أوبتراوى جديد نفسه يفهم زرار الHold بالتفصيل وحاجات تانيه

**Nader** · 21-10-2007 01:50 AM

بالنسبة لموضوع التلين دة ففي مدرستين:

المدرسة الاولى بتقول انك في اول ايام العربية تقرص جامد على الغيارات علشات الموتور يفتح والعلابية تتعود على كدة.

اما المدرسة التانية فهي عكس الاولى.. بتقول لك في الايام الاولى من عمر الموتور يجب ان تعاملة برفق حتي يتاقلم بالتدريج.

انا بقى مع المدرسة التانية لسببين:

الاول انك بعد ما تقطع مسافة من الف لخمس الاف كيلو تلاحظ تحسن ملحوظ في اداء السيارة بشكل عام.. سحب + يسارع + صوت الموتور يوطى و....

التاني لية اخاطر بعربية دفعت فيها دم قلبي او حتى بدفع اقساطها لسة وكل الحكاية الف كيلو متر؟؟

**Nader** · 21-10-2007 01:59 AM

اما بخصوص موضوع الكيك داون او الغيارات فاحب اوضح ان كلما قل الغيار زاد العزم وكلما زاد الغيار قل العزم يعني اية الكلام دة؟؟

يعني احنا مثلاً علشان نقوم العربية ونمشيها من الثبات بنستخدم الغيار الاول لانة بيخرج اقصى قوى من الموتور لتحريك العربية، اما لو انت مسافر على الصحراوي وفاتح على 120 فبتبقى ماشى على الخامس او الرابع "حسب صندوق التروس" لان العربية ماشية بسرعة اصلاً ومش محتاجة عزم او مجهود عالي علشان تمشي. مثال توضيحي:

جرب تزق العربية وهي واقفة... اية مش تقيلة وقطعة نفسك في الزق بس بعد ما تبدأ التحرك من الثبات بتلاقي زقها اسهل مش كدة؟؟

يعني الخلاصة لو مزنوق بين عربيتين وعاوز تعدي منهم بيقلل غيار من الخامس للرابع مثلاً علشان يكون في عزم كافي لهروبك من وحوش الاسفلت سريعاً:) اما لو حاولت ان تهرب منهم على نفس الغيار فهتكون استجابة الموتور بطيئة يا رب تكون الفكرة وصلت.

**Nader** · 21-10-2007 02:02 AM

اما الهولد فدة بيقلل العزم لتفدي الانزلاق... يعني تعتبرة عكس الكيك داون واعتقد ان مفيش فايدة من استخدامة مع جو مصر الجاف .

**Nader** · 21-10-2007 02:08 AM

Nader كتب:
اما الهولد فدة بيقلل العزم لتفدي الانزلاق... يعني تعتبرة عكس الكيك داون واعتقد ان مفيش فايدة من استخدامة مع جو مصر الجاف .

+1

ممكن بس لو كنت في الشتاء في شارع ارضيته طينيه بسبب الآمطار و لقيت العجل بيلف على الفاضي

بالظبط كدة.... بس اصل احنا هنا في القاهرة معزورين علشان مش بنشوف المطر غير كل فين وفين :mrgreen:

**zoro** · 21-10-2007 03:00 PM

يا جماعه الهولد ملوش دعوه بالشد... الهولد مش بينزل نقله... الهولد بيمنع النقله الاولى بس

شوف يا سيدي اليي مكتوب عندي في الكتالوج عن الهولد انه بيثبت العربيه عند الغيار الثالث بالنسبه للعربيات 1600

و فيه موديل اوبترا 1800 مكتوب عنه ان الهولد بتاعه بيمنه النقله الأولي و الغيارات تتنقل بين الثانيه و الرابعه

يعني كلامي صح و كلام سيادك صح
و معنى كده برضه ان زرار الهولد بتختلف ميكانيكيه عمله من عربيه للتانيه أو حتى من cc ل cc في نفس العربه
و لكن الخلاصه انه مفيد في زياده العزم سواء لبدايه الانطلاق على أرض زلقه لو هتستخدمه قبل ما تتحرك
أو عشان يعمل زي الكيك داون و انت ماشي

**Nader** · 21-10-2007 04:12 PM

شوف بما ان الكتالوج بيقول ان الزرار بيثبت الغيار التالت 1600 "والكلام على مسؤليك" يبقى برضة العزم قل... يعني تعرف تطلع طلعة سريعو وانت مشغلة؟؟ الكلام اللي انت بتقولة لو انت ماشي اصلاً على الرابع فتشغلة فيزود العزم بالتالت "لان عزم التالت اعلى من الرابع...شيئ طبيعي" اما عن بدأ الحركة فدة بيقلل العزم لانة بيطلع العربية على غيار عالي اعلى من الاول فاكيد عزمة اقل...وصلت ولا لسة؟

-

-

-

-

الموضوع: أوبتراوى جديد نفسه يفهم زرار الHold بالتفصيل وحاجات تانيه

LinkBack

أدوات الموضوع

عرض

-

-

-

-

-

المواضيع المتشابهه

كده تهريج وحاجات تانية

للبيع فانوس امامى وخلفى لانسر بومة وحاجات اخرى

اللى نفسه يفهم فكره متور السيراه من الالف الى الياء

الكلمات الدلالية لهذا الموضوع

المفضلات

المفضلات

ضوابط المشاركة