طب ما تدينا كده نبذة عن الفسيخ والسردين و مدى تداخلهم فى اضابير و حواشى حياتنا :)
الصراحة إنتوا خليتوا دماغى تحمض ، أما اللفت فى حالتنا فهو عين المعقول وعين الصح برغم لامعقوليته المترسخة فى أصله
لأن ليفت إيذ رايت آند رايت إيذ ليفت ، فالبتالى الليفت هو الصح وأى رايت هيطلع فى الآخر ليفت وهى دى النظرية اللفتية ، والدليل عليها إستحالة حدوث العكس ، يعنى مافيش ليفت إلا لما يكون رايت ، وده يثبت عبقرية الإختيار المصرى اللى مايقولش حاجة مش رايت أبداً (بس مش خيار إستراتيجى زى السلام موقف العاشر السلام)
ومن أنواع اللفت ، ليفت باك ، ليفت هانزا ، ليفت نظر ، وأصله فى اللغة 3 حروف
ل : لامعقول
ف : فاسد
ت : تسلم إيدك ع الموضوع
سلامة دماغك من الحموضة يا باشا و تقبل منى الهدية دى و هى قرصين زانتاك لتلافى هذا الاثر الجانبى للموضوع :hlopaet_prv:
http://www.buyzantac.org/images/zantac.jpg
عاجبانى اوى تجليات برميل الطرشى اللى انت اضفتها يا باشا بالذات الخيار الاستراتيجى اللى كل ما نفتح الاخبار منسمعش حاجة غيره......
اذا سالونى كيف يتأتى ... لازم ارد وأقول .. لقد تأتى على وش الفته
ودا بينعكس انطباعيا على على الفتى اللى احنا عايشيين فيها
وهنا ينقسم الواقع المصرى العبقرى لثلاثة اقسام زى اى حاجه فى الدنيا
- ناس غارقانين تحت الفته (ودا لان البطيخ عندهم اكتر من الكرنب فبيتشبعوا بالشربه ويقعوا لتحت)
- ناس عايمين على وش الفته (ودول عندهم الكرنب اكتر فدا بيزود من غازات التعفن اللى بترفعهم فوق شربة الفته)
- ناس بين البينين غارقانين تحت الفتى (دول الكرنب جواهم قريب من البطيخ ومافيش حاجه اعلى من التانيه)
بالنسبه للراجل دا اللى شغال فى مستودع الانابيب وقاعد يدحرج الانبوبه من التحت التل لفوق ... دا اهبل ... طيب ماهو ممكن يجيب حتة 4x4 جامده كده .. بموتور وبكره من قدام .. ويطلع فوق بالعربيه .. ويربط البتاعه دى فى حبل العربيه ويشد لفوق ... واول ما توصل فوق يرميها لتحت ويقول هييييييييييه ...... ويكبر بقى ويشغل نجوم اف ام ويسمع برنامج الحجر دا بتاع سمير وهيبقى كله تمام
ودمتم زى الفل
من أكثر الشخصيات اللفتية التى تثير إهتمامى هى شخصية الصول صاحب مقولة (ممنوع يا أستاذ) ولازم تعترف ببديهية كونه ممنوع برغم إن لا إنت ولا هو عارفين مين اللى قال ممنوع ولا ممنوع ليه ، إنما هو ممنوع تدخل من الباب ده ، مع إن الباب اللى بعده مش ممنوع ومش هينوبك غير المشوار وفى الآخر هتدخل نفس المكان ! طاب ممنوع ليه بقا ؟ دى تعليمات يا فندم وأنا عبد المأمور
طيب ركنت عربيتك عشان ترد على الموبايل ، ممنوع يا فندم ، طيب ما أنا قاعد فى العربية مش سايبها وماشى ؟ يا بيه ماتجيبليش الأذية الظابط لو شافك هيجيبلى جزا
ومن الشخصيات اللفتية اللى ماتتخيرش عن أخينا ده ، شخصية أصل السيستم واقع يا فندم ، اللى هى التطور الطبيعى بتاع شخصية أصل الكمبيوتر بايظ وبعتنا للبشمهندس عشان يصلحه ، والأخير يبقا نسيب وسليل عائلة يا بيه أنا عايز أعملك الصح ، ابن عم يعنى هو إنت بتفهم أكتر من الخواجة ، والإتنين دول فاكرين نفسهم رايت وبالتالى يندرجوا تحت الفصيلة اللفتية عشان زى ما إتفقنا رايت إيذ ليفت آند ليفت إيذ رايت ، برغم إن المقولة دى أصلاً إتقالت فى بلد تانية عشان توصف الراجل ده نظامه إيه من مكان لبس الحلق فى أنهى ودن !! إنما ممكن جداً إستخدامها مع الفصيلة اللفتية المصرية حيث لا تختلف كثيراً عن أشباه الرجال المقصودين من العبارة ، غير أن الفرق الوحيد هو البرميل بيتملى طرشى منين والحدق يفهم
بلظبت كدة وبما ان البير كامو كان تلميذ سارتر النجيب تستطيع بسهولة تمييذ النزعة الوجودية فى اسطورة سيزيف وهى من اكثر الفلسفات الوجودية غوصا فى المفهوم العبثى واللامعقول او كما سماها استاذ ماهر بلنظرية اللفتية وينتج العبث واللامعقول من هذة المواجهة بين النداء الانسانى وبين سكوت العالم اللامعقول
كما حمل سيزيف صخرتة متحديا قدرة
ان بطل العبث هو سيزيف فالالهة قد انزلو بية اشد العزاب دافعيين بة الى تحقيق مهمة عبثية لا نهاية لها كل ذلك بسبب احتقارة لهم ولانة اراد تقديم ارادة الحياة على مقام الالهة الرفيع
ولكن سيزيف وفى ساعة وعية وحين يعود الى صخرتة ليحملها ويصعد بها وليعاود عذابة
يكون بهذا العمل قد اصبح أرفع واسمى من قدرة ولا وجود لقدر لا يمكن تجاوزة بلاحتقار
لقد جعل سيزيف من القدر عملا انسانيا بعيد كل البعد عن اللفت والسرديين ومحشى الحلة
جزيل الشكر عزيزى رمبرانت على الخلفية الفلسفية الرائعة للنظرية اللفتية وهو ما يساهم بابعاد جديدة متعددة للنظرية...... بس اديك شفت و كما اضاف احد الاخوة الافاضل ان سيزيف العصر الحديث ممكن يضرب حته 4*4 و يعيش...... و سيزيف الاصلى غبى طبعا انه قعد لما لا نهاية يطلع و ينزل و ينزل و يطلع وهو مستسلم لقدره و الالهة مأنتخة فوق جبل الاوليمب قاعدة فى التكييف...... ايه العبيط ده...... مؤكد سيزيف الاصلى مداقش اللفت والسرديين ومحشى الحلة و الا كان مؤكد هيبقى ليه تصرفات تانية خالص......:)
ايه ده كولو ... ايه ده كولو ؟؟؟
طرشي وبراميل و النظرية اللفتية المهورية
والمعقول واللامعقول ... والمنطق واللامنطق
ودمتم زي الفل
وزوروني كل سنة ميا
والبطيخ و الكرنب وورق العنب
ولعبة حمادة بجنية
والبير كامو والبير وغطاه
وسيسيفوس ابو صخرة
وفسيخ وسردين
والدماغ حمضت
واقراص زانتاك في الوريد
والفتة العليا والفته السفلى
وسارتر ونجيب محفوظ ونجيب ساويرس ونجيب بجنية طعمية
.....
أفهم من كدة ان السادات مات مسموم :dzey:
.....
انا جعان ... حضري العشا يا ام محمود
واتوصي بالطرشي الله يرضى عليكي ... يمكن يجيي بفايدة .... فايدة كامل