الموضوع: كيفية تعديل موتور الانوس ليصبح بكامتين

المشاركة الأصلية كتبت بواسطة samirayad

طيب شوف البيانات دى
1- محرك السياره الانوس
قطر غرفة الحريق = 76.5 مم- المشوار 81.5 مم -السى سى 1498 سم مكعب
وده محرك بيدى قدره فرمليه تعادل 63 كيلو وات
2- محرك السياره النوبيرا
قطر غرفة الحريق 79 مم- المشوار 81.5 مم -السى سى 1598 سم مكعب
وده محرك بيدى قدره 77.8 كيلو وات
يعنى الفرق بين المحركين فى القدره 14.8 كيلو وات
ودول اللى بنجرى عليهم .......علشان نرفع كفاءة محرك الانوس
طيب ماهو عندنا السى سى حيبقى ثابت .....لأننا مش حنغير البلوك
ومعروف هندسيا أن فيه علاقه هندسيه بين السى سى ......والقدره
يعنى التعديل مش حيكون مجدى بالطريقه دى

طبعا العلاقة بين السى سى و القدرة موجودة بس مش هى العنصر الوحيد اللى بيفرق فى قدرة المحرك والا يبقى كل المواتير ال 1500 بتطلع نفس القدرة و كل المواتير ال 1600 بتطلع نفس القدرة و هكذا... و كان حيبقى من غير المجدى عمل محرك DOHC و ب16 صباب فى حين ان الموتور ال SOHC ابو 8 صباب حيطلع نفس القدرة و فى نفس الوقت ارخص فى التصنيع و اقل وزنا و لما بيشتغل بيعمل قصور ذاتى اقل

من العناصر اللى بتفرق هى الكفائة الحجمية للمكنة و نسبة الانضغاط و تحسين كل حاجة من دول ليها طريقة خاصة بيها

و لرفع الكفائة الحجمية بنركب تربو او سوبر شارجر و هنا التحسن فى الكفائة الحجمية بيبقى كبير و بيعدى نسبة ال100% مستريح لكن تركيب الوش ال 16 صباب بيحسن الكفائة الحجمية للمكنة بس برضة بتفضل اقل من 100% و الجانب الكويس فى الموضوع دة ان مفيش اى خطر على المكنة من القدرة الزيادة اللى حتطلعهاو كمان التعديل دة بيخلليها تطلع قدرة اعلى على الرغم من ثبات السى سى و دون الحاجة لتعديل نظام التبريد او التغذية بالوقود

لا وكمان فيه حاجه فى تصميم الجوانات
لو لاحظت جواناتك الحقيقه .....حتحس أن نهاية دواير غرف الحريق .....تقريبا لازقه فى بعضها فى المحركات الdohc
فى المحرك ال sohc فيه خلوص واضح بين نهاية دواير الغرف على الجوان ده
وده منطقى حتى لو مش باين على الصوره .....ليه
لأن قطر غرف حريق الانوس 76.5 مم
أما النوبيرا 79 مم
وهنا ممكن تحصل مشاكل حريق برضه وهروب كبس
الجوان بتاع الوش الdohc حيبقى واسع على غرف البلوك ال sohc
وده السبب فى أختلاف الpart number للبلوكين

معتقدش المسافات دى تفرق فرق جوهرى... اصلا لو بصيت على جوان السبيرو حتلاقى فتحات البساتم مش مدورة اساسا

اللى يهمنى هنا ان المسافات بين مركز كل فتحة بستم و التانية تبقى هى هى و دة تحقق فعلا لما حطيت الجوانات فوق بعضها... و مش شايف اى فرصة لتنفيس بين غرف الحريق و بعضها طالما الجوان حاكم المنطقة الفاصلة بين كل غرفة و التانية

MMamdouh