قدر الله وما شاء فعل، حمد الله على السلامة
عرض للطباعة
قدر الله وما شاء فعل، حمد الله على السلامة
الحمد لله و عسى ان تكرهو شيئا وهو خير لكم و حمد لله على سلامتك و سلامة المدام
الحمد لله الذى لايحمد سواه في السراء والضراء وسلامتك انت والاسره بالدنيا
انا سمعت ان قيادات و اعضاء نايل موتورز بتتجمع اول جمعة كل شهر
ليه مايكونش لينا وقفة إحتجاجية او اى شئ سلمى تجاه سائقى النقل و التريلات المتهورين
لماذا لا يكون لموقعنا شئ فعال ضد هولاء المجانين الذين يتسببوا فى مقتل 6 الاف شخص فوق الاسفلت و 14 الف متوفى بعد و اثناء نقلهم للمستشفيات
وقفة إحتجاجية سلمية بسياراتنا امام إدارات المرور او تراخيص النقل
او مذكرة نمضى عليها كلنا و نوجها للجهات "المختصة"! او مؤسسات المجتمع المدنى !! ؟؟؟؟
او نعمل جمعية ....
مش عارف .... ياريت تفكروا معايا
التدقيق الشديد والصارم "بجد" لتراخيص النقل
مش عايزين نسكت ......لغاية ما يموت حد فينا
ألف حمدلله على السلامة يا سبعاوى باشا وربنا يحفظك من كل شر يارب ويخليك لينـا
دا أنا والدى برضو الحمدلله ربنا بيسترها معاه وهو جاى من الشغل من طربق اسماعيلية الصحراوى اللعين كل يوم يلاقى عربية نقل بمقطورة مقلوبة على جنبها ماتعرفش ازاى ؟؟ الله ورسوله أعلم
ربنا يسترها معاك ومعانا يارب
ألف حمدا لله على سلامتك أنت والعائلة ...
أزاى تنسى المنطقة العمياء ياباشا ...
الف سلامة عليك ياسبعاوى انت عملت الصح...
ياباشا كلامك صح 100% و لكني سأضيف ........ كل سائقي مصر و ليس الترلات و المقطورات فقط .اقتباس:
المشاركة الأصلية كتبت بواسطة vitara
التاكسي ...... الميكروباص الكارثة التي تمشي على الأرض ...... المقطورات و الترلات ......... السيارات الحديثة التي يقودها شباب متهور :cry: :cry: :cry: :cry:
أهم حاجه انكم بخير قدر الله و ماشاء قعل
حمدا لله علي سلامتكم
- الف حمدالله على السلامة يا باشمهندس سبعاوى والعائلة الكريمة
قدر الله ما شاء فعل وابعد التريلات والمقطورات
لان دول اخطر شىء بيمشى على الطريق
قدر الله وما شاء فعل والحمد لله انك بخير وحسبنا الله فى شبيه هذا المتخلف
حمد لله على السلامة
الف حمدالله على سلامتك يا سبعاوى
اللى عملته هوا عين الصح
اللى ييجى فى الريش بقشيش
وربنا يحفظنا وجميع المسلمين من شر الطريق
الف حمد الله على السلامة
ألف سلامة عليك ياخالد انت والأسرة
وقدر الله وماشاء فعل
ألف حمد الله على السلامة و وقانا وو قاكم الله شر سواقين الميكروباص والنقل و التريللات
الف حمد الله على السلامة يا سبعاوي
انا لسه جاى من السفر و شايف الموضوع دلوقتى
الف حمدالله على السلامة يا سبعاوى و قدر الله و ماشاء فعل
الف مليون سلامه عليك يا سبعاوي
ربنا يحفظك و يستر طريقك
حمدلله على السلامة و الحمد لله على كل حال
ربنا يسترها معانا جميعااقتباس:
المشاركة الأصلية كتبت بواسطة اسلام المصرى
الحمد لله و الف سلامة عليك ...
ألف حمداً لله على سلامتك يا بشمهندس
واللي حصل في الصفيح يتعوض بإذن الله
طلع حاجة شكر لله أو إذبح حاجة لله ووزعها على الغلابة شكر لله
ألف ألف سلامة يا باشمندس , و ربنا يطمنا عليك دايما أنت و أسرتك الكريمة ....
الف حمدالله على سلامتك يا بشمهندس
والى يجى فى الريش بقشيش
حمد الله علي سلامتك .. انا احب اقولك .. اللي انت شفته ده .. انا شفته برضه .. و كتير , مش مره واحده ... المشكله بقي .. ان انت حصلك غصب عندك .. انا بقي اللي باعمله عند .. (ده مرض عندي باين .. السواقه بتهور) .. انا كل اللي بيركب جنبي بينزل يسب و يلعن ..
اديك صوره بسيطه عني .. انا شاب .. 21 سنه .. اتعلمت السواقه علي : بي ام 745 .. 3,5لتر تيربو انجكشن موديل 1980..اللي راكب بي ام 3,5لتر ياكدلك اللي باقوله .. دي علمتني .. اطيير علي الاسفلت ... انا جبت 225كم/ساعه علي طريق مصر اسماعيليه !! ..تخيل نفسك راكب عربيه و العداد عمال يرفع يرفع ... المهم .. عندنا لادا نيفا .. ساعات باخدها اروح العزبه .. النيفا 1600 سي سي .. فبنزل اركبها . الاكسراتير علي الارض و الغيارات اول تاني تالت ..
المهم بقي .. مره خدتها و رحت اقضي مشوار .. ركبت دورت و مشيت .. ماشي قدامي عربيه نقل قلاب .. جبته من يمينه .. لقيت السكه مش فاضيه .. جيت اجيبه من شماله تاني .. لقيت المقابل .. فضلت لازق وراه ... و انا ماشي لازق في الدوبل اللي ورا حرفياً .. لازق فيه بمعني الكلمه .. بيني و بين الدوبل مفيش 2 سم ! .. ده جنان بعيد عندك .. ربك بيسترها ..
ربنا سترها برضه لحد ما العربيه ندلت و اتقلبت بيا في مره ( النيفا عاليه... و اللي ركبها عارف انها ممكن تقلب في اي لحظه) .. اتقلبت بيا نيجه عيب فني .. كان الفرامل ورا مابتمسكش غير فرده واحده .. خللي العربيه حدفت شويه و حظي الاسود انها حدفت في بقعه زيت .. مع زيت في الكاوتش كل سنه و انت طيب ... المهم الطريق كان ضيق .. و انا ماشي علي التاني (اه والله .. التاني بس .. ) .. و جنب الطريق فيه مصرف عرضه 30 متر .. و ماتشفش قعره .. ربنا سترها و الهمني اني اكسر من اخر يمين لاخر شمال .. خلاها لفت و كملت بعيد عن المصرف .. (كنت نازل المصرف اصلاً) .. و فضلت معرضه في الشارع لحد ما اتخبطت في بلوك و راحت مقلوبه ..
اضرار العربيه 500 جنيه سمكره و رش .. الجنبين سلام .. خبطه في السقف نتيجه انها سندت علي شجره ...و الصدر قدام كان عاوز استعدال .. و كبوت جديد
الاضرار فيا انا .. ضهري بايظ لحد النهارده ..
الف حمدالله على السلامه ياباشمهندس سبعاوى على النجاه وقدر الله وماشاء فعل
همه كده بتوع النقل المفروض الواحد اول مايشوفهم يضرب لهم تعظيم سلام ويبعد عنهم وعن شرهم
حمد الله على سلامتك والحمد الله انها جت على قد كده
الحمد لله الذى أنجاكم برحمته وسلم الله طريقكماقتباس:
بس انا كنت ولا زلت مخدر تماما بفكرة نجاتى من موت محقق، وكل ما افتكر منظر دوبل الكاوتش الخلفى المفترس وهو فى طريقه لاعتصارى بحس ان كلل حاجة فى الدنيا هايفة ومالهاش لازمة وبالتالى مش زعلان اوى على العربية ، وياللا اهو رزق السمكرى والبوهيجى،
هو مين الباشمهندس خالد ده؟؟؟؟؟؟؟؟؟؟؟؟؟؟؟؟اقتباس:
الف حمد الله على السلامة يا باشمهندس خالد
ألف حمد الله عالسلامة يا باشمهندس
ححمد اللة على سلامتك يا استاذ سبعاوى
وعلى فكرة اكتر ناس بخاف منهم وانا ماشى سواقين التريلات لانهم مبيهمهمش حد يعنى لو خبط اى حد هوا مش حيجرالة حاجة
واقولك اية حسبى اللة ونعم الوكيل فيهم
ألف حمد الله علي سلامتك يا باشمهندس سبعاوي
و الله لسه شايف الموضوع دلوقتى عشان عندى ميد تيرم و مشغول شويه فى المذاكره
الحمد لله على سلامتك يا سبعاوى باشا و الله العظيم أنا بحسدك على فدرتك الهايله فى تهدئه نفسك فى المواقف دى أى حد كان مكانك كان اتصرف بأسلوب تانى مش كويس .... أنا تخيلت الموقف جسمى قشعر ما بالك باللى كان قاعد على الدريكسيون .. الخلاصه ان سعادتك و المدام بخير و هذا المهم فى الموضوع بأكمله و الحمد لله انها جت فى العربيه
ملحوظه :- خالد هو الأسم الحقيقى لسبعاوى باشا
الف حمدا لله علي سلامتك يا هندسة....وربنا يعوض عليك ان شاء الله ....وابعد عن النقل وغنيلة....