كليو 2008 ولا هوندا سيتي 2008 ولا تويوتا ياريس 2008 ؟

**mada121977** · 20-10-2007 05:38 PM

الاخ الفاضل الاستاذ meza
عن رأيى الاختيار الاول ياريس ثم سيتى ثم كليو علشان سعر اعاده البيع الكليو بتخسر فييه كتيير بعكس اليارس و السيتى اما بالنسبه للمصريه فدول نصابيين و ياريت تبعد عنهم خالص و العرض اللى بيقولولك عليه بدون فوايد انتا لما بتروحلهم بيقولولك ان النظام ده لما بتحط تمن العربيه كله كوديعه فى البنك و الارباح بتاعه الوديعه هيا اللى بتغطى الفايده طيب ما اللى معاه تمن العربيه كاش يروح يحطه وديعه و يقسط لييه ما يجبها على طول احسن

**meza** · 20-10-2007 06:24 PM

شكراً لردك يا أستاذ mada

ده نظام غريب قوى بتاع المصرية ده و كله نصب على كده

أنا فهمت من كلام حضرتك إن مشكلة الكليو فى إعادة البيع عشان بتخسر كتيير
طب كده بلاش زيرو و خلينا فى موديل قديم شوية 2004 مثلاً .....أنا كده هكون كسبان صح؟ :)

و فى نفس الوقت أنا سمعت إن المستعمل من الكليو بينزل ل 55 و 60 بالكتيير و ده سعر كويس جداً.........هل يا ترى ده بسبب عيب فيها أو مش بتستحمل مثلاً و لا المشكلة مش فى العربية أصلاً ؟ :!:

**mada121977** · 20-10-2007 06:46 PM

هيا الصراحه الكليو بصرف النظر عن انها تقفيل تركى عربيه حلوه و مشاكلها مش كتير بس لاحظ ان قطع الغيار و الصيانه ممكن تكون غاليه شويه وبالنسبه للسعر حضرتك ممكن تلاقى 2005 او 2006 من 50 الى 55 الف

**limo** · 21-10-2007 10:33 AM

لو عندك المقدره انك تجيب ياريس زيرو توكل على الله بدون تفكير وهات ياريس
اما بخصوص الكليو
الفرق فى الكليو 2003 عن 2005 متور ال2005 1400 16 صباب بعكس موديل 2003 1200 16 صباب 75 حصان
موديل 2008 1400 سى سى 8 صباب 75 حصان يعنى لو تلاحظ انه نفس عدد احصنه ال2003 بالتالى الاداء هيكون متقارب
بس 2008 فيها كماليات زياره منها زجاج كهرباء خلفى ومريات كهرباء على ما اتذكر
بس انا ليا شويه ملاحظات على 2008
عدم وجود باكتات فى الاكصدام الامامى والخلفى
تقفيل الموتور مش زى الموديلات القديمه فيه
التقفيل الداخلى بحس ان القديم احسن

انا رأى ان افضل موديل فى الكليو 2002 و2003 و2004 علشان ده اكثر موديل فى الكليو منتشر بالتالى هتلاقى قطع غياره متوفره اكثر من الموديلات التانيه وكمان سعر اعاده البيع بتاعته كويس
موديل 2003 فيه منه هاف اوشن وفيه منه جميع الكماليات

**Sharky** · 21-10-2007 03:25 PM

طبعا رايي
ياريس
سيتي
كليوا

+1

**meza** · 21-10-2007 04:38 PM

مع إنى يا أستاذ sharky فكرتك متعصب للرينو :mrgreen:

بس أنا مش عارف ليه الهوندا قبل الكليو

لو علشان سعر إعادة البيع طب نشتريها يوزد ........ و لا السيتى أحسن فعلا من الكليو من حيث الكفاءة و القدرة ؟

**meza** · 21-10-2007 04:39 PM

بصراحة أنا الرينو كليو عجبانى قوى بس سعرها القليل فى المستعمل مقلقنى

حاسس إن الناس مش عاجباها عشان كده بتبيعها بسعر قليل أو مشاكلها مثلاً
مش عارف
يا ريت حد يفسرللى

:-)

**ahmed_gamal** · 21-10-2007 04:58 PM

هو الرينو عامة سعره بينزل في اعادة البيع عندك الميجان بردو نفس النظام فهو مش عيب الكليو لوحدها و انا راي سيتي افضل من الياريس ماعتقدش ان في فرق كتير في الاداء ثانيا تابلوه الياريس فقير جدا تحس انها فاضية من جوة علي عكس السيتي من وجهة نظري من احلي التابلوهات اللي شوفتها و ربنا يوفقك وتشتري حاجة تريحك ان شاء الله

**Sharky** · 21-10-2007 05:02 PM

تابلوه الياريس فقير جدا تحس انها فاضية من جوة علي عكس السيتي من وجهة نظري من احلي التابلوهات اللي شوفتها

أنا معايا ياريس و مختلف معاك فى وجهة النظر تابلوه الياريس فيه كل حاجة إنت عايزها و شكله حلو جدا

**meza** · 21-10-2007 05:20 PM

طب السيتى أحسن من الكليو فى إيه مثلاً ؟؟؟ :?:

الموضوع: كليو 2008 ولا هوندا سيتي 2008 ولا تويوتا ياريس 2008 ؟

LinkBack

أدوات الموضوع

عرض

-

-

المواضيع المتشابهه

ممكن مقارنة بين تويوتا ياريس 2008 ورينو ميجان 2008

هوندا سيتى 2008 ام ياريس 2008

هو في في مصر هوندا سيتي 2008

محتار جدا اوكتافيا 2008 او هوندا سيفيك 2008 او تويوتا 2008

سيتي 2008 ولا ياريس 2008

الكلمات الدلالية لهذا الموضوع

المفضلات

المفضلات

ضوابط المشاركة