امتى تفكر تغيير عربيتك ؟

**Ahmed Anwer** · 20-10-2007 03:33 PM

العربيات عبارة عن خسارة فلوس مستمرة للأسف
بس هيا بقت من أساسيات الحياة عشان هيا اللي بتشيلنا و بتودينا و بنقضي مصالحنا بيها
لو العربية كويسة مع حضرتك احتفظ بيها لأطول وقت ممكن أدام من غير مشاكل
أول ما تظهر مشاكل و قصدي بالمشاكل الصيانة الدورية الثقيلة المتوقعة في العمر ده للسيارة زي تغيير العفشة و الأجزاء الميكانيكية اعتقد لو حسبتها هتلاقي نفسك هتصرف فرق السعر بتاع الزيرو مع وجود قلق و ركوب سيارة مش حديثة و بعد المصاريف برده مبتبقاش زي الزيروأفضل تخليك في الزيرو بس مش عشان المظاهر عشان متقعدش تصاين و تجدد و النتيجة مش زي الزيرو برده

التغيير أرخص و أريح للبال

و عموما سبع سنين و تغير العربية اعتقد فترة مناسبة بتهيألي لو هتبيعها دلوقتي سعرها هيبقي سعر و انتا جايبها زيرو سنة 2000
في ناس عجيبة بيغيروا عربيات كل سنة و كل ثلاث سنين زي اللي بيغير موبايل و كل تغييره بخسارة كام الف جنيه

**hazem_khidr** · 20-10-2007 05:27 PM

من رايي ما تغير عربيه مريحاك علشان خاطر المنظره.
يعني انت حتغيرها انهارده و كمان سنه ولا حاجه او اتنين حتلاقي صحباك اللي راكبين ميجان 2004 غيروا هما كمان و بقت عربيتك بالنسبه ليهم قديمه!!!!!!! يبقي الحل ايه ساعتها .؟؟؟
تغير تاني علشان تجاريهم و تبدأ تصرف في تغيير العربيات و كده ؟
من رايي خلي العربيه معاك سنه ولا اتنين لحد ما تبدأ بقا تفتح بقها يعني تلاقي في بارومه و عاوزه تتسمكر و الموتور بدأ يخف ساعتها تبيعها بحالتها كده و تشتري حاجه زيرو و خلاص

**وائل السويفي** · 20-10-2007 05:34 PM

المشاركة الأصلية كتبت بواسطة goodwave

ربنا ما يحرمناش من حكمتك و رجاحة عقلك يا استاذ سبعاوى

+100000

والله منورنا يا سبعاوي بعد طول غياب وياريت ما تحرمناش من تواجدك معانا دايما.

اما لاخونا صاحب السؤال...... حيرتك في محلها ولكن إسأل نفسك الاتي:

1- إنت مكفي كل مصاريف بيتك وإحتياجاتك؟
2- هل أنت غير مديون؟
3-هل معك مبلغ لابأس به كمدخرات لكي تأمن مكر الزمان؟
4- هل أنت مأمن مستقبل أولادك؟
5-هل أديت فريضة الحج؟
6-هل ستشتري الشيارة الجديدة كاش وبدون مديونيات؟

إذا كانت الاجابة على كل الاسئلة السابقة بنعم فتوكل على الله فإن الله يحب ان يرى اثر نعمته على عبدة.

أما إن كنت مستور وعلى قد الحال ومرتاح البال فلا تشغل نفسك بالمظاهر الكدابة فتغيير السيارة يعتبر رفاهية عالية جدا خصوصا إنها بحالة جيدة جدا. والناس بتتكلم بتتكلم سواء غيرت او لم تغير.

بالتوفيق

الله ينور عليك يا Goodwave
نعم الرأي

**noon_eg** · 21-10-2007 04:33 AM

انا متشكر جدا يا جماعه على الردود القيمه اللى انتم بتعوها

الحقيقه انا لم اتوقع كل هذا الكم من الافكار المفيده من جميع الزملاء وعلى راسهم المهندس سبعاوى كبير النسانيون والاستاذ جوود وويف ونصائحه القيمه

يمكن سبعاوى مش عايزنى ابيع علشان دى نيسان صنى وعايز يعرف ممكن تعمل كام الف من غير عمره !

عموما انا لى صديق فى عمان عمل بعربيه نيسان 400 الف بدون عمره ولا فتح موتور اطمن يا عم سبعاوى العربيه حتاقعد فى ارابيزك لغايه ما تزهق انت منها وتيجى هنا تكتب موضوع زى ده بعد 8 سنين :lol:

طيب حد عنده فكره منكم العربيه دى بحالتها كده تساوى كام ؟؟

انا متخيل من 50 الى 53 الف مش عارف كده صح ولا ايه :roll:

**noon_eg** · 21-10-2007 04:51 AM

المشاركة الأصلية كتبت بواسطة محمدايهاب

أولا : ممكن أعرف من حضرتك يعني أيه R&D MANAGER

R&D Manager stands for Research and development manager

ودى وظيفه نسميها مدير البحوث والتطوير وهى اداره حساسه جدا ومؤثره فى اى منشاء حيث تاخذ على عاتقاها عمل الابحاث المختلفه وتطوير المنتجات والنظم المستخدمه فى المنشأه