الحمد لله اشتريت فردة سنتر ب 15 جنيه ورحت لبتاع الابواب فك طبلة الشنطة ولحملى فيها حلقة صغيرة
وبعدين ركب فردة السنتر فى الشنطة وثبتها بإفزان ربط صغيرة ( زى بتاعة الطاسات ) وخلى الفتح من ناحية الطرد بتاعة السنتر عشان اقوى من ناحية السحب . وخد 20 جنيه بعد ماجربلى بسلك تجربة على البطارية .
وبعدين رحت للكهربائى عملى زرار صغير وسلك وصله من تحت الفرش للشنطة وبقت الشنطة بتفتح بزرار من الداخل
انا جبت انذار سيمفونى من اللى فيه ريموت به زر لفتح الشنطة والمفروض الكهربائى هيوصلهولى ( فيه سلك رمادى فى الانذار مخصوص للشنطة مكتوب عليه فى الكتالوج trunk )
ولسه هشوف كهربائى نظيف يركبهولى وابقى ارد عليكم انشاء الله