انا شخصيا عندى تجربة مع الاوبترا انا عندى اوبترا 2008 فى مرة كنت رحت القلعة فى اسكندرية ونزلت وسبت العربية وبعدت عنها شوية فوجئب بعد كدة بواحد راكب فيرنا بيجرى بسرعة جنونية تكاد تكون 90-100 والفرق بينة وبين عربيتى حوالى 5 او 6 متر وفعلا دخل فى العربية من الجنب اليمين عند الرفرف اللى ورا وطبعا من قوة الضربة العربية لفت وطبعا انا زوهلت وانا شايف المنظر دة المهم انى لما روحت لقيت العجلة اللى ورا يمين معوجة انا قولت ان الاكس اللى بين العجلتين اتكسر المهم بعد ما سحب العربية عند الميكانيكى علشان اشوف موضوع العجلة الاول لاقيت العربية على شدادت مش اكس ودى ميزة كبيرة جدا والشدادات محصلهاش اى حاجة الحمد لله ودة دليل انها قوية المهم الراجل فك العجلة وكدة طلع كل اللى حصل بغض النظر عن الصاج طبعا المساعد اتعوج شوية فا عوج العجلة وبقيت العفشة من تحت سليمة والطبلية سليمة حتى الراجل الميكانيكى زهل من الموضوع دة لانة لاقى ورا المساعد كتلة حديد موجودة فى شاسية العربية ودى اللى حمت كل حاجة واخدت الضربة
ومن سعتها عرفت ان العربية دى قوية جدا وهى فعلا كدة
وعندى الصور لو عايزين تشفوها