الموضوع: يا باغي الخير أقبل (شنطة رمضان)

شنوري باشا انا وعربيتى تحت امرك بس هي يارب تليق بمقام حضرتك و مش بس العربيه انا كمان ححاول اجمع مساهمات من الناس اللي اعرفها و ان شاء الله اول ماناخد الاوكيه حنزل اللف علشان نقدر نجيب احسن اسعار بس كل حاجه ان شاء الله تبقي تحت اشراف حضرتك.
وبالنسبه لموضوع العافيه احب اقولك ان احنا جامدين اوي ومبنخافش واللب بنالنا طوبه في صدرنا يجي يهدها.

تكتب ان شاء الله وليس انشاء
الاشراف

الله يباركلكم يا شباب
بالنسبه لموضوع عناوين الأسر الفقيره لو رحتوا اي فرع رساله اسكندرية وطلبتوا منهم هايدوكوا عناوين وهايوجهوكم
وبالنسبه لعمل الشنطه نفسها زي ما قلتلكم ممكن تجمعوا المبلغ وتدوه للماركت اللي هاتجيبوا منه وتفهموه ان ده عمل خيري لأن منهم كتير بينزلوا في الأسعار لما يعرفوا الموضوع ده
وهايبقى فاضل التوزيع
الله المستعان
احنا كمان بدأنا نلم الفلوس وعلى قبل رمضان باسبوع هانكون بدأنا نوزع بأمر الله
وفقنا الله وإياكم إلى ما يحبه ويرضاه

لو عاوزين عناوين اسر فقراء فى القاهرة انا ممكن اجيب لكم .

فى جمعية خيرية عندى هنا بتعمل نشاطات واسعة جدا ما شاء الله .

و جدى واحد من طاقم ادارتها , فلو حد هيتبرع بفلوس او بشنطة رمضان انا ممكن اوصله للجمعية و هما هيعرفوه ازاى بيتم طريقة التوزيع او ممكن يا جماعة تتبرعوا للجمعية و هما هيوزعوا بطريقتهم على الغلابة و الثواب محفوظ طبعا .