عن تجربه كارينز رقم 1

**loaazayan** · 27-07-2009 04:28 PM

اى تقييم لاى عربيه فى الدنيا يعتمد على التجربه ودى تجربتى مع كارينز اوتوماتيك على طريق السويس

اولا العربيه مش بتاعتى لكن جربتها مرتين لمسافات طويله واللى قال عنها انها موتورها ضعيف اكيد مجربش العربيه تماما ولا يعرف عنها حاجه

العربيه معايا سحبها ناعم اوى ورشيق جدا مع ان حجمها كبير . دواسة البنزين لها مستويين لو ضغطت عليها من تحت بيبقى السحب عادى ولو ضغطت عليها من فوق بتسحب بقوه جامده جدا التنقل مابين الغيارات وانا بتكلم لو مشغلها اوتوماتيك مش مانيوال ناعم وبيسرقك ومابتحسش بالسرعه على طريق سريع لحد 160 مع ثبات جيد جدا فى المنحنيات والعربيه وانت على سرعة 160 هاديه جدا ومعاك انك تزود بسهوله لان الموتور قوى جدا

تكييف العربيه تلاجه ومبيأثرش على السرعه ومن غير متعمل كيك داون

العربيه واسعه جدا جدا جدا من جوه والشنطه بتاعتها ممكن تحملها بمكونات دولاب ودا من غير مجامله بالاضافه انها مزوده بفتحه كهرباء بالشنطه عشان لو هتشغل تلاجه او تشحن موبايل تانى .

مقارنة بكل السيارات فى فئتها لا توجد مقارنة على الاطلاق ولو عربيه متناسبه معاها فى السحب لن تتناسب معها فى الحجم الداخلى للعربيه ماشاء الله ولا قوة الابالله العربيه جميله جدا واداء العفشه جيد وادائها ممتاز كموتور وسحب وتوافق الجيربوكس مع الموتور وسعرها ممتاز اشترناها بـ 109000 جنيه كامله اوتوماتيك وسعرها على 10000 بعدها باسبوع واحد - ولو هتشترى عربيه واسعه وقويه وعائليه جدا يبقى كارينز وبس .
ولو فى اى سؤال عن العربيه ربنا يقدرنى واقدر اوفيه .

**major123** · 28-07-2009 12:36 PM

شكرا جزيلا على التقييم
طمنتني الله يطمنك

**hany667** · 28-07-2009 03:04 PM

شكرا لتقييمك ولكن لى إستفسار مدى كفاءة الفرامل على السرعات

العالية وخصوصا لو معاك عدد فى السيارة ولك أرق التحية

**kiromena** · 28-07-2009 05:16 PM

اولا الف مبروك............
ثانيا استهلاك البزين اد ايه؟جوه البلد و على الطريق؟
الكونسول arm rest مش مأثر على راحة السواقة؟
الكنبة الخلفية واصلها التكييف كويس ولا لاء على اساس انها واسعة
صوت الموتور مش عالى على السرعات؟
اكيد بعد ما سوقتها اكيد اكيد فى عيب و لو صغير.........
على فكرة انا حاجز منيوال وهستلم خلاص
اخبار الترخيص اية؟اد ايه فلوس يعنى؟
اخيرا الله يباركلك فيها........و شكرا على تعاونك

**dido76** · 28-07-2009 06:22 PM

الف شكر ليك علي هذه الاضافة, بس هل حسيت ان العربية فقيرة بالنسبة للامكانيات, انا حاجز الاوتوماتيك بس عندي احساس كسد للسيارة ان مش دي العربية اللي انا عايزها وان مهما كانت الحاجات اللي تروشنها رخيصة بس هي مقللة اوي صورة العربية في عينيا
بما انك سوقتها فياريت تفيدني

المشاركة الأصلية كتبت بواسطة loaazayan

اى تقييم لاى عربيه فى الدنيا يعتمد على التجربه ودى تجربتى مع كارينز اوتوماتيك على طريق السويس

اولا العربيه مش بتاعتى لكن جربتها مرتين لمسافات طويله واللى قال عنها انها موتورها ضعيف اكيد مجربش العربيه تماما ولا يعرف عنها حاجه

العربيه معايا سحبها ناعم اوى ورشيق جدا مع ان حجمها كبير . دواسة البنزين لها مستويين لو ضغطت عليها من تحت بيبقى السحب عادى ولو ضغطت عليها من فوق بتسحب بقوه جامده جدا التنقل مابين الغيارات وانا بتكلم لو مشغلها اوتوماتيك مش مانيوال ناعم وبيسرقك ومابتحسش بالسرعه على طريق سريع لحد 160 مع ثبات جيد جدا فى المنحنيات والعربيه وانت على سرعة 160 هاديه جدا ومعاك انك تزود بسهوله لان الموتور قوى جدا

تكييف العربيه تلاجه ومبيأثرش على السرعه ومن غير متعمل كيك داون

العربيه واسعه جدا جدا جدا من جوه والشنطه بتاعتها ممكن تحملها بمكونات دولاب ودا من غير مجامله بالاضافه انها مزوده بفتحه كهرباء بالشنطه عشان لو هتشغل تلاجه او تشحن موبايل تانى .

مقارنة بكل السيارات فى فئتها لا توجد مقارنة على الاطلاق ولو عربيه متناسبه معاها فى السحب لن تتناسب معها فى الحجم الداخلى للعربيه ماشاء الله ولا قوة الابالله العربيه جميله جدا واداء العفشه جيد وادائها ممتاز كموتور وسحب وتوافق الجيربوكس مع الموتور وسعرها ممتاز اشترناها بـ 109000 جنيه كامله اوتوماتيك وسعرها على 10000 بعدها باسبوع واحد - ولو هتشترى عربيه واسعه وقويه وعائليه جدا يبقى كارينز وبس .
ولو فى اى سؤال عن العربيه ربنا يقدرنى واقدر اوفيه .

**Ahmed Samy** · 28-07-2009 09:27 PM

شكرا لنقل رأيك في العربية

بس موضوع غياب المخدع ده ايه نظامه ؟؟

و التوكيل ممكن يجيبه ولا لأ ؟

لأنه بيفرق جامد

**samehkadous** · 29-07-2009 01:31 AM

انا برضه استلمت كارينز مانيوال امبارح فعلا التقييم الى عامله صاحب الموضوع دقيق جدا بس فعلا موضوع المخدع فارق كتيروحاولت ان اجد اى مخدع مناسب فى بورسعيد ولم اجد

**M.ABDEEN** · 29-07-2009 03:17 AM

مبروووووووووك يا باشا وتقييم ممتاز واهم شيء هو تكذيب ادعائات اللي قالوا ان موتورها سحبه مش قوي وموتورها ضعيف وده كده تاكيد من شخص يمتلك العربية

**M.Mostafa80** · 29-07-2009 03:28 AM

شدو حيلكو يارجاله يمكن نبداء نفكر فيها مكستنى أرأئكم يارب يا مسهل بس بموضوعيه

**أحمد كمال** · 29-07-2009 08:18 AM

المشاركة الأصلية كتبت بواسطة dido76

الف شكر ليك علي هذه الاضافة, بس هل حسيت ان العربية فقيرة بالنسبة للامكانيات, انا حاجز الاوتوماتيك بس عندي احساس كسد للسيارة ان مش دي العربية اللي انا عايزها وان مهما كانت الحاجات اللي تروشنها رخيصة بس هي مقللة اوي صورة العربية في عينيا
بما انك سوقتها فياريت تفيدني

نصيحة لو انت مش مقتنع ان هي دي العربية اللي انت عايزها يبقى اخلع

بدل ما تجيبها و تجيبلك اكتئاب و تبيعها و تخسر

العربية زي البيت لو مش مرتاح فيها بتقرفك في عيشتك