السلام عليكم
بصو ياجماعه انا ١٧ سنه هل في طريقه قانونيه لاستخراج الرخصه ف السن ده
ولا لازم طرق تانيه كعاده البلد دي ؟
عرض للطباعة
السلام عليكم
بصو ياجماعه انا ١٧ سنه هل في طريقه قانونيه لاستخراج الرخصه ف السن ده
ولا لازم طرق تانيه كعاده البلد دي ؟
ايام وزكريات فكرتني بيها كلها كام شهر وتطلعها اصبر
والله برضة كنا بنقعد نسئل ونحلم وفي الاخر استنينا
ملهاش ادنى حل على فكرة
تستنى لما تبقى 18 سنه و بلاش تستعجل و خليك فى السليم
بص يا جميل
انت فكرتنا كلنا بالفتره ده
هو قانوني مفيش
انما وانا عمري 15 سنه بسوق ومن غير رخصه
كان واحد معرفه مديني دفتر ايصال سحب رخص وكل شويه اكتبلي واحد بتاريخ قريب لحد اما طلعت الرخصه
مشكور اخي الاكبر يحيي هلالي واخي الاكبر هيومان ١٢
بس انا زهقت والله اصل انا بسوق من وانا عندي ١٠سنين تقريبا جسمي كان مساعد بقي xD واتمسكت مره وطلعت بأعجوبه ف والله زهقت وعايز اطلع رخصه بقي عشان اي شخص من اخوانا يتكلم افختله عنيه
ف حاولو لو سمحتو تدورو لو علي صغره حتي
مشكور اخي الأكبر محمد ريم طب بالنسبه لدفتر سحب الرخص اجيبه ازاي ولا ملوش حل الا المعارف؟
وصحيح افرض طلب البطاقه كمان يبقي ايه الحل xd
اقتباس:
المشاركة الأصلية كتبت بواسطة brokenheart
كلنا حاولنا و احنا عندنا 16 سنة بعد البطاقة على طول
و طلع ان دي أوشـــــــــــــــــاعة هههه
مافيش اي طريقة قانونية تسمحلك بالقيادة تحت السن المحدد
ولا استثناءات مش عارف مين و لا تصريح من فلان و لا علان
وعموما انت لو تعرف فلان أو علان دول ..تبقى مش محتاج رخصة اساسا ...محتاج :b4_564: بس
دفتر السحب عايز واحد معرفة جامدة و ما بيخافش و يكون ظابط جامد ودي الحقيقة "مصيبة" لو اتعرفت
بناقص الكام شهر دول ياسيدي ...
انت مستحمل بقالك سبع سنين أهو
ما جاتش على كام شهر
ظبط واسطة بس علشان تعرف تطلعها 18 ....لحسن لو مافيش ....قدامك لـ20 21 بقى
مش مستهلة اصير شوية
18 سنه بالظبط مينفعش اقل ساعه حتى
بعد كده هتزهق من اليوم الى هتنزل فيه وتسوق كانت حاجه فيها متعه الاول بالنسبه ليا دلوقتى بقت غم لما انزل اسوق عربيه
اصبور انت عندك 17 مش مشكله سنه كمان وخلاص
وربنا معاك
مشكور اخي الاكبر احمد سامي الواسطه سهله بس بيقول اقصي حاجه يقدر يعملها هي انه يطلعهالي في يومين بس لما اتم ١٨ سنه بردو
مشكور اخي الاكبر احمد حلمي بس لو انا قادر اصبر مكنتش عملت الموضوع ده d:
مشكور اخي الاكبر بوب 2009
بس معتقدش ان في حد يزهق من السواقه يمكن تكون زهقت من الزحمه بس d:
طب ولا ينفع اثبات من مركز قياده اني بعرف اتنيل اسوق؟
او استثناء من المفتش العام؟
او اي حاجه تانيه فكرو انتو اكيد خبره يعني d:
سلام عليكم
بص ياباشا استحمل السنة دي وخلاص
انا كنت اكتر منك والله
وكنت بسال على طول حتى اما كان فاضل شهر واتم 18 كنت بسال برده
ويوم ما جيت تميت 18 يوم عيد ميلادي بالظبط
رحت متاخر المرور كان هيقفل لقيت الراجل بيقولي
بصوت مجعر كده يعني انت مستني 18 سنة جت على يوم يا كابتن !!!
على اساس اني اول ما اتولد وانا بعرف اسوق يعني !!!
استنى وامرك لله او سوق من غيرها
انا قعدت4 سنين اسوق من غير رخصة واتمسكت مرة وسحبت رخصتي وجبتها واسطة ومدفعتش الغرامة
طب بصو ياجماعه
لو اتمسكت ايه عقوبتها
يعني فيها سجن ولا غرامه ولاسحب رخصه ولا سحب العربية
ايه اقصي عقوبه وايه اقلها
مش محتاجة واسطة بس لازم تتم 18 سنة و يوم يعني تروح تاني يوم عيد ميلادكاقتباس:
المشاركة الأصلية كتبت بواسطة ahmed samy
فيها حبس على فكرة و ممكن والدك يتبهدل و يروح يتذلل و يذل نفسه لشوية ناس ما تقلعهاش من رجلك عشان انت ما تباتش في التخشيبة مع الأشكال اياهااقتباس:
المشاركة الأصلية كتبت بواسطة brokenheart
غرامه 500 جنيه ده لو انت مش عامل حاجه يعنى مافيش اضرار لو فيه اضرار حبس حتى لو كانت فى عربيهاقتباس:
المشاركة الأصلية كتبت بواسطة brokenheart
سحب العربيه اول حاجه وطبعا لازم صاحبها يستلمها وطبعا فى الحاله دى العربيه بتكون خارجه مش عربيه ممكن من غير كاسيت او او على شان الحبايب وده على شان شروط الاستلام مفيهاش اى ضوابط
وطبعا على ما تستلم العربيه تانى هيطلع عينك ولو مش باسمك اول سوال فى النيابه طيب ليه انت سبت العربيه لواحد مش معاه رخصه قياده وخصوصا لو انت اظهرت رخصه العربيه فى اللجنه
وحاجات كتير انت فى غنى عنها وغير كده وكده هتبهدل نفسك مع عالم ممكن انت تشترى الخمسه منهم بجنيه او بكارت وكونو خدمين عندك
سيبك من الكلام ده لو معاك كارت حد كبير ومش لازم يكون ظابط عادى لا من اول مساعد وزير او كارت دبلوماسى يعنى سفير او كارت قاضى كبير او لو معاك كارت من حد فى الحرس الجمهورى او الحربيه يعينى ده انت تضرب الى يوقفك كمان