السلام عليكم ..
العربيه دى الى هى السيدان صح ؟؟
لو السيدان يبقى زى الى كانت معايا بالظبط ...
مبدئيا العربيه زى اى اوبل ...
ثبات
فخامه
قوه
صاج
تحمل
قطع غيار غاليه لو قارنتها باليابانى و الكورى و لكن الاوبل اكثر تعميرا و عمر افتراضى ....
المهم
العربيه دى لا المانى ولا اسبانى ..
دى برازيلى ..
قطع غيارها برازيلى و تقفيل مصرى ...
بس طبعا موتور و فتيس و عفشه و الحاجات المهمه كلها المانى ...
لكن الباقى برازيلى
زى الفوانيس و الاكصدامات و قطع الغيار التانيه ...
ملخص العربيه
سحبها حلو جدا (بس مش يابانى)
و صاجها قوى اوى
و عفشتها من اقوى العربيات الى ركبتها ...
عيوبها :
1-الرفارف من جوا (الدواير او الفجاوى) بتجيب برومه و محتاجه تتعمل عند واحد صح ...
2-سمعت ان طرمبه البنزين بتبوظ (انا مشيت بيها 145 الف كم .. باظت عند 140 الف كم و سعرها 800 جنيه فى التوكيل برازيلى )
3-قطع غيارها الاستعمال مش كتير ...(القطع الخاصه بيها بس )
يعنى الفوانيس و الاكصدامات مفيش منها استعمال خااااااالص كله جديد فى منصور و الحرفيين ...و معرفش فين تانى ...
سعر الفانوس الامامى فى منصور 900 جنيه فى الحرفيين 700 جنيه ,,,
4-زراير الكلاكس بتتقطع و فى حلين :
1-تعملها عند سروجى نضيف ..
2-تجيب الجزء بتاع الكلاكس (الايرباج استعمال المانى .. ب 500 جنيه و انسسسسسسسسسسسسى انه يبوظ)...
-5صوت الموتور عالى شويه ...
بس هى دى العيوب تقريبا الى اكتشفتها فى خلال 3 سنين و 140 الف كم ........................
لو الزمن رجع ورا او العربيه فى منها زيرو هشتريها برده ...
لانها بصراحه عربيه فوق الممتازه و سورى فى اللفظ حمار شغل ...
بالنسبهب قى لتقل البياعه ...
انا عربيتى قعدت حوالى شهرين ابيعها بس مكنتش واخد الحوار جد ...
مجرد بس انى عملت اعلان ع المنتدى هنا ....
لما اشتريت عربيه تانيه (فيكترا) ...
دخلت فى مرحله الجد ..
عملت اعلان للعربيه فى جرنال ....
اتصل بيا 6 زباين ...
طلبت 72 الف جنيه ...
اول واحد اتصل بيه جه اتفرج عليها ...
و خدها على 68 الف (انا كنت عايز ابيعها اعلى من 65 بأى فلوس)....
و البياعه بعد الاعلان استغرقت 3 ايام ...
اول يوم الزبون اتفرج تانى يوم والده اتفرج و التالت جه سجل العربيه بأسمه .....
فموضوع تقيله فى البياعه ده كلام تجار ..
و على فكره سعر العربيه دى هتسمع فيه كتير ...
انا سمعت من اول 48 الف لحد 74 الف ........................
شوف حاله العربيه الى ادامك و قولى ...
بس واضح من الكم انها كان متحافظ عليها ....
شوف و قولى و انا تحت امرك فى اى استفسار ...
المفضلات