اشتري البيرسونا من السعوديه ولا مصر احسن

**memo_p910** · 27-07-2009 03:22 PM

ان شاء الله قررت اشتري البيرسونا اوتوماتيك

بس محتار لاني في الرياض اشتريها من عندي احسن ولا من مصر علما بان سعرها هنا 43000 ريال اوتوماتيك كامله وهل البروتون ليها موصفات خليجيه واخرى مصريه زي التويوتا مثلا ولا مفيش بينهم فرق

ياريت حد من اصحاب خبرة ابروتون يرد عليا وشكرا لكم

**as01241** · 28-07-2009 11:19 AM

أعتقد إن بروتون ماعندهاش مواصفات خليجية أو غير خليجية وغالبا العربية زي ما بتنزل مصر بتنزل بردو في السعودية , غالبا ما فيش فرق, بس اللي هيفرق معاك هو جمركها يعني هي هتقف عليك بكام بعد جماركها , علما بإن البيرسونا الأوتوماتيك الهاي لاين في مصر بتعمل 91900 , فا انت احسبها وشوف , وربنا يوفقك

**A. Ibrahim** · 28-07-2009 12:24 PM

المشاركة الأصلية كتبت بواسطة memo_p910

ان شاء الله قررت اشتري البيرسونا اوتوماتيك

بس محتار لاني في الرياض اشتريها من عندي احسن ولا من مصر علما بان سعرها هنا 43000 ريال اوتوماتيك كامله وهل البروتون ليها موصفات خليجيه واخرى مصريه زي التويوتا مثلا ولا مفيش بينهم فرق

ياريت حد من اصحاب خبرة ابروتون يرد عليا وشكرا لكم

بص يا باشا

تقريبا هتعمل 92000 لو العربيه فيها المثبت انا اجبها لو مكانك و اهو اوفر فلوس السفر

و نصيحه روح صين و متقلش لحد انها خليجي و محدش هياخد باله لانهم في عالم سابع (بعد العالم التاني بخمس محطات)

**m.3abdel3al** · 28-07-2009 01:38 PM

فعلا لو هتلاقي انها ارخص من هنا اشتريها طبعا و هما في الصيانة ولا هياخدوا بالهم

**أبومعاذ** · 28-07-2009 05:46 PM

حضرتك اسال على الجمرك و على اساسه حدد اي بلد هتبقى ارخص
بخصوص المواصفات اللي هنا مواصفات خليجية و مكتوب كدا على العربية بس هتفرق عن اللي عند حضرتك انها هنا شايلين منها مثبت السرعة من اول موديل 2009

**aaaaaee** · 28-07-2009 10:21 PM

اعتقد انهاهتبقى اغلا بحوالى مش اقل من 10000ج عشرة الاف جنيه بعد الجمارك والذى منه
يا عم هتها من مصر احسن عشان ميحصلش مشاكل معاك كمان فى صيانة التوكيل
وريح نفسك من وجع القبل والشحن وخوفك على العربيه وكده يعنى
واخيرا استخير

**tutankhamoun** · 29-07-2009 08:18 AM

السلام عليكم و رحمة الله و بركاته

أعتقد أن لو سعرها قريب من السعر المصري ( أكتر أو أقل بحاجة بسيطة ) يبقى الموضوع مش مستاهل المخاطرة في ضياع الضمان .
لو الفرق بين السعر المصري ....... و سعر السعودية ....... كبير لصالح سعر السعودية و يستاهل المخاطرة بالضمان ..... يبقى ممكن تفكر فيها

العربية مواصفات خليجي ( اللي موجودة في مصر )

بس أعتقد أن كل بلد بتنزل فيها العربية بيكون لها أرقام معينة و الموضوع ده مش هايعدي على التوكيل لو فيه حاجة محتاجة تغيير في الضمان ........ خصوصا أن العربية بيتأخد أرقامها و تتبعت على ماليزيا للمراجعة و بيتم أيضا ارسال القطع التي تم تغييرها في الضمان إلى ماليزيا لمراجعتها و محاولة تفادي العيب في المستقبل . ( لو العيب أتكرر )

فأعتقد تشتريها من مصر أفضل لك و راحة بال ....... بالاضافة إلى وجع القلب مع الأخوة اللي زي العسل موظفين الحكومة اللي هايطلعوا عينك في الجمارك ......... و الأخوة بتوع الشحن و التفريغ اللي يا عيني بيخافوا على بضاعة الناس في الميناء !!!!

أشتري من مصر أريحلك خصوصا لو السعر قريب .
44000 * 1.5 = 66000 ألف جنيه مصري بالاضافة طبعا لمصاريف الشحن و التفريغ و مصاريف الأرضيات و الجمارك و الضرائب ...

أعتقد أن ثمنها هايعدي ثمنها في مصر ........
أتصل ببتوع الجمارك و أسأل .........

**أبو_يوسف** · 29-07-2009 09:23 AM

وغير المصاريف والجمارك
عندك وجع الدماغ والروتين اللي ممكن يخليك تسيب العربية في الجمرك وتقولهم مش عايزها
واحد قريبي له تجربة مريرة مع الجمرك وندم انه نزل بعربيته من برة..

**MuhammedSoliman** · 29-07-2009 10:11 AM

رأي تشتري من مصر لو عندك فرصه تشتري من السعوديه مش هتبقا بسونا ............... هيبقى هاجه يابانى أو أمريكانى

تحياتى

-

الموضوع: اشتري البيرسونا من السعوديه ولا مصر احسن

LinkBack

أدوات الموضوع

عرض

-

-

-

-

المواضيع المتشابهه

احسن و ارخص معرض اشتري منه كيا سول خليجي

ايه احسن مكان ممكن اشتري منه جنوط ؟ ؟

ايه احسن فرع اشتري منه اللوجان

ايه احسن مكان اشتري منه لوجان؟

احسن فرع اشتري منة

الكلمات الدلالية لهذا الموضوع

المفضلات

المفضلات

ضوابط المشاركة