طلب إفادة قانونية بخصوص اللازم تجاه مقهى مستغل للشارع ! (هــــــــــام)

**mahamedaraby** · 29-07-2009 01:04 PM

والله ياجماعه احنا بس اللى مش عارفين حقنا ازاى ناخده

بجد الشكاوى فى بلدك دى بتعمل شغل والله جامد اوى بس الصح انت تكون عارف هتشتكى فين وازاى

احنا كان عندنا تحت بيتنا قهوه مأجره حته من الحى وعماله قاعده وحولها شجر يعنى وماشى قانونى ميه الميه جيه واحد فى عمرتنا اشتكاه لوحده وبدون واسطه وخلى الحى يجى يشله الحته دى ودلوقتى لو راجل ينزل كرسى بره القهوه وشوف كان ماشى قانونى ازاى

فا انا راى روحوا كذا واحد للحى وشوف فين تعملوا الشكوى دى وازاى ولو عرفتوا تدخلوا لرئيس الحى ادخلوا

وبردوا روحوا القسم وربنا معاكم

**AhMeD EzZ** · 29-07-2009 02:51 PM

نفس الموضوع عندي بس انا مشكلتي الركنة
انا علي شارع شبرا العمومي و بتوع القهوة محتلين الاماكن لحد الساعة 2 بليل و كمان بيركنو صف تاني و يزنقو عليك
حاجة تقرف

**M.Osman** · 29-07-2009 05:50 PM

واضح ان مصر كلها بقت قهاوي طالعلها شوارع و أحياء !!

**elassar2010** · 29-07-2009 06:04 PM

المشاركة الأصلية كتبت بواسطة successcre8or

واضح ان مصر كلها بقت قهاوي طالعلها شوارع و أحياء !!

فعلا مصر كلها قهاوى وكافيهات انجح مشروع ممكن يتعمل فى مصر قهوة او كافية لان الجامعات بتخرج كل سنة الاف بيروحوا فين بيروحوا القهوة المعاشات برضة بيروحوا القهوة يعنى بتلم الناس الفاضية كلها وما اكتر الفاضين فى مصر

**dr-mohamed** · 29-07-2009 06:16 PM

ههههههههههههههههههههههههه ههههههههههههههههههههههه
فيه حاجة محدش اخد باله منها
الراجل قالكم ان القهوة ملك 2 شركاء منهم واحد ظابط شرطة
من الاخر ابقي قابلني
ولا اقولك استني
والله جت لي فكرة حالا وانا بقولك ابقي قابلني
انت متعملش شكوي في الحي لانها مش هتجيب نتيجة وهيعرف مين اللى عامل الشكوي ويقرفك
انت تبعت شكوي بس بدون توقيعك باي اسم وهمي لادارة التفتيش بوزارة الداخلية وبمديرية الامن اللى انت تبعها تقول ان الظابط شريك في قهوة اسمها كذا وعنوانها كذا وانها بتستعمل لاغراض غير مشروعة زي تعاطي والاتجار في المخدرات

ههههههههههههههههههههههههه هههه
والله شرير
بس مفيش غير كدة

**mahfouz1983** · 29-07-2009 06:58 PM

طيب يا جماعه انا عندي مشكلة شبيه بالمشكلة دي بس مش قهوة انا فاتحه قدام عمارتنا ورشة الويتال المشكلة ان صوت منشار تقطيع الالمونيوم يصحي النايم في موزمبيق اعمل ايه واتكلمنا معاه لان الحي عندنا حي سكني مش عارف اعمل ايه

**ahmedhilmy** · 29-07-2009 07:21 PM

دي مصلحة انه ضابط شرطة عليك و علي شرطة الانضباط بيترعبوا منها

**نور القمر** · 29-07-2009 10:07 PM

ده اللي اكتر من موضوع القهاوي اصحاب المحلات التجارية مش مكفيهم انهم مستوليين على رصيف المشاة لحسابهم كمان يمنعوك تركن قدام المحل ويقولك ده مكان اكل عيش
بس الواحد بيكبر دماغه بس ببقه هطق من الغيظ واحيانا بفكر اعاند معاهم بس بقول لنفسي بلاش مشاكل ده لو حد نفخ فيا هايغمى عليا بس والله نفسي اتصرف تصرف ايجابي معاهم بس مش عارفه ازاي

**M.Osman** · 03-08-2009 01:04 AM

المشاركة الأصلية كتبت بواسطة blazer

عاوز اقوللك ان موضوع انه ضابط دى مش فى مصلحته فى احوال كتيره
لان اى شكوى ضد ضابط "يعنى تشتكى ضابط باسمه"دى بتعمله مشااااااكل كتيييييييره جدا و تاخير ترقيات و بلاوى
انت ممكن متعرفش بس هو بيتأذى

... مش فاهم حضرتك.
هل حضرتك قصدك اني مقدمش فيه شكوى يعنى ولا أية ؟