الموضوع: لانسر الجديده و القديمه

السلام عليكم
انا عضو جديد فى المنتدى و دى اول مشاركه ليا
انا قريت مواضيع كتير فى المنتدى
و بصراحه المنتدى رائع و اعضائه اجمل
بالنسبه للانسر الجديده مع انها 1500 cc الا ان المتور بتاعه بينتج 105 حصان و عزم 148 و تسارع من 11ل 12 ثانيه و سرعه قصوى 180
و ناس هاتقول طب ليه نجيب موتور اقل بس بسعر اعلى من القديمه
هاقول ليهم على فكرة الشكل القديم مش 122 حصان و 112 حصان الموتور القديم على حسب الواقع اللى شفتها و منها مواقع مش بتاخد بكلام الشركه و بتقيس عدد الاحصنه بنفسها عن طريق جهاز كده بس مش فاكر اسمه ايه بس هوا بيقيس عدد الاحصنه الحقيقيه فى العربيه و المواقع دى بتقول 97 حصان و على فكره شركه متسوبيشى دايما يكون تفاوت كبير فى الاحصنه بين مواقع كتير
مواصفات الشكل القديم 1600cc
97 حصان و عزم 138 و التسارع من 12 الى 13 ثانيه السرعه القصوى 177 كيلو متر فى الساعه
بش الشكل الجديد اتقل من الشكل القديم , تقريبا 1300 كجم و ده عيب جامد اوى فيه انما هوا ميزته انه فى اوبشن اعلى بكتير من الشكل القديم زى انه بينزل بزينون درجتين و النور بيتحرك مع حركه الدركسيون و نظام keyless system و هوا انك لو معاك مفتاح العربيه فى جيبك اول ما تقرب من العربيه بتفتح لوحدها و تشغل العربيه من غير المفتاح برضه و تقريبا بتاخد جنوط لحد 16 انش من التوكيل و تاخد 18 مش هايقصر على العفشه و لكن الموتور العزم بتاعه هايقل لان 18 انش ده بينزل مع المتور ال2000cc
و فيها 6 سماعات و ABS brakes with EBD and Brake Assist,
و الحاجات دى بتعلى من مستوى اللانسر
و الكلام ده على حد علمى يعنى
يا رب ما كنش طولت عليكوا
فى انتظار ردودكم
و شكرا