الموضوع: محتاج شاب او طالب يشتغل معايا بمرتب كويس

السلام عليكم
ده مش طلب توظيف عادى والا كنت حطيته فى ركن الوظائف
بس الفكرة انى محتاج شاب او طالب يكونوا محتاجين الشغل بجد
واكيد انتوا تعرفوا شخصيا حالات كتيرة لناس محتاجة شغل بجد سواء كانوا طلبة او خريجين او حتى متزوجين يرغبون فى زيادة دخلهم

يعنى منها شغل ومنها مساعدة ليهم انهم يحسنوا دخلهم لانه ممكن يعمل غالبية الشغل من بيته
فلو تعرفوا حد بالمواصفات دى ياريت تدلونى عليه

وبشرط يكون من القاهرة او يقدر ينزل كل مطلب منه

انا الحمد لله بشتغل فى مجال التدريب ولغاية دلوقتى شغال بنفسي
لكن محتاج حد ينظملى الدنيا، يعنى يرد على استفسارات الناس سواء بالتليفون او بالايميل
يكلم الناس فى التليفون لو فى اى تعديلات فى وقت الكورس
يبعت ايميلات معينة
فى بعض الاحيان ممكن يضطر يعمل مشوار لجهة بتعامل معاها يسلمها ورقة او يستلم حاجة (لكن ده بيبقى كل فترة مش يوميا)

فزى مقلت غالبية الشغل حيبقى من البيت الا اذا تطلب الامر غير ذلك

ممكن يبقى طالب او بيشتغل مش مشكلة ومش مهم يتفرغلى بس المهم لما اطلب منه حاجة يتصرف ويعملها


المواصفات المطلوبة
- منظم علشان يقدر ينظم معلومات المتدربين ويبقى فى ملف عن كل واحد بطريقة منظمة
- بيعرف يتكلم ويقنع الناس (هو مش سيلز) لكن لما حد يكلمه يساله عن تفاصيل كورس يبقى بيقنعه مش بيرميله المعلومات وخلاص
-امين (لانه حيبقى بيشتغل من البيت معظم الوقت) فيرد على كل التليفونات وكل الايميلات
- بيعرف يستخدم الكومبيوتر والانترنت
- مش محتاج لغات

المرتب:
طبعا الشغل من البيت فالمرتب مش حيبقى كبير وخاصة ان لوود الشغل مش كبير يعنى فى فتررات ضغط وفى ايام مش حيعمل حاجة خالص
وفى اختيارين ياما ياخد مرتب ثابت

ياما حياخد مرتب حسب مجهوده وده بيبقى مثلا 20 جنيه على كل متدرب (تانة هو مش سيلز والناس هى اللى بتكلمه تستفسر من نفسهم بس المهم طريقة الرد والتعامل تبقى ازاى)

وفى الاغلب بيقى عندى من 50 -70 متدرب فى الشهر ممكن اكتر لو بذل مجهود (وانا افضل الوضع ده رغم انه حيكلفنى اكتر ولكن علشان يبقى بيشتغل بذمة علشان عدد المتدربين يزيد وده لمصلحتى)

تانى بكرر الكلام ده غالبيته من البيت

وبقول الاولوية لاى شاب محتاج الشغل فعلا وانتوا عارفين ظروفه

مفيش مشكلة يا بشمهندس انا بشتغل من 10 ص الى 5 م و90% من شغلى الكمبيوتر 0124412686