سيارات المعوقين: لقطه ام ورطه ؟
دخلت مخازن هياة الاستثمار و المناطق الحره فى بورسعيد و لفيت فيها كتير وانا راجع من راس البر و حبيت انقل لكم الصوره العامه لما يجرى هناك : كل المستوردين يستوردوا عربيات يا اما بنظام منطقه حره بورسعيد ( لازم تكون بورسعيدى اصلى ) وتاخدها ترخصها بنفس سعر شراك من المستورد . يا اما لو مش بورسعيدى اصلى و عاوز عربيه استيراد الخارج من اللى شفتهم يبقى مافيش غير حل واحد: لازم تكون معوق , او تجيب او المستورد يجيبلك واحد معوق يشتريلك العربيه باسمه (جمارك المعوق عشرين الف جنيه فقط ). و الاجراات و الاوراق هى : جواب الاعاقه الرسمى المعتمد من القومسيون الطبى العام ( للمعوق الشارى , و ده سعره 8 الاف جنيه ) + ثمن العربيه (لانوس28_نوبيرامو99 33 _نوبيرا 2002 ب43 _ماتريكس مو 2002 ب 55 الف و دى بس امثله لاسعار خدتها من احد المستوردين ) و بعدين المعوق يرخص العربيه باسمه و بعدين يعمللك توكيل عام ف الشهر العقارى تمشى بيه وبعد مده تروح تفك حظر المعوق عن البيع و دة رسومه عشرة الاف جنيه و تنقل ملكيتها باسمك و ترخصها فى مرورك التابع له..انا حسبت اجمالى تكاليف الهيونداى الماتريكس مو 2002 اللى عامله 130 الف كم المانوال جايه من كوريا لقيتها55+10+8 =73 الف جنيه ... ما اتبسطش و شربت الكازوزة اللىشربها لى المستوترد و مشيت ..( ملحوظه : لا يسمح الا باستيراد العربيات ال 1600 سى سى فاقل.. غير كده لازم تدفع جماركها حتى لو بورسعيدى اصلى و ترخصها " ملاكى بورسعيد " ) قلت لكذا مستورد انا عايز اشترى و ادفع كل الجمارك المطلوبه و اخد الافراج الجمركى و امشى ارخصها قاهره . اجمعوا على انه ما ينفعش , لان الكل طالع يستورد على هذا الاساس , وواحد قاللى ادينى اطلع اجيبلك اللى انتا عاوزاه , قلت له سعيداه باقاة .. افاكار ..وولاد الذينا حاسبين سعر السوق لكل ماركه و فى احسن الاحوال يخللوا بضاععتهم ارخص م العربيات المتجمركه عادى ب5 الاف , و ساعات كتير اغلى ...ايه رايكم فى الموضوع دة ؟؟؟؟