الموضوع: اسكندرية الصحراوى

بص يا باشا إنت رايح الساحل و ده له طريق بيتدخله بعد ما تمشي نص طريق إسكندرية .

لذلك أسهل طريق كالأتي :

هتطلع من المعادي تاخد الكورنيش في إتجاه التحرير .. و هتعدي التحرير و تطلع كوبري 15 مايو من بعد مبني التليفزيون
كدة إنت عديت أصعب مرحلة !

لأن مش هتحود لا شمال ولا يمين من بعدها .. هتطلع الكوبري و تفضل ماشي علي طوووووووول لا يمين ولا شمال
أول ما تطلع هتلاقي الكوبري إتقسم نزلة يمين و تكملة في الشمال .. هتاخد الشمال و تفضل ماشي .. بإختصار خد شمالك و خليك ماشي هتلاقي نزلات و طلعات ملكش دعوة .. الكوبري هيخلص هتنزل في وصلة لميدان لبنان اللي هي بتعدي علي نادي الزمالك .. ملكش دعوة برضه طواااالي .. لحد ما هتلاقي كوبري تطلعه (متدخلش يمين هتلاقي نفسك في ميدان لبنان) .. و تفضل طوالي كدة إنت عالمحور .. هتفضل ماشي المحور علي طول لحد ما تلاقي نزلة إسكندرية الصحراوي .. هتنزلها (هي عاليمين و هتلاقي يفط قبليها) .. و تفضل طوااالي و تعدي البوابات .. هتمشي 100 كيلو تقريباَ لحد ما تلاقي يافطة مكتوب عليها (طريق وادي النطرون الدوران للخلف كذا كيلو) .. و هتلاقيهم كاتبين غير وادي النطرون الساحل الشمال و بورتو مارينا دوران للخلف .. لحد ما توصل للملف ده .. و تلف و أول ما تلف تاخد يمينك .. هتلاقي مدخل الطريق عاليمين .. ده طريق وادي النطرون حوالي 150 كيلو .. هتاخده لأخره و تعدي البوابات .. كدة إنت وصلت الساحل الشمال .. الطريق ده أخره في الوش بورتو مارينا .. يمين الساحل .. شمال مرسي مطروح .. طبعاَ هتخش يمين .. و تفضل ماشي .. و إنت ماشي هتلاحظ قبل كل ملف مكتوب فيه القري اللي هتلاقيها اما تلف من الملف ده .. خليك ماشي لحد ما تلاقي يافطة كازابيانكا (و يستحسن تسأل هي في الكيلو كام قبل ما تسافر) .. و تلف و تخش و حمد الله عالسلامة .

الوصفة في نقط قصيرة :

كورنيش - كوبري 15 مايو - طوالي حتي المحور - تخلص المحور تنزل إسكندرية الصحراوي - تعدي البوابات و تمشي حوالي 90 إلي 100 كيلو - تلف و تخش طريق وادي النطرون - تخلصه و تخش يمين في أتجاه كازابيانكا - تلف و تخش القرية .

أي إستفسار تاني في إنتظارك .

السرعة عالمحور 90 و السرعة علي طريق إسكندرية و وادي النطرون 100 .
و توصل بالسلامة إن شاء الله .

هتطلع من المعادي تاخد الكورنيش في إتجاه التحرير .. و هتعدي التحرير و تطلع كوبري 15 مايو من بعد مبني التليفزيون
كدة إنت عديت أصعب مرحلة !

لأن مش هتحود لا شمال ولا يمين من بعدها .. هتطلع الكوبري و تفضل ماشي علي طوووووووول لا يمين ولا شمال
أول ما تطلع هتلاقي الكوبري إتقسم نزلة يمين و تكملة في الشمال .. هتاخد الشمال و تفضل ماشي .. بإختصار خد شمالك و خليك ماشي هتلاقي نزلات و طلعات ملكش دعوة .. الكوبري هيخلص هتنزل في وصلة لميدان لبنان اللي هي بتعدي علي نادي الزمالك .. ملكش دعوة برضه طواااالي .. لحد ما هتلاقي كوبري تطلعه (متدخلش يمين هتلاقي نفسك في ميدان لبنان) .. و تفضل طوالي كدة إنت عالمحور .. هتفضل ماشي المحور علي طول لحد ما تلاقي نزلة إسكندرية الصحراوي .. هتنزلها (هي عاليمين و هتلاقي يفط قبليها) ..
شكرا جزيلا .. بس أستأذنك فى الطريق لو طلعت الدائرى من المعادى لأن ناس كتير قالتلى الطريق أسهل يبدأ من الدائرى لكن اللى يقوللى انزل من المريوطية واللى يقوللى انزل من المنصورية واللى يقوللى سيب الاثنين وكمل على طول حتلاقى يفطة مكتوب عليها الاسكندرية الصحراوى .. فإيه الصح وجزاك الله كل خير

انا ساكن فى المعادى برضه واسهل طريق هو الدائرى واحسن نزله هيا المنصورية عشان نزله المريوطيه بيعملوا الكوبرى وبيبقى واقف تحته " لو الكوبرى خلص خده هاينجز معاك "
المهم تنزل المنصورية دى اخر نزله اصلا لحد تقاطع شارع الهرم هاتلاقى يفط بعد التقاطع محدده تدخل شمال فى يمين يبقى انت كده خلاص على اول الطريق الصحراوى

المشاركة الأصلية كتبت بواسطة yarisawy

انا ساكن فى المعادى برضه واسهل طريق هو الدائرى واحسن نزله هيا المنصورية عشان نزله المريوطيه بيعملوا الكوبرى وبيبقى واقف تحته " لو الكوبرى خلص خده هاينجز معاك "
المهم تنزل المنصورية دى اخر نزله اصلا لحد تقاطع شارع الهرم هاتلاقى يفط بعد التقاطع محدده تدخل شمال فى يمين يبقى انت كده خلاص على اول الطريق الصحراوى

هو ده الانسب ليك و بكده هتكون اختصرت المرحلة اللي اسلام قال عليها الاصعب و توصل بالسلامة

الحقيقة انا معرفش الطريق من الدائري لأن مبستخدمش دائري المعادي كتير بس الإخوة قاموا بالواجب .