ايه أجمد حادثة عملتها ؟

**M.Mekawy** · 27-07-2009 04:59 PM

كنت بفكر لو كل واحد يكتب تجربته مع أجمد حادثة اتعرضلها فى حياته , و اتصرف ازاى ؟ , و كانت غلطته و لا غلطة الناس التانيين
عشان بقيت ملاحظ فى الفترة الاخيرة فى المنتدى الناس بقى عادى و هى بتقول " و لما كنت ماشى على 190 , و امبارح و انا معدى على 160 ...... , و اصل العربية زبالة , مش بتاخد غرز على 160 كويس و كل اللى جابها ( ل..س ) طبعا الاخوة فى منتدى كيا فاهمنى
فالموضوع جه على بالى بس , عشان كل الناس تستفيد من التجربة غير السعيدة اللى اتعرضلها الناس التانيين

**M.Mekawy** · 28-07-2009 01:21 PM

ايه دا محدش عمل حوادث قبل كده , يا سلام , دانا يظهر عايش فى كوبنهاجن و انا مش واخد بالى

**Mosmafa** · 28-07-2009 02:03 PM

مرة بشد كع سواق تاكسي
زمااااااااااااااااااااااا ااان بال 132
المهم عديت منه و لبسته في صندوق زبالة من الكبار
لحق نفسه ووقف وانا ببصله وبقوله معطلكش يا اسطكى
رحت ديييييييييييييييييييب لابس في ميكروباص اكصداماته حديد صلب
وعينك ما تشوف الا النور

الحادثة التانية كانت بالنوبيرا بعد دي بكتيييييييييييييييييييييي ر
ماشي في جامعة الدول عالساعة 3 بليل و الشارع هو
بشد مع النترا وطايرين جينا عند اول لفة كده بعد سوليدير
ولقيت الالنتر اييييييييييييييي وقف و انا مش شايف في ايه وقفت معاه او متأخر سنة
لقيت اسبيرانزا قاطعة الطريق رحت لامم شمال على ما قدرت مع الفرامل والعربية زحفت جاااااامد
رحت داخل فب الاكصدام من ورا باظ فيها الكبوت عندي
والاسبيرانزا ضاعت من ورا ومن الجنب عشان كانت نصها في اليو ترن ودخلت فيه
اتقلبت على جنبها و اتعدلت تاني
بس اتهرست
وانا شيلت كبوت
والحمد لله

عموما كلللللللللللللللللللللللل للللللللللللللللللللللللل لللللللللللللللللللللللل الحوادث
بتبقى بسبب انك بتشد مع حد مش مضوع جري و دياولو
انت عادي هتجري في حتة مفتوحة وفاضبة لكن لما بتشد
بتلبس و دي حقيقة وحصلت مع ناس كتير اصحابي

**alisleman** · 28-07-2009 04:40 PM

على الكورنيش وبعد مدخل المعادى بكام متر وواحدة بعربية ماروتى وقفت مرة واحدة لبستنى انا ونقل فى بعض وهى معانا
نزلنا نتخانق قالت اصلى كنت عاوزة اخش مدخل المعادى اللى فات دة

**alisleman** · 28-07-2009 04:51 PM

على الكورنيش وبعد مدخل المعادى بكام متر وواحدة بعربية ماروتى وقفت مرة واحدة لبستنى انا ونقل فى بعض وهى معانا
نزلنا نتخانق قالت اصلى كنت عاوزة اخش مدخل المعادى اللى فات دة

**tamertamer** · 28-07-2009 05:43 PM

كنت ذمان 128 اول لما اتعلمت سواقة المهم نازل نزلة الكوبرى بتاعت كوبرى اكتوبر شارع النصر يوم الجمعة الصبح وطبعا مفيش حد فى الشارع كلة فاضى واذا بى القى العربية قلى قدامى فرملت هينداى اكسيل وطبعا ملحقتش افرملت دخلت فيهاء وبعد كدة دخل فية من وراء نيسان صنى لسة زيرو وعشان انا مرزق كان فى لانسر وراء النيسان قدر يحود ويتفاداء النيسان والعربية عومت منة دخل فى الجنب بتاعى بقيت عامل زى الوردة طبعا عربيتى من قدام راحت شوية لانى طلعت فوق الاكسيل عظمها ضعيف جدا ورق ومن وراء الشنطة والكسدام دخلو لجوة والجنب اليمين نزلت طبعا مزهول اتارى الهانم لقت شويت تكسير فى الارض قالت تفرمل عشان متلبسهمش بجد اصحاب العقول فى راحة

**evoo90** · 28-07-2009 05:46 PM

حوادثى كلها اثاره واكشن هههههههههه
هما اتنين الحمد لله وغير كده بسيطه او بلحق نفسى بأعجوبه
اولهم من حوالى 3 سنين كنت سايق المرحومه الانسر ايفو وكان فيها شغل جامد جداااا المهم ماشى فى امان الله لقيت عربيه خارجه من يمينى بسرعه جدا وهوب بتلف عشان تنزل قبلى راحت مقلوبه وكان بينى وبينها مافيش حوالى 4 ولا5 مالقيتش قدامى غير الهان شديته العربيه طوحت ولبست فيها بالجنب الشمال المفروض ان بعد صوت الفرمله والخبطه بتسمع هدوئ شويه انا سمعت فرامل جامده ببص على شمالى لقيت جامبو فاتح النور والعربيه بتاعته بتسحف بالجنب الحمد لله عربيتى لسه مابطلتش لسه بنزل الهاند وهجرى بضهرى عشان اخرج من الكماشه للأسف مالحقتش وعملونى ساندويتش الحمد لله كسر فى ايدى الشمال وشويه جروح راحت مع الوقت

التانيه بقى كنت راجع من مدينه السلام بالأفيو ولسه طالع قبل الشيراتون كده عشان كنت نازل مدينه نصر لقيت عربيه نقل شاسيه طويل شايله حديد اسطوانى كده خارجه من على الشمال واول مانزل قدامى حتته حديد اتدحرجت ووقعت قدامى على الطريق رحت كابس فرامل لقيت الى بيسلم عليا من ورا نزلت لقيت نقل دخل كسر حته من الفانوس وجرح الاكصدام وفانوسه كله اتكير رحنا حنا الاتنين رايحين ماسكين بتاع النقل اللى وقعت منه الحديده انا خدت منه حق الفانوس عشان يبقى يأمن حمولته بعد كده والراجل اللى كان ورايا خد برضه منه فلوس بس مش كتير عشان انا كنت قلبته فى اللى معاه

بس كده الباقى بسيط وبلحق اتصرف الحمد لله يعنى اخوكم مش بيجرى قوى بس بحب الغرز :)

**M.Mekawy** · 28-07-2009 10:54 PM

المشاركة الأصلية كتبت بواسطة tamertamer

كنت ذمان 128 اول لما اتعلمت سواقة المهم نازل نزلة الكوبرى بتاعت كوبرى اكتوبر شارع النصر يوم الجمعة الصبح وطبعا مفيش حد فى الشارع كلة فاضى واذا بى القى العربية قلى قدامى فرملت هينداى اكسيل وطبعا ملحقتش افرملت دخلت فيهاء وبعد كدة دخل فية من وراء نيسان صنى لسة زيرو وعشان انا مرزق كان فى لانسر وراء النيسان قدر يحود ويتفاداء النيسان والعربية عومت منة دخل فى الجنب بتاعى بقيت عامل زى الوردة طبعا عربيتى من قدام راحت شوية لانى طلعت فوق الاكسيل عظمها ضعيف جدا ورق ومن وراء الشنطة والكسدام دخلو لجوة والجنب اليمين نزلت طبعا مزهول اتارى الهانم لقت شويت تكسير فى الارض قالت تفرمل عشان متلبسهمش بجد اصحاب العقول فى راحة

دانتا فعلا مبخت , كويس ان منزلتش عليك عربية من فوق بقى عشان تبقى كملت من جميع النواحى
بس فعلا شوية التكسير اللى كانوا على نزلة اكتوبر فى مدينة نصر دول كانوا زى الفل , لو خدتهم على سرعتك يبقى بالشفا و تعالى خد الاستشارة بعد اسبوع

**yahiahelaly** · 29-07-2009 06:28 AM

مرة من حوالي سنتين كان معايا عربية ايجار وكان فيها حاجة غريبة كدة مهما تسياسها لازم تفرك وهية طالعه دلخت البنزينة احط 2 ليتر ههههه وكان قدامي ميكروباص بيبمون طلعت ورحت حاضنة حضن مطرات بوس واشواق هههههه

**EZABY** · 29-07-2009 12:07 PM

لسه امبارح خبطه طازه يعني
ماشي في شارع الشيخ غراب في حدايق القبه ومدي اشاره عشان داخل يوترن وشايف اللي ورايا فيرنا ماشي بنفس سرعتي واحنا الاتنين مش بنجري وبيننا مسافه كويسه
لحد هنا كويس
داخل اليوترن لقيت الباشا بيعمل ايه عاوز يعدي قبل مانا أدخل اليوترن
وانا كنت خلاص دخلت يعني هو لما وصللي خبط ببوز عربيته اليمين في باب السواق في عربيتي يعني كنت سيبني أكمل ياعم الغبي
لأ وايه ضيع مجهوده كله في دراع النور يعني لو كان ركز في الفرامل او انه يجي من ورايا مكناش خبطنا في بعض
هو عنده الأكصدام والرفرف اليمين اتشوهوا وانا عندي الباب اتطبق كله من تحت الأزاز بـ5 سنتي لحد الماسوره اللي تحت
وكلمتله النجده وفي الاخر اتصالحنا لما اعترف انه غلطان

الموضوع: ايه أجمد حادثة عملتها ؟

LinkBack

أدوات الموضوع

عرض

ايه أجمد حادثة عملتها ؟ - انشر الموضوع فى :

-

-

-

-

-

-

المواضيع المتشابهه

أجمد العربيات فى مصر

أ أ أ مصر 111 ...صورة أجمد لوحة في مصر

مجرد حادثة من ألف حادثة لكن تجلى فيها كل التخلف

حادثة كنت هتعملها وربنا نجاك منها ....... وحدثة عملتها فعلا ادخل احكيلنا عن الاتنين

الكلمات الدلالية لهذا الموضوع

المفضلات

المفضلات

ضوابط المشاركة