تويتا ياريس 2010

**john_samy** · 28-07-2009 09:36 PM

حد يا جماعة يعرف امتى هينزل الموديل الجديد لتيوتا ياريس؟
وهتكون مختلفة عن مودل 2009 ولا لا؟

**kojyad** · 29-07-2009 08:44 AM

انا كلمت التوكيل وسألتهم عنها وقلولي هتنزل على اول السنة الجديدة " اخر ديسمبر الجاي , او اول يناير "
وهتكون نفس الشكل وكل حاجة ونفس السعر , الفرق الوحيد انه هيكتبلك في الرخصة 2010

وكمان كنت سألتهم عن الهاتش باك قالولي مع 2010 - وممكن نجبهالك مخصوص خليجي

الكلام ده من التوكيل , والله اعلم

**alisleman** · 29-07-2009 09:21 AM

انا لما سالتهم قالولى على شهر 12 ونفس الشكل فعلا

**john_samy** · 29-07-2009 10:36 AM

على فكرة انا لما كلمت التوكيل من قبل مطرح الموضوع ، فى واحدة قالتلى هتنزل فى خلال اول ثلاث شهور من السنة الجديدة ومكنتش عارفة هيبقى فيها حاجة جديدة ولا لا ولا كانت عارفة هيبقى سعرها كام.

وبعد كدة حولتنى على معرض من المعارض الى تبع التوكيل فواحد قالى ان الموديل الجديد هينزل شهر 9 الى جاى ومكنش عارف سعرها هيبقى كام.

وعشان كدة انا كنت عاوز اعرف حد عنده معلومات اكيدة فى الموضوع دة ولا لا عشان حسيت ان فى التوكيل كل واحد بيقول اى حاجة.

**Michael_Lanos** · 29-07-2009 11:22 AM

بصراحه انا كنت قلقان من العربيه دي، لكن بعد ما ركبتها مع صديق ليا عجبتني جداااااااااااااااااااا وخصوصا ال اي بي اس اللى فيها وسعرها المعقول بالنسبه لليابانى

**Samir Elshahawy** · 29-07-2009 12:32 PM

المشاركة الأصلية كتبت بواسطة michael_lanos

بصراحه انا كنت قلقان من العربيه دي، لكن بعد ما ركبتها مع صديق ليا عجبتني جداااااااااااااااااااا وخصوصا ال اي بي اس اللى فيها وسعرها المعقول بالنسبه لليابانى

فعلا الفرامل و ال abs من أحلي الحاجات اللي في العربية دي و ده عن تجربة
بتهيألي لو كان معايا عربية تانية غير الياريس في الكام موقف اللي أتعرضت لهم الفترة الاخيرة دي كان زمان الحال أختلف تماما , بس ربنا هو الستار

**john_samy** · 29-07-2009 01:31 PM

المشاركة الأصلية كتبت بواسطة SE_coralsea

فعلا الفرامل و ال abs من أحلي الحاجات اللي في العربية دي و ده عن تجربة
بتهيألي لو كان معايا عربية تانية غير الياريس في الكام موقف اللي أتعرضت لهم الفترة الاخيرة دي كان زمان الحال أختلف تماما , بس ربنا هو الستار

انا معاكوا ان فرامل الabs من الحاجات المهمة جدا فى العربية وانا متابع مواضيعك كلها وعارف انها انقذتك كذا مرة ، لكن انا محدد لنفسى رينج مشهقدر اكتر عنه ومضطر انى اجيب المانيوال الكاملة ودة مفيهاش abs للاسف لكن بردو هشترى ياريس عشان عربية محترمة جداا.

**Samir Elshahawy** · 29-07-2009 01:35 PM

المشاركة الأصلية كتبت بواسطة john_samy

انا معاكوا ان فرامل الabs من الحاجات المهمة جدا فى العربية وانا متابع مواضيعك كلها وعارف انها انقذتك كذا مرة ، لكن انا محدد لنفسى رينج مشهقدر اكتر عنه ومضطر انى اجيب المانيوال الكاملة ودة مفيهاش abs للاسف لكن بردو هشترى ياريس عشان عربية محترمة جداا.

يبقي في الحالة دي قد بحذر و بلاش تجري , أنا عن نفسي بأعمل كده لما بأركب اللانوس و بأفكر نفسي أن العربية مافيهاش abs

**john_samy** · 29-07-2009 01:48 PM

المشاركة الأصلية كتبت بواسطة SE_coralsea

يبقي في الحالة دي قد بحذر و بلاش تجري , أنا عن نفسي بأعمل كده لما بأركب اللانوس و بأفكر نفسي أن العربية مافيهاش abs

شكرا جدا على النصيحة دة.

انا عاوز اقلك انى معايا عربية 128 بقالها 10 سنين بسوقها. كنت زمان من النوع المتهور جدا فى السواقة لكن دلوقتى خلاص بقيت هادى اوى فى سواقتى. العربية بتاعتى مفيهاش فرامل خالص وانتوا اكيد عارفين
ورغم دة بجرى بردو ساعات بس ربنا بيسترها معايا.

انشاء الله على نص شهر 8 الى جاى اوى شهر 9 هشترى ياريس مانويل كاملة وغالبا بقى هجيبها موديل 2009 الا لو الموديل الجديد نزل.

شكرا جدا SE_coralsea على مرورك وردودك..

**M.Mekawy** · 29-07-2009 01:50 PM

المشاركة الأصلية كتبت بواسطة john_samy

انا معاكوا ان فرامل الabs من الحاجات المهمة جدا فى العربية وانا متابع مواضيعك كلها وعارف انها انقذتك كذا مرة ، لكن انا محدد لنفسى رينج مشهقدر اكتر عنه ومضطر انى اجيب المانيوال الكاملة ودة مفيهاش abs للاسف لكن بردو هشترى ياريس عشان عربية محترمة جداا.

يا عم زود سيكا و هات ال automatic half option
الفرق 2000 بس , بس تكسب جير اوتوماتيك و abs , بس هتخسر شوية حاجات زى المرايات الكهربا و الزجاج الكهربا و تشفير المفتاح
عامة دى اذواق شخصية و أكيد القرار ليك

الموضوع: تويتا ياريس 2010

LinkBack

أدوات الموضوع

عرض

-

-

-

-

-

المواضيع المتشابهه

محتاج فوانيس تويتا ياريس ...... منين ؟؟

ياريس 2010

ياريس 2010

سكودا اوكتافيا 2010 ولا تويتا كورلا 2010

الانترا 2010 ولا ياريس 2010

الكلمات الدلالية لهذا الموضوع

المفضلات

المفضلات

ضوابط المشاركة