مش موجود فى السوق ومش عارف أجيبه منين؟؟
والعربية مش نازلة بيه!!
عرض للطباعة
مش موجود فى السوق ومش عارف أجيبه منين؟؟
والعربية مش نازلة بيه!!
فعلا هيا بتنزل من غير فلتر التكييف
ولكن مسألتش عليه قبل كده فمش عارف بصراحه
على فكرة فعلا لما سألت على فلتر التكييف لعربيتى كورولا 2007 قالوا لى فى المركز ان مالهاش فلتر
فلما سالت المهندس ان فى ريحة وحشة اول ما اشغل التكييف وازاى اشيلها منه قالى على فكرة بسيطة وهى انى
اشترى بخاخ ديتول المطهر واحاول ابخ بخه بسيطة كل اسبوع فى كل فتحة تكيف ... وفعلا من ساعتها (من شهرين تقريبا)
وانا احساس الريحة الوحشة قلت معايا كتيرر جدا
بس الالكيد ان تصميم التكييف ما لوش اى فلتر
لأ الفلتر مكانه موجود ومش نازل فى العربية والمشكلة إن سربنتينة التكييف هيتجمع عليها تراب ومخلفات لحد ما هتتسد ومش هتلاقى هواء خارج من التكييف بعد كده! وساعتها هتفك التابلوه عشان تخرج التلاجة وتنضف السربنتينة الداخلية!! مشكلة كبيرة وخطيرة والحل الؤقت إنك ماتفتحش الهواية اللى بتجيب هواء من خارج العربية لحد مانلاقى الفلتر..
عموما فلتر التكييف له تأثير جامد جدا على أداء التكييف وأنا فاكر إن التكييف كان وحش فى عربية أخويا ولما غيرنا فلتر التكييف الأداء اتحسن جدا
فلتر التكييف مش موجود ف الفيرنا والكورولا والحكمة من كده انه يبقى تلاجة والناس تشيد به ويعجبها والله اعلم
صح كده..
الفلاتر مضحوك علينا فيها..
مش موجودة
فى الياريس نفس القصة
مكان الفلتر موجود لكن مافيش فلتر
بس مش فاهم ليه !!!!!!!!!!
المشكلة إنه مش موجود جديد ولو عايز تشتريه تبعت تجيبو من دول الخليج والسعودية لو ليك حد هناك..
هو اصلا فية عربيات كثير بتنزل من غير فلتر تكييف الصالون زي الصني مثلا و الفيرنا و الفلتر دة مالوش لازمة نهائي اما فلتر الدائرة او السربنتينة فدة مهم جدا و مينفعش العربية تنزل من غيرة
شكرا على المعلومة بس كده محدش عنده فكرة!!
ياجماعة الفلتر من غيره التكييف يبأا فاشل لأن السربنتينة بالريش بتاعتها مالهاش دعوة بدور الفلتر ولا المفروض إنها تفلتر أشاية من الهواء دى كل وظيفتها التبريد فقط ووصول أى شوائب أو تراب ليها معناه إن سعادتك فى الآخر هتفك التلاجة بالكامل من العربية بدل ماتفك الفلتر فقط وتطلعها عشان تنضف السربنتينة فقط دا إذا ماكنتش هتتغير بعد التراب ماهيتراكم عليها ويمنع التبريد..
عليه العوض ومنه العوض..