أنا اشتريت سيارة بتوكيل من محافظة غير اللي أنا ساكن فيها ودلوقتي عايز أنقل الرخصة علي محافظتي وتكون الرخصة باسمي
ياتري ما الخطوات التي يجب عملها خطوة خطوة وشكرا
عرض للطباعة
أنا اشتريت سيارة بتوكيل من محافظة غير اللي أنا ساكن فيها ودلوقتي عايز أنقل الرخصة علي محافظتي وتكون الرخصة باسمي
ياتري ما الخطوات التي يجب عملها خطوة خطوة وشكرا
1- تبيع السيارة لنفسك فى الشهر العقارى التابع له محل سكنك بعقد بيع موثق
2- تحصل على شهادة مخالفات للسيارات من نيابة المرور التابعة له السيارة حاليا
3- تحصل على شهادة بيانات مؤمنة من المرور التابعة له السارة حاليا
4- تتوجه الى المرور التابع له محل سكنك والذى ترغب فى نقل السيارة إليه ومعك الآتى:
1- رخصة السيارة الأصلية سارية
2-تسلسل التوكيلات وعقود البيع من أول الإسم الموجود فى رخصة السيارة حتى إسمك بشرط ان يكون آخر ورقة نقل لملكية السيارة إليك فيها اسمك هو عقد بيع وليس توكيل(لذلك يجب ان تبيع لنفسك اولا)
3-شهادة مخالفات لم يمض عليها اسبوعين
4-شهادة بيانات السيارة
5-السيارة نفسها بحالة قابلة للفحص
6-لوحات ارقام السيارة
7-طفاية حريق
8- اثبات شخصيتك(بطاقة او رخصة قيادة او جواز سفر)
9-صور من كل الاوراق السابقة
تقوم بشراء نماذج فحص السيارة ونقل الملكية من المرور، ومن ثم فحص السيارة وعمل ملحق تامينى لباقى مدة الرخصة، او تأمين جديد لو انك ترغب فى عمل مدة جديدة للرخصة، ثم التوجه الى شباك نقل الملكية ومتابعة تعليمات الشباك لحين تسلم رخصة باسمك
مشكور جدا يا سبعاوى - أنا هخش فى الدوامة دية كمان أسبوعين أن شاء الله
بس بالنسبة للفحص أنا عندى كسر بسيط جدا فى الفانوس الخلفى وكمان الأكصدام الأمامى محتاج بترش منة حتة صغيرة أنا كنت مستعدلها ممكن دوة يأثر فى الفحص ولا أية
وكمان يعنى أية أبيع لنفسى أنا معايا توكيل من المشترى السابق للعربية - مش المفروض أروح أسجل وأدفع فى حدود 1000 جنية فى الشهر العقارى ولا أية وكمان سمعت عن الشهر العقارى بتاع المرور دة اية لازمتة
سؤال أخير - ممكن حد غيرى أديلة الأوراق كلها ويخلصهالى أصل أنا ممكن أكون مسافر برة مصر ساعتها
تسجل فى الشهر العقارى= تبيع لنفسك ، هم إسمين مختلفين لنفس الإجراء، وبالفعل بيتكلف فى حدود ال1000 جنيه تزيد او تقل حسب موديل وعدد سلندرات وبلد صنع السيارة
بالنسبة للشهر العقارى اللى فى المرور هو زيه زى اى شهر عقارى، ممكن تخلص فيه اجراء التسجيل-البيع، هو مكانه جوه قسم المرور لكنه لا يتبع المرور نهائيا وانما تبع وزارة العدل، يعنى زيه زى اى شهر عقارى برة، بتخلص فيه اجراء التسجيل/البيع لنفسك بشكل مستقل تماما عن المرور
حكاية الفانوس والإكصدام انت وشطارتك مع "مهندس" الفحص الفنى، عشريناية، تلاتيناية، خمسيناية، حسب الحالة وحسب تقديرك للامور
يسلم فمك - مشكور جداااااااااااااااا
بس ممكن حد يخلصلى الموضوع دة ولا هييبقوا عايزين الجثة أدام عينهم
شاكر جدا علي ردك السريع يا مهندس/ سبعاوي بس أنا عندي مشكلة ان الكبوت عندي فيه جزء محتاج رش ياتري ده هيأثر علي الفحص
جميع الغجراءات ممكن اى حد غيرك يقوم بيها ماعدا حاجتين،
استلام الرخصة من نيابة الرمور واستلام الرخصة الجديدة من قسم المرور الخاص بك
علشان حد غيرك يعمل الإجراء دة لازم انه يا إما يكون معاه توكييل منك ، يا إما توكيل عام، او توكيل خاص بالتعامل مع المرور ونيابة المرور واستلام الرخصة الخاصة بهذة السيارة(وفى هذة الحالة يتم تعريف السيارة فى التوكيل برقم الموتور والشاسيه بس وبدون ارقام لوحات ويتعمل التوكيل ده بعد ما تبيع السيارة لنفسك ويتعمل بموجب ملكيتك للسيارة من واقع عقد البيع لنفسك اللى انت عملته)
او انك تكون عندك واسطة كبيرة اوى ذات نجوم ونسور تخلصلك الليلة كلها
انت وشطارتك مع مهندس الفحصاقتباس:
المشاركة الأصلية كتبت بواسطة mahmouda
وكما قال المثل "لاغينى ولا تغدينى"
صعبة قووووووووووىىىى - يبقى نحاول نشوف حد كدة يكون نسر وعاة نجمتين أو تلاتة يخلص الموضوع كلة ونروح لة بزيارة كدة ب 500 جنية ولا حاجة :( :( :( :( - مش عارف هيا زنقت معاهم فى الشغل أن الواحد يسافر فى الوقت الفظيع دة وكمان فين رووووسسسسسسيييييييياااااا اااا حيث البرد القاسى تك تك تك تك تك تك تك