طلب إفادة قانونية بخصوص اللازم تجاه مقهى مستغل للشارع ! (هــــــــــام)
السلام عليكم
بداية،
قال الرسول الكريم (ص) : ( إياكم والجلوس في الطرقات )
في اول شارعنا فتحت قهوة من حوالي سنة .
بدأت المشكلة لما اصحاب القهوة اللي طبعا معندهومش دم ولا ضمير ولا اخلاق ولا عقل حتى حطوا ترابيزات القهوة في الشارع (شارع ضيق: يدوبك صف عربيات عاليمين و آخر عالشمال و نهر الطريق) و بكدا طبعا مساحة كبيرة من مساحة الشارع ضاعت!
لأ و كمان عملوا مطب او جبل عشان حضرات العاطلين و اللي ملهومش لازمة محدش يزعجهم في الرايحة و الجاية .
تخيلوا معي...
كل مرة اطلع بعربيتى لازم اعدي من وسط القهوة
كل مرة طالع مع إخواتي او والدتى لازم اعدي من وسط القهوة
تخيل لو حد ماشي بدون عربية... بيكون معدي في قلب القهوة فعلاً !!
و الله مش ببالغ ... هي دي الحقيقة لأنهم قاعدين في مستوي الطريق و ليس الرصيف ...
إللي اعرفوا اني عايزهم يلموا نفسهم تاني لداخل القهوة
اعمل اية ؟؟؟
بجد حراااااام
دا انا لسة كنت عامل موضوع هنا في الإجتماعى بسألكم "هل ممكن تخلي أختك تسوق؟" و انتوا زي إخواتي شجعتوني...
طب بالله عليكم..
لما في الرايحة و الجاية يكون كدا.. ينفع ؟
ينفع اختي كل ما تيجي تطلع بالعربية تعدي في وسط القهوة دي عشان المعلمين اصحابها فرشوها في الشارع ؟؟؟؟؟؟؟؟؟؟؟
عايز إجراءات فانونية ...
قولولي اعمل اية بطريقة فانونية ... لأني مش هنزل لمستوى الناس دي و اروح "اتفاهم" معاهم مثلاً :khd:
شكراً