اريد المساعده فى اقرب فرصه مكيف الدايو

**MMamdouh** · 01-08-2009 03:53 PM

دة جدول تحليل الاعطال بتاع نظام التحكم فعلا و لحد دلوقتى برضة ملاقيتش حاجة تشرح الدنيا دى شغالة ازاى

MMamdouh

**samirayad** · 01-08-2009 04:05 PM

أنا بأتخيل حاجه .....أن خط الفاكيوم بيروح لمفتاح المود ....على أساس أن مفتاح المود ....حنعتبره فاكيوم سويتش....وفيه كذا حاره .....دخول المفتاح هو الخرطوم بتاع الفاكيوم اللى جاى من الفلتر ....والخرج بتاع الفاكيوم ....أحنا اللى بنحدده مع حركة مفتاح المود ....بحيث نوجه الفاكيوم من خلال خراطيم معينه تجاه باب توجيه الهواء ....والفاكيوم بيروح موجه باب التوزيع زى ما أحنا عاوزين (للوجه - القدم - الصدر - الأقدام وهكذا )....كل ده علشان أربط بين المفتاح بتاع المود .....وكيفية التحكم فى باب التوزيع للهواء

**MMamdouh** · 01-08-2009 04:27 PM

اعتقد دة اقرب تفسير منطقى لان فى النهاية احنا عايزين ناثر على زراع الباب بحركة ميكانيكية لتحريكة و بالتالى ممكن استغلال قوة الفراغ فى التاثير على مكبس مثلا فا يدينا الطاقة الميكانيكية المطلوبة

الفكرة هنا انى لما بقارن النظام دة بنظام الكابل العادى بالقى ان الحركة على ذراع التحكم بتبقى خطية و حسب المسافة اللى بيمشيها الذراع بيبقى مضع البوابة مختلف و اتلهوا بيتغير مسارة

ازاى حنقدر من خلال المكبس بتاع الفراغ دة نتحكم فى انة يمشى مشافة معينة فقط و ميمشيش كامل مشوارة تحت تاثير الفراغ دا بفرض ان نضرية المكبس بتاعتى صح??

MMamdouh

**samirayad** · 01-08-2009 04:35 PM

بس فيه حاجه تانيه يامحمد
ده بالنسبه لمفتاح المود
طيب أيه نظام مفتاح السخن والبارد بالنوبيرا ومفتاح أعادة التدوير
هل دول بيشتغلوا بكابلات زى الانوس مثلا .....ومفتاح المود هو بس اللى بيشتغل بالفاكيوم .....الحقيقه مش عارف .....وربنا يسهل وألاقى شرح عن نظام الفراغ ....أو تكييف النوبيرا .....وأعتقد فيه سيارات تانيه مطبقه نفس الفكره .....
بديل لكابلات الانوس التلاته ( أعادة تدوير - مود - سخن وبارد )

**MMamdouh** · 02-08-2009 02:45 AM

المشاركة الأصلية كتبت بواسطة samirayad

بس فيه حاجه تانيه يامحمد
ده بالنسبه لمفتاح المود
طيب أيه نظام مفتاح السخن والبارد بالنوبيرا ومفتاح أعادة التدوير
هل دول بيشتغلوا بكابلات زى الانوس مثلا .....ومفتاح المود هو بس اللى بيشتغل بالفاكيوم .....الحقيقه مش عارف .....وربنا يسهل وألاقى شرح عن نظام الفراغ ....أو تكييف النوبيرا .....وأعتقد فيه سيارات تانيه مطبقه نفس الفكره .....
بديل لكابلات الانوس التلاته ( أعادة تدوير - مود - سخن وبارد )

اعتقد الكونترول بتاع التكييف و التهوية كلة بيعتمد على الفاكيوم... انا فاكر لما سقطنا المكنة ال 2000 و كانت خراطيم الفاكيوم ملخبطة مفيش اى حاجة فى لوحة التحكم بتاعت التكييف كانت بتشتغل

MMamdouh

**samirayad** · 03-08-2009 10:48 PM

على فكره يا أبو حميد
1- التحكم فى السخن والبارد فى النوبيرا من خلال كابل زى الانوس
2- التحكم فى عملية أعادة تدوير الهواء recirculation برضه بكابل زى الانوس
3- الفرق الوحيد هو فى مفتاح المود فعلا
خط الفراغ بيروح الى air door motor وراء المفتاح بتاع المود
فى آخر الموتور زراع متصل بباب التوزيع(شبه بتاع نظام ال VGIS ) اللى فى النوبيرا على نهاية الأنتفاخ المعدنى .....مع الفارق طبعا
لما أشارة التخلخل أو الفراغ بتروح لموتور الهواء ده بيحصل عليه تخلخل وبيكون على أستعداد لعمل حركه زاويه
مع توجيه المفتاح بمساعدة التخلخل بيتم توجيه باب الهواء اللى الوضع اللى أحنا عاوزينه
ببساطه ....بدل الواير التالت بتاع الانوس ....حاطط موتور هواء صغير بيشتغل بفاكيوم البوابه
وحركة مفتاح المود ....هى اللى بتحدد نهاية زراع الموتور ده ....حتوجه باب التوزيع الى أين
الحقيقه ده اللى قدرة أفهمه بطريه تقريبه عن نظام النوبيرا
وأدى جدول لبعض أنواع عائلة الدايو ( نوبيرا - لاسيتى - وووووو )