فتح الشنطة من الداخل + زجاج كهرباء

**islamnooh** · 27-07-2009 04:06 PM

السلام عليكم ورحمة الله وبركاته,,

اشتريت لادا 2107 جديدة من حوالى 3 اشهر . سنتر وكاسيت فقط

عاوز اركبلها زجاج كهرباء مع وحدة رفع امامى وخلفى . فبما تنصحونى مع العلم انى من الاسكندرية .

وكمان شفت فى عربية شاهين فتح الشنطة بالريموت . بصراحة نفسى اعملها . كل شوية ابطل العربية عشان انزل افتح الشنطة لحد . زهقت

عاوز اعرف ازاى الموضوع بتاع الشنطة ده والريموت ده مع الانزار ولا ايه
وفين وبكام فى الاسكندرية خصوصا

ولكم جزيل الشكر

**masrawy1441** · 28-07-2009 08:25 PM

مبروك استاذ اسلام
موضوع فتح الشنطه دى بسيط ومفيش مشكله فيه هتروح لأى كهربائى هيظبطلك الشنطه بوصله سلك مع السنتر علشان تفتحها بالريموت
وان شاء الله مش بيتكلف حاجه دا بس وصله سلك بس عاوزه كهربائى كويس علشان يظبط مفتاح الريموت معاها

**yasoxp** · 28-07-2009 09:09 PM

ياباشا روح على سموحه عند نصار ومجموعه المحلات الموجوده هناك هتلاقى كماليات زى ما انتا عايز بس الاول حدد هدفك من اللى انتا عايز تعمله فى العربيه وهتلاقى فبرات الزجاج وانواع كتير من الاسبيلر للعربيه

بالنسبه للزجاج وسنتر الشنطه روح لاى كهربائى كويس اهم حاجه يكون واحد كويس وهو هيقولك تجيب اه والانواع الافضل وعلى فكره لو السنتر بتاع اللادا ده الفبريكه غيره بالمره بواحد كويس اصله ضعيف وبيعلق مع الوقت