أخيرا رموز حروف اللوحات المعدنية الجديدة
أخيرا يا جماعة قدرت الحمدد لله أعرفلكم معانى رموز اللوحات المعدنية الجديدة
:Ta_clap[1]:
المفاجأة الكبيرة:B4_282:
الحروف لا ترمز لشىء زى ما الناس كانت فاكرة
لا لمكان و لا محافظة و لا قسم و لا أى حاجة خالص:120146b
طبعا كلكم فاكرين إنى بهزر بس أنا هحكيكلكم القصة كلها
كنت الأسبوع اللى فات برخص عربيتى فى مرور بين السرايات و أنا الحمد لله والدى ظابط شرطة :policeman:فكنت قاعد فى مكتب العميد/ حسن عطية رئيس قسم الكمبيوتر بمرور الجيزة
و هو بيشرحلى بنود المصاريف وصل للوحات المعدنية فسألته على معناها حلفلى إنه ما يعرفلها أى معنى و إن الهدف الأساسى منها توسيع قاعدة الأرقام بحيث إن تباديل و توافيق الأرقام مع الحروف تدى قاعدة أكبر لكنها لا ترمز لأى شىء
بس قاللى هحاول أختارلك حروف ما يبقاش معناها سىء و طلع معايا و أنا بدخل بياناتى على الكمبيوتر و كنتواقف جنب الموظف من جوه مش على الشباك و طلب منه إنه يختارلى حروف كويسة بس الموظف رد عليه و قال له يا باشا الكمبيوتر بيخلق الحروف و الأرقام بشكل عشوائى بمجرد ملأ البيانات و أنا ماليش أى دخل فى الاختيار
و قد كان شفتها بعينى بعد ما خلص بياناتى كلها ضغط إنتر الرقم ظهر و كان (ص ب + أربع أرقام مش حافظهم لسه):satelite:
المهم اللى أكدلى أكتر إن الرقم عشوائى إن جيرانى فى نفس العمارة عربياتهم بحروف تانية خالص و احد منهم (أس) و التانى (ج ط) و أدينا ساكنين فى نفس العمارة و الأظرف بقى إن كل الناس اللى استلمت تقريبا اليوم ده استلمت (ص ب ) زيى شفتها على حوالى 20 لوحة بتتسلم قدامى:T_thum1[1]:
أنا حبيت أنقلكم الموضوع عشان أنا عارف إنه شاغل ناس كتير و كلهم نفسهم يعرفوا دلالات الحروف و عشان برده ماحدش يفتى و يقولكم أى كلام فى القصة دى:3_3_102[1]: