الفرق فى استهلاك البنزين بين الجديد والقديم ؟

**aymansman** · 28-07-2009 05:54 PM

السلام عليكم ورحمة الله وبركاته
تحياتى الى كل اعضاء المنتدى .وتحياتى لادارة المنتدى الرائع.. اما بعد
اريد ان أعرف من اصحاب الخبرة هل تكنولوجيا السيارات الجديدة خفضت فعلا من استهلاك البنزين ام ان هذا مجرد دعاية فقط للشركات المنتجة؟

فأنا امتلك سيارة منذ 15 سنة موديل 1982 وسعة الموتور 1500 سى سى كنت اذهب بها شغلى على طريق العين السخنة وانا من حلوان . اعمل 260 كيلو متر رايح جاى وتاخد 16 لتر بنزين والعربية مفيهاش تكييف طبعا

وبمقارنة استهلاك البنزين لسيارة احد اصدقائى موديل 2009 و1500 سى سى ايضا وجدت معدل استهلاكة اكثر هذا بخلاف ان السيارات ال1600 اكثر استهلاكا

فارجو الان التفسير من اصحاب الخبرة كيف يكون :
1 لتر بنزين يعمل 16 كيلو متر لسيارة موديل 1982
1 لتر بنزين يعمل 13 و 14 كيلو متر لموديلات حديثه

وشكرا جزيلا

**M.Mekawy** · 28-07-2009 06:31 PM

هو نوع العربية بتاعة حضرتك ايه موضحتش؟

**aymansman** · 28-07-2009 07:21 PM

الصراحه انا مكنتش عايز اقول نوع عربيتى او العربيات اللى قارنتها بها .علشان ميتفهمش انى متحيز لسيارة او متهجم على سيارات اخرى . وكمان انا خلاص هغير العربية واجيب زيرو لأن موديل 82 قديم اوى .وكل اصحابى بيقلولى غير بقى!!
ولكن المقصود هو اننى لم اجد فرق بين السيارات القديمة والحديثه الا فى الشكل فقط وفى بعض الكماليات بالأضافه لنظام الفرامل الجديد (فالفرامل فى السيارات الحديثة ممتازه فعلا) . ولكن الموتور والعفشة واساسات العربية ..فاين مظاهر التكنولوجيا الحديثة على السيارات ؟ فلقد سمعنا عن نظام الحقن الالكترونى وعلى حد علمى انه موفر فى استهلاك البنزين.. ولكن اين هذا التوفير؟ .. حقيقى انا عايز احد المتخصصين او مهندسين السيارات يوضحلى النقطه دى
اما سيارتى يا استاذ mekawybeeh فهى سيارة مازدا 323 موتور 1500سى سى وللعلم يوجد منها 1300 سى سى

**ahmed1981** · 28-07-2009 07:40 PM

المشاركة الأصلية كتبت بواسطة aymansman

فلقد سمعنا عن نظام الحقن الالكترونى وعلى حد علمى انه موفر فى استهلاك البنزين.. ولكن اين هذا التوفير؟

في حالة وجود توفير بسبب الحقن الإلكتروني
يكون توفير طفيف

**aymansman** · 28-07-2009 08:41 PM

شكرا لمشاركتك م / احمد
وموضوعاتك ممتازة

**the-hero** · 29-07-2009 03:11 AM

المشاركة الأصلية كتبت بواسطة ahmed1981

في حالة وجود توفير بسبب الحقن الإلكتروني
يكون توفير طفيف

ازاى طفيف فحين ان الصفيحة ممكن تفرق ب 100 ك بين الاتنين على سفر وخصوصا اليابانى
يعنى لو جبت اى عربيه قديمة وجبت انجكشن حديث نفس السعة اللترية وسبتهم شغالين سلانسية هتلاقى فرق شاسع
طب لو مشيوا مشوار مع بعض مثلا بنفس السرعة الفرق كبير خصوصل لو مشوار فوق ال 200 كم

**jant** · 29-07-2009 11:33 AM

طيب يا جماعه انا عندى الصفيحه بتعمل 140 كيلو
العربيه نوعها فيات تيبو 1400 سى سى موديل 93 كاربراتير
ايه الحل بقى فى دى بالله عليكم افيدوووووووووووووووووونى

**ahmed1981** · 29-07-2009 05:46 PM

المشاركة الأصلية كتبت بواسطة the-hero

ازاى طفيف فحين ان الصفيحة ممكن تفرق ب 100 ك بين الاتنين على سفر وخصوصا اليابانى

لو جبنا 2 كورولا نفس الموديل
واحدة كربيراتير وواحدة حقن إلكتروني
ومشيوا جمب بعض 200 كيلومتر
الفرق في الإستهلاك سيكون طفيف (موجود ولكن طفيف)

**mohamedadelemam** · 31-07-2009 03:14 PM

على حسب خبرتى المحدودة فالإنجكشن بيفرق عن الكاربيراتير بشكل واضح فقط فى الطرق المزدحمة وذلك لإن مع أول لحظه لدوسة البنزين الإنجكشن يستجيب لها كليا أما فى الكاربيراتير فيستجيب لأول لحظة بأقل من 40%...أما فى السفر نظرا لأن الثبات فى معظم الطريق على دوسة بنزين واحدة فهى لا تفرق كثيرا