معقولة يعني يا هندسة لو قطع غيار اصلية متعدش فالعربية زي الياباني!!!؟؟!!
عرض للطباعة
بص ياباشا ...انا خالى كان معاه ميجان الشكل القديم وخالى دة ايه بيحسس على العربيه بطريق ممله...المهم كان جايبها زيرو...العربيه كانت كل شويه تقطع كهرباء...يعنى تيجى تدور متدورش وتعتل فى الدواره ..اكتشفنا ان البطاريه عايزة تتغير...المهم اتغيرت وبعديها مفيش بيومين نفس الحكايه
المهم فى الاخر خالص عرفنا ان العيب عيب دينامو...الدينامو مكانش بيشحن تمام...المهم اتغير بواحد اصلى من التوكيل وتوكيل رينو حراء اوى...مفيش شهرين وحصل نفس الكلام....ومش عارفين العيب من ايه...بالاضافه انه كان مغير كبالن مقاعدتش سنه وابتديت تطقطق تانى...
على فكرة العربية انا فاكر كانت كويسه...وناعمه جدا...بس كانت الحاجة اللى بتتجاب فيها مكانتش بتعمر خالص....
تعالى بقا لهوندا مثلا موديل 1993 (كانت معايا) حجاتها بتعيش جدا ...والعربيه الوحيدة اللى قطع غيارها يبانى...يعنى متلاقيش مثلا حاجة ليها ماليزى اوى صينى او او
ملك الفرنساوي على الاطلاق البيجو وهي اللي تستحق المقارنة بالياباني................
ليس من العيب فعلا ان العربيه يبقى فيها مشكلة معينه او عيب صناعة
ولكن العيب ان الشركة الأم يكون في موديلاتها نفس العيب ولما تغير الجيل كامل يطلع برضه بنفس العيب ويبقى الشركة معروفة بعيوب اكتر من 10 سنين هيا هيا العيوب ومش عاوزين الناس تطلع اشاعات
العيب ده لسه موجود تقطيع الكهرباء والبطارية للأسف ومن تجارب الأعضاء هنا ومن الواقع في السوق وعربية قريب لي
يعني مش بنقول كلام من خيالنا
فما معنى الاعتمادية ؟؟؟؟
أسباب ســوء سمعة الميــجان II (الحلقة الاولى) (أسباب سوء سمعة الميجان (الحلقة الأولى : ثقافة المشترى))
أسباب ســوء سمعة الميــجان II (الحلقة الثانية) (أسباب سوء سمعة الميجان (الحلقة التانية ))
أسباب ســوء سمعة الميــجان II (الحلقة الثالثة) (أسباب سوء سمعة الميجان (الحلقة التالتة : التصنيع و التجميع ))
أسباب سوء سمعة الميجان II (الحلقة الرابعة)
أسباب سوء سمعة الميجان II (الحلقة الخامسة) (أسباب سوء سمعة الميجان (الحلقة الخامسة : اسئلة و اجوبة ))
الفرنسي : عربيات راقيه و قويه و بتعيش واقوى من الياباني بس ............. العربيه اغلى وصيانتها برضه اغلى وانا مش محتاج عربيه قويه جدا انا مش شوماخر انا عايز عربيه فيها كل شيء معقول
الياباني : عربيات ليها منطق معين خلتها تتربع على القمه ( كل شيء معقول ) 1-موتور قوي (بس مش اقوى موتور) طبعا الفرنسي اقوي "شوفوا الفورميلا وان"
2- ثبات ممتاز (بس مش احسن ثبات) الاماني مافيش زيه
3- جوده صناعه ممتازه (بس الفرنساوي و الالماني احسن )
4-عربيات بتعيش جدا (بس عمرها ما هتعيش زي الفرنساوي و الالماني " شوفوا البيجو و المرسيدس اللي في مصر موديلات الستينات والسبعينات"
5- صاج مش قوي اقوي بس بتوفر بنزين برضه الصاج مقبول جدا يعني مش ضعيف اقوي يعني زي الكوري
6- مش قيمه اجتماعيه (بامقارنه بالفرنساوي او الالماني ) بس اعاده البيع فوق الممتازه
اللي مش مقتنع يدور علي مقارنه بين الميجان والكورلا مثلا
انا لقيت مجله في اوربا عامله اختبار ل 3 عربيات هما 1- كورولا
2-ميجان
3-فورد فوكاس
بعد ما قريتها لقيت ان الميجان والفوكس اعلي ميكانيكيا وتكنولوجيا من الكورولا بس المجله في الاخر نصحت بشراء الكورولا... ليييه؟ لانها انسب عربيه للمواطن العادي الي محتاج بس عربيه متينه وقطع غيارها رخيصه ومش هيستفاد حاجه من الموتور الشديد ولا الثبات عند 230 كم لانه عمره ما هيعدي ال120كم ممكن تدوروا علي المقارنه دي بنفسكوا وانا هحاول ادور تاني علي اللينك بتاعها واحطه
وده بياكد وجه نظري
و احب افكركوا ان اوربا ( المانيا وفرنسا وانجلترا ) و امريكا كانوا بيعملوا عربيات من ايام ما كانت اليابان لسه يدوب بتعمل توك توك وان اول م اليابان طلعت عربيات كانت الناس بتبصله زي الصيني دلوقتي وشويه بعد كده اطورت وبقت النظره ليها زي الكوري دلوقتي (يعني كوريا وماليزيا قادمون) لحد ما جت مشكله البترول عام 1973 وهنا ظهرت التويوتا كافضل عربيه للمستهلك لانها بتوفر بنزين (صاج خفيف) وهزمت كل الامريكاني اللي اتمسك بالصاج الثقيل وكانت دي الانطلاقه الحقيقه لليابان في السيارات
وشكرا
هو اية اللى دخل الالمانى اصلا...(معلش اصل انا كل جمله اشوفها الاقى المانى المانى)
وبعدين بينى وبينك حته ان الفرنساوى اقوى من اليابانى صعبه شويه..دنا شوفت عربيه هوندا سيفيك موديل 83 اتوماتيك والاتوماتيك بتاعها فل الفل بتتباع فى سوق العربيات...شوف دول الخليج عندها ايه...كلو يابانى ليه...عشان بيستحمل الارف و الحر الفظيع اللى هناك...دة ياراجل فى الخليج بيفضلو التويوتا عن البى امات...
وموضوع ان الفورد اعلى تكنولوجيا من الكرولا....احب اقلك ان تسارع الكرولا افضل 100 مرة من الفوكس...وعلى فكرة الفوكس مش بتاعت 230 وم 220 والكلام دة,,وبينى وبينك كدة لو عرضو عليك ببلاش مثلا تحتار سيفيك ولا ميجان...كرولا ولا سيتروين سى 4 ...لو انا عندى فوكس يافرحتى بالميكانيكا الحديثه...مش هينوبنى منها الا وجع جيبى فى التصليح...الكرولات والهوندا سواء الاكورد او السيفيك او او,, افضل الف مرة من البيجوه والسيتروين والميجان.... سواء كنت مواطن عادى او سوبر كمان:Ob_mak1[1]:
وشكرا لمشاركه حضرتك,,,
احييك يا باشا عالكلام الجميل والمعلومات الهامة جدا
انا ركبت الفوكس
مشوفتش عربية بالجمال دا فحياتي بجد
عربية وهم وهم بمعني الكلمة
حاسيت اني راكب طيارة بجد ....... و سعرها حلو اوي اوي
اخر حاجه عرفتها ان قمه التكنولوجيا اللي هتتفوق على الجميع هي العربيات اللي هتنتجها رينو ونيسان مع بعض صحيح نيسان مملوكه لرينو بس مافيش اي صله مابين تكنولوجيا نيسان ورينو بس اخيرا الاداره الموحده قررت تعمل شراكه في عربيه واحد يعني عربيه يعملها مهندسو نيسان ورينو يكون فيها اسرار التكنولوجي الياباني والفرنسي اعتقد ان الخبرتين لما يتجمعوا هيعملوا حاجه رهيبه
فعلا الخليجين بيفضلوا التويوتا عن اي حاجه تانيه الكلام ده 100 100 صح (وكمان الفورد و شيفروليه)وده يرجع لذكاء شركه تويوتا في انتتاجها لسيارات تناسب ذوقهم انا كمان اعرف ان مهندسو تويوتا وهوندا بينزلوا الخليج بنفسهم ويسالوا الشباب عايز ايه في العربيه ( يعني بتبقى عربيات تفصيل ) لان سوق الخليج هو تاني اهم سوق بالنسبه لليابانين بعد السوق الامريكي (العربيات الفارهه ) اما اوربا فتويوتا مثلا رقم 3 بعد رينو وفولكس ولو بصينا على السيارات الاوربي هنلاقي ذوقها مختلف تماما عن الياباني اللي بيحبوها الامريكان والخليج وده سبب تفوق الياباني
تويوتا في 2006 في الفورميلا وان كانت اكثر الفرق انفاقا ومع ذلك بالعافيه وصلت للمركز الخامس اما هوندا فمحتفظه عن جداره بالمركز 12 والفورميلا وان تعتبر افضل ساحه مباشره للقتال بين الشركات يعني كل شركه تفرد عضلاتها وتطلع كل التكنولوجي اللي عندها
هوندا اخيرا انسحبت (بسبب الازمه الماليه ) اما تويوتا في 2007 كانت رقم 5 بعد رينو رقم 4 وكذلك 2008 اما 2009 فلسه ماتحسمتش بس تويوتا سابقه رينو (مع ملاحظه ان رينو فازت بالقب عام 2005 و2006 هزمت بطل العالم 6 مرات شوماخر على ايد الونسو السائق الاسباني)
وتعد فيراري ومكلارين مرسيدس هما عملاقا الفورميلا وان
وشكرا