أوبتراوى جديد نفسه يفهم زرار الHold بالتفصيل وحاجات تانيه

**mina_ramsis** · 21-10-2007 04:44 PM

شوف بما ان الكتالوج بيقول ان الزرار بيثبت الغيار التالت 1600 "والكلام على مسؤليك" يبقى برضة العزم قل... يعني تعرف تطلع طلعة سريعو وانت مشغلة؟؟ الكلام اللي انت بتقولة لو انت ماشي اصلاً على الرابع فتشغلة فيزود العزم بالتالت "لان عزم التالت اعلى من الرابع...شيئ طبيعي" اما عن بدأ الحركة فدة بيقلل العزم لانة بيطلع العربية على غيار عالي اعلى من الاول فاكيد عزمة اقل...وصلت ولا لسة؟

ايوة يا نادر كلامك صح بس لو العربية واقفة و شغلنا الهولد بس اغلب استخدام الهولد بيبقى زى استخدام الاوفر درايف فى بقية العربيات

**Nader** · 21-10-2007 04:59 PM

الاستخدام دة بقى حسب اليوزر بس المهم نكون عرفنا الوظيفة.

**د.محمود صلاح** · 22-10-2007 03:54 AM

زرار الهولد :
يجعل الفتيس الاوتوماتيك كأنه مانيوال ..............اضغط هولد والعمل الاتى :
من الثبات اختار الغيار L1 ستجدالعربية لا تنقل لغيار اثنين وبعد ذالك اذا رغبت فى النقل ل الغيار الثاتى
انقل عصا الفتيس الى L2 ستجد العربية لا تنقل ل 3 مهما ضغطت بنزين واذا رغبت فى الغيار الثالث
انقل عصا الفتيس للD تنقل للثالث ولن تنقل للرابع الا لو اغلقت زر هولد
وهذا يشبه عمل الستيبترونيك

**zoro** · 22-10-2007 10:18 PM

الله ينور عليك يا أبو عمار
شرح محترم
+100000000000000000

**أبو عمار** · 25-10-2007 09:28 AM

الله يخليك Zoro باشا ده بس من ذوقك

**mohey** · 25-10-2007 10:17 AM

ياسلام يأبوعمار تحليل رائع ويتفق مع تحليل ا/محمود

زرار الهولد :
يجعل الفتيس الاوتوماتيك كأنه مانيوال ..............اضغط هولد والعمل الاتى :
من الثبات اختار الغيار L1 ستجدالعربية لا تنقل لغيار اثنين وبعد ذالك اذا رغبت فى النقل ل الغيار الثاتى
انقل عصا الفتيس الى L2 ستجد العربية لا تنقل ل 3 مهما ضغطت بنزين واذا رغبت فى الغيار الثالث
انقل عصا الفتيس للD تنقل للثالث ولن تنقل للرابع الا لو اغلقت زر هولد
وهذا يشبه عمل الستيبترونيك

ياريت تشرح لنا سيادتك تجربة الكيك داون
:shock:
:shock:
:shock:

**أبو عمار** · 25-10-2007 11:18 AM

الكيك داون بيسقط غيار مع الضغط على دواسة البنزين للآخر وإستمرار الضغط حتى يرجع تانى تلقائيا إلى النقلة الأعلى (و ده فرق بينة و بين الـ HOLD)
أما عن تأثيره فهو بيزود التسارع بشكل ملحوظ و تجربتى الشخصية مع الأوبترا فهى بتطير من الأرض من 100 إلى 140 فى 3 ثوان :shock: و لك أن تتخيل لو بتشد مثلا مع شاب روش أو مع عفريت من عفاريت الأسفلت هتعمل فيه إيه :P :P

**Magdih** · 25-10-2007 12:17 PM

يا جماعه أنا جبت الكتالوج وقريت اللى مكتوب فيه.
المذكور إن زرار الهولد كل اللى بيعمله إنه بيثبت العربيه على السرعه اللى هيه ماشيه عليها وبيفصل النقل الأوتوماتيكى يعنى العربيه بتفضل على نفس السرعه اللى عليها ما بتنقلش أوتوماتيك. وبيقولوا إن ده يستخدم لزيادة ثبات العجل على الأرض فى حالة السير على أرض زلقه.

أما بخصوص التسارع فالكتالوج بيقول إنه إذا أردت زيادة تسارع السياره فيجب أن تضغط على دواسة البنزين إلى الآخر حينئذ سيتم عمل الترانسميشن أوتوماتيك بسرعه ويزيد التسارع عن طريق نزول السياره لغيار أقل (اللى بتقولوا عليه الكيك داون).

هذا هو القول الفصل من كتالوج السياره