لهم

المهم اشتغل بسرعه ومتضيعش وقتك وربنا يكنب لك اللي فيه الخير يارب