الموضوع: علبة دريكسيون عاده 132

ازيك يا باشمهندس واحشنا و الله :)

تلاقيها في الوكاله عند بتوع قطع غيار الفيات او في عزبه شلبي بس عموما هيا غاليه مش رخيصه يعني من اربع سنين كانت بحوالي 550 جنيه استعمال و مش موجوده كتير كمان.
و تاخدها علي تجربه علشان هيا مش بتبان اذا كانت كويسه ولا لاء غير لما تركب و تتجرب او عفشجي يشوفها.
لو حتجيب علبه باور بصراحه حتبقي متعبه في تركيبها يعني حتحتاج علبه زيت لباور و كمبروسر و طنبوره و سيور و خراطيم و فوق دا كله عفشجي محترف يعملك الباور علشان يبقي مضبوط.
(هو ايه اللي مخليك عاوز تغير الخزنه ؟؟لو فيها بوش بسيط ممكن يترجلش و لو فيها بوش متوسط ممكن عفشجي كويس يفكها و يغير الترس الداخلي و حتبقي كويسه)
ملحوظه علبه دركسيون العاده لل 132 هيا نفسها بتاع ال 125 نفسها بتاع البولونيز واحد مافيهاش اي تغيير

أخونا حازم كفى ووفى بالنسبة للعلبة، فقط انا حابب اضيف ان كان فيه منها جديد لما غيرتها من سنة فاتت ، بس الجديد عادة فقط مش باور، وبولندى ، لأنه كان بينزل اصلا للبولونيز ، وكانت بنفس سعر الإستعمال الإيطالى