يا باغي الخير أقبل (شنطة رمضان)

**ZALABANY** · 29-07-2009 11:34 AM

بسم الله الرحمن الرحيم

[justify]( ويطعمون الطعام على حبه مسكينا ويتيما وأسيرا * إنما نطعمكم لوجه الله ،[/justify]
[justify]

لا نريد منكم جزاء ولا شكورا * إنا نخاف من ربنا يوما عبوسا قمطريرا

* فوقاهم الله شر ذلك اليوم * ولقاهم نضرة وسرورا * وجزاهم بما صبروا جنة وحريرا )

[/justify]

قال رسول الله صلى الله عليه وسلم

" أحبُّ الأعمال إلى الله ثلاثة : إشباع جوعة المسلم، وقضاء دينه، وتنفيس كربته "

صدق رسول الله صلى الله عليه و سلم

انت عارف ....

فى الوقت اللى انت بتفكر فيه انك ازاى ها ترتب ميزانية رمضان علشان تجيب

للبيت كل الطلبات الضروريه والغير ضروريه كمان

فى الوقت ده نفسه فى ناس بتفكر يا ترى انت ها تبعتلها ايه

مستنياك

بتحاول تتخيل

ويمكن تكون بتقول يا رب يزودوا السكر شويه

اصله اهم من المكرونه

يا سلام لو يبقى بدل 2 كيلو زيت يبقى كيلو سمن

ويمكن ما يطمعوش فى مجرد التفكير فى كيلو لحمه{*}

عايزين يا جماعة نبدأ نفكر في الموضوع ده تفكير جدي

عشان نبدأ نجهز شنط رمضان ونبحث عن الأسر الفقيره والمحتاجه عشان نوصلهالهم قبل الشهر الكريم

المطلوب

المشاركه المادية

المشاركة التنظيمية والأفكار

مطلوب عناوين الاسر الفقيره والمحتاجه

وطبعا المشاركه في توصيل الشنط

أي حد يقدر يساهم بشئ من دول يقلنا

ويحط رأيه كمان لو في أي اقتراحات

اكيد في ناس كتير بتعمل الموضوع ده بس اكيد في ناس برده مش لاقيه الفرصه

ودي فرصه اننا نعمل مجموعات تعمل الشنط ونقدم الخير ده

ولو في حد فعلا مشترك او مسئول عن حاجه زي كده يسيبلنا بياناته والتفاصيل وممكن برده يلاقي اللي يشترك ويساهم معاه

بسم الله الرحمن الرحيم (وتعاونوا على البر والتقوى ولا تعاونوا على الإثم والعدوان)

صدق الله العظيم

* جزء مقتبس

تم تثبيت الموضوع
مشرف عام 1

**eng.octooo** · 29-07-2009 11:58 AM

انا ممكن اقدملك شوية افكار لمحتوى الشنطة :

طبعا انت ممكن تستبدل بدل 2 لتر زيت ممكن واحد بس وتجيب علبة سمن صغير
ممكن تقلل الارز وتزود المعكرونة لانها اوفر وبالتالى هاتزيد الكمية
ممكن نحط صلصة اكياس _كلشان توفير الكمية بدل البرطمان
ممكن 2 ك سكر
نص ك تمر جاف (احياء للسنة النبوية)
كيس ملح ص بلاش كبير
علبة حلاوة طحينية
برطمان عسل
برطمان مربى

بصراحة مش عارف اية تانى بس البنات هايعرفوا اكتر ممكن تسال
نور القمر
baskota
نور العمر
دول هايعرفوا الاسعار واية الى لازم
وانا هاقولك على فكرة كويسة فى هايبر فية منتجات بيكون ماركتها وان ودى بتكون ارخص منتج موجود ممكن تحددو الكمية الى انتم عايزينها من كل حاجة وتطلبوها من هايبر وتقولولهم انها لشنطة رمضان وهايعملولكم تخفيضات حلوة ان شاء الله

وربنا مع الخير وربنا يحفظكم

**wisambasha** · 29-07-2009 12:28 PM

طبعا يا عم زلاباني (اوع تنساني) احنا مع بعض زي السنة اللي فاتت

**ZALABANY** · 29-07-2009 01:03 PM

الله المستعان فين الناس

**Drift_Lover** · 29-07-2009 01:33 PM

انا معاك ان شاء الله.

وبشكل مبسط كده. انا تخيلي لليله كالتالي.

1- مطلوب شخص او اكثر متطوع عن كل محافظة او منطقه : الناس اللي عندها استعداد تقدم مساهمات. بيتكفل مشكورآ بالمرور عليها وتجميع المساهمات. ودول لازم تكون بياناتهم واضحه العنوان والتليفون والاسم بالكامل.

2- كل حد عنده نيه في التبرع. يذكر بياناته ومحافظته او المنطقه. لتنظيم الاتصال.

3- نختار لجنه من الاعضاء للرقابه والتنظيم العام والتوجيه.

**النوبي** · 29-07-2009 01:43 PM

يا خساره ياريتني كنت جنبكم

**ZALABANY** · 29-07-2009 02:39 PM

المشاركة الأصلية كتبت بواسطة maka

اولا هى فكرة ممتازة وبارك الله فيك استاذ زلبانى

تانيا جمعية رسالة www.resala.org

بتعمل الكلام ده كل سنة وممكن احنا نلم الفلوس والتبرعات وندهلهم او نشترك معاهم فى

خدمة التوصيل وياريت اللى يعرف اسر محتاجة فعلا ومحرجة تطلب مال يبلغ بيهم الجمعية علشان بتديهم اعانات شهرية سنويا

ونبذة اخيرة عن الجمعية بتقبل التبرع بالملابس القديمة والاجهزة المنزلية والاثاث القديم والاكل والمعلبات ( رز , زيت , سمن , مكرونة )

و هما امناء جدا ومبيخدوش حاجة لنفسهم

ووفقنى واياكم على فعل الخير

أنا عارف فعلا ان رساله بتعمل الكلام ده وفعلا احنا السنه اللي فاتت رحنا قعدنا معاهم واخدنا منهم عناوين 30 اسره فقيره هما ما ودولهمش اعانات ورحنا وصلناها بنفسنا عشان ناخد الثواب
الفكره هنا اننا نعمل الخير بايدينا عشان ناخد الثواب والأجر والسنه اللي فاتت فعلا وزعنا شنط على 30 اسره وكانت حاجه كويسه جدا

حاجه مهمه
موضوع جمع الفلوس او الدعم المادي مش الهدف من الموضوع الهدف هنا اننا عايزين فعلا نتشارك في عمل الثواب وعايزين اي حد يعرف اسره فقيره او حد محتاج يبلغنا بيهم ياريت يبعتلي بياناتهم على الخاص واحنا هانوصلهم اوها نكلم الشخص اللي يعرفهم ونسلمه الشنطه يديهالهم احنا بالفعل بدأنا نجمع الناس والفلوس وقبل رمضان باسبوع عايزين نبدا نرتب التوزيع

**SHNORY** · 29-07-2009 04:37 PM

طيب لو حضرتك متولي الموضوع ده فيه نقاط اساسيه لازم تتعرف او تتعمل
زي اعلان تكلفه الشنطه الواحده
مكونات الشنطه
يا ريت نحدد عضو موثوق فيه في كل بلد لجمع التبرعات وتوصيلها ليك
علي ان يكون الميعاد النهائي قبل اسبوع من رمضان
انا لو تحبوا ممكن اجمع التبرعات في اسكندريه
مع اعلان او سريه اسم المتبرع

**SHNORY** · 29-07-2009 04:45 PM

المشاركة الأصلية كتبت بواسطة drift_lover

انا معاك ان شاء الله.

وبشكل مبسط كده. انا تخيلي لليله كالتالي.

1- مطلوب شخص او اكثر متطوع عن كل محافظة او منطقه : الناس اللي عندها استعداد تقدم مساهمات. بيتكفل مشكورآ بالمرور عليها وتجميع المساهمات. ودول لازم تكون بياناتهم واضحه العنوان والتليفون والاسم بالكامل.

2- كل حد عنده نيه في التبرع. يذكر بياناته ومحافظته او المنطقه. لتنظيم الاتصال.

3- نختار لجنه من الاعضاء للرقابه والتنظيم العام والتوجيه.

معلش مكنتش قريت مشاركه حضرتك قبل ما ارد علي الموضوه
انا ممكن الم التبرعات بس للاسف العربيه مش معايا دلوقتي فاللي عاوز يتبرع يشرفني في المحل بتاعي
19 ش مسجد القصبجي متفرع من شارع الرصافه -محرم بيك-اسكندريه
محمد الشنوري 0123145607
انا متواجد كل يوم من 3 العصر لحد 12 بالليل

-

الموضوع: يا باغي الخير أقبل (شنطة رمضان)

LinkBack

أدوات الموضوع

عرض

-

-

-

-

-

المواضيع المتشابهه

شنط رمضان 2012- يا باغي الخير اقبل ولو ب 10 جنيه

يا باغي الخير اقبل-مطلوب شنط رمضان ومصاحف

مطلوب مساعدة بعربيتك في نقل مكفوفين لافطار-يا باغي الخير اقبل

يا باغي الخير أقبل- مسجدين بحاجة لدورات مياه

مسجد بحاجة ماسه لتكييفات-يا باغي الخير اقبل 1

الكلمات الدلالية لهذا الموضوع

المفضلات

المفضلات

ضوابط المشاركة