الموضوع: سيارات المعوقين: لقطه ام ورطه ؟

المشاركة الأصلية كتبت بواسطة azab

الموضوع كتر فعلا الفترة اللي فاتت علشان تكاليف العربية اقل بكتير بس قريب قوي هيطلعوا قوانين علشان حظر التعامل علي العربيات دي الا للمعاقين ده دلوقتي ابتدوا يغلوا سعرها
قريت من فترة علي لسان احد المسؤلين ان الظاهرة دي هتتوقف عن طريق اساليب منها ان لوحات العربيات دي هتبقا مميزة للمرور والشارع يعني (هتبقي شردة) الاحلي من ده ان كتير من اللي راكبين العربيات دي ظباط
مش فاهم ليه مع ان الفلوس اللي ههتدفع برضه مش قليله مكل واحد يجيب بيها علي قده من غير تحايل ولا اساليب ملتوية ولو المعاق ( اللي هو صاحب العربية الاصلي) حصلوا اي حاجة مات مثلا ايه اللي هيحصل ؟؟؟؟؟؟؟ :?:
انا رافض للطريقة دي(رأي شخصي)

حضرتك رافض الطريقة دى وهو اصلا حقنا الطبيعي ان العربيات ميكنش عليها الجمارك المبالغة دى ومن الطبيعي ان اى حد يعمل الطريقة دى لاستعادة ولو جزء من حقوقنا المسلوبة ولا ايه

المشاركة الأصلية كتبت بواسطة vooooo

اقتباس:

طيب منستوردها احنا بالتنسيق مع المعوق مباشرة

ياريت لو حد هيعمل الموضوع ده يقلى لأنه هجيب معاه


لازم بطاقه استيراديه



ازاى ....من حق اى مواطن انه يستورد سيارة وفتكر القانون يسمح بكدة ولا ايه

انك تسافر و تجيب عربيه جديده لوحدك فده مابيحصلش
لكن ان كنت شغال بره و كانت معاك عربيه فممكن تدخلها

و لو زى ماحضرتك بتقول ممكن اى شخص يستورد العربيه اللى تعجبه فكان كل الناس هتسافر تجيب عربيات مستعمله و يدخلوها مصر و يمتلكوها

لأ طبعا احنا هنا بنتكلم عن المعوقين ومن حقهم يستور العربية بصفة شخصية اما بالنسبة للغير معاقين فبرده من حقهم الاستيراد ولكن تكون السيارة موديل السنة الحالية وأول مالك لها طالما انه لم يقيم بالخارج هو ده القانون

السلام عليكم
انا محاسب بعمل في دولة عربية ولي أخ معوق وعاوز ابعتلة عربية مستعملة بس مش عارف احسب جمركها او تكاليفها بالضبط وخايف اتورط في مع الجمارك المصرية يعني مثلا ميتسوبيشي لانسر1600 وبدون كماليات كام الجمرك بتاعها وياترى الأفضل ماديا ابعت سيارة ولا اشتري من بورسعيد ولو حد من الأخوة الزملاء عندة معلومات تفيدني في هذا الموضوع أكون شاكر جدا ومقدر لكم

ممكن تشوف تاجر في المنطقه الحره علي ما اعتقد و تبعت العربيه عليه و اخوك يشتريها منه
بس لازم يكون معاه جواب القمسيون الطبي اللي بيحدد نسبه الاعاقه
حاجه كمان القمسيون الطبي بيحدد نوع العربيه مانيوال ولا اتوماتيك
علشان ما تبعتش عربيه اتوماتيك و يبقي الجواب فيه مانيوال مش حيعرف يستلمها

يا جماعه المشكله ان كل و احد بيتكلم و هوا مش فاهم و في ناس بتكلم و خلاص

علي العموم من حق اي حد يستورد عربيته من بره بس المشكله انها لازم تكون موديل السنه و بعد كده يرخصها في البلد اللي هوا عاوزها مش لازم بورسعيد

يعني لو ليك حد بره ممكن يبعتلك العربيه علي اسمك بس لازم انت اللي تروح تستلمها كبيرك تجيب مستخلص ب 500 جنيه يخلصلك الموضوع

لكن لو مش هتجيبها علي اسمك و عاوز تبعها علي بورسعيد عشان تبعها لحسابك كل اللي تعمله تجيب تصريح استثمار ب 1000 جنيه و ليك تحطها جوا الاستثمار شهر كامل و كل شهر بعد كده 500 جنيه

و المنطقه الحره بقي مش بتيجي بسعر بتاع بره لكن بيدفع عليها رسوم المنطقه الحره بس مش كتير قوي


و المعاقين بقي موضوع سهل جدا يعني لو بعت العربيه من بره بس لازم تكون 1600 سي سي فيما اقل بس لو معاق حربي يعني ظابط حربي ليك لغايه 1800 سي سي

و لما بتيجي من بره يعني لو ثمنها 30000 جنيه يعني هتطلع بنفس الثمن بس يتذود عليها رسوم المنطقه الحره بس هنا بقي بتطلع ملاكي و تطع علي البلد اللي المعاق منها يعني الاحسن انك تجيب المعاق معاك من بلدك عشان ميقرفقش و يا سلام لو كان قريبك يعني هتديلوا بتاع 2000 جنيه بس خد بالك لو حد جابلك معاق تبعه يبقي ممكن تلبس في 9000 جنيه او اكتر او اقل شويه

و عشان تبقي علي اسمك بتدفع رسوم في حدود 9500 جنيه

و مفيش حاجه اسمها تمشي بتوكيل الكلام دا كان زمان لو مسكتك الاموال العامه العربيه هتتسحب منك و هتد غرامه ممكن توصل لربع ثمن الجمارك

مش عارف انا نسيت حاجه و لا لا في الموضوع دا و لو اي استفسار انا تحت الامر

علي فكره انا من بورسعيد و خد بالك من الناس اللي في الاستثمار و متبينش انك مش من بورسعيد و انت جوا عشان ميشتغولكش