هاي يا شباب
انا عاوز اعرف ايه هى قواعد الموتور وازاى اعرف انها محتاجه تتغير ... يعنى ايه المؤشرات بتاعت تغييرها
وكمان عاوز اعرف هي بتتغير ولا بتتربط ولا بيحصل فيها ايه
مع العلم ان العربيه لانوس 99 وما اتفتحتش قبل كده
الف شكر لمحبتكم ونصايحكم وخصوصا معلمين قسم الدايو حبايبنا كلنا
قواعد الماتور هى الجزء اللى بيرتكز عليه الموتور وتفصل بينه وبين الشاسيه ووظيفتها حاجتين : بتمتص الاهتزازات المنقوله من العفشه للشاسيه نتيجة سير العربيه على الطريق ، تانى حاجه بتمنع نقل الاهتزازات الصادره عن الموتور إلى جسم السياره علشان كده بتبقى فى بعض الموديلات كاوتش مطاطى وأحيان تانيه كاوتش مطاطى مملوء زيت ، وبالمناسبه أنا غيرتهم فى النوبيرا وكان سعرهم مش غالين غيرهم لو حاسس بصوت أهتزازات
وكمان يا باشمهندس برضه ممكن فى كل طلعة تحس بسحبه جامده لما تسيب رجلك من الاكسرتير مرة واحدة وهكذا
انا بلاحظ حركه خفيفه فى الفيتيس وانا طالع على الاول وخصوصا لو طلعت شديد شويه
طيب سهل الميكانيكي يكشف عليها ولا صعبه ؟
لو عندك خلفيه قاعده الفتتيس بكام (اللى هيه تقريبا الومنيوم) دى فى النوبيرا فى الناحيه الشمال و كذلك الشداد بكام
كراسي الموتور والفتيس لما بتبوظ بيبان قطع أو هري في كاوتشة جسم كرسي.
سهل الكشف عليها بالنظر.
وكمان سهل تحسها.
- رعشة في عصاية الفتيس.
- هزة الماكينة مسمعه مع جسم العربيه.
- شنشنة في الطلعه من الموتور او الفتيس (بتختلف عن التسقيف).
- رجرجة الموتور في السلانسيه او والعربيه واقفه.
Abo Yousif.
انا مش بلاحظ حاجه من دول ... اللى بحسه لما اكون ممور وطالع على الاول وبشيل رجلى من الدبرياج .. بحس ان الفيتيس بيرجع لورى حاجه بسيطه .... بس كده ... يبقى ده عادي ولا ايه بالظبتاقتباس:
المشاركة الأصلية كتبت بواسطة drift_lover
اقتباس:
اللى بحسه لما اكون ممور وطالع على الاول وبشيل رجلى من الدبرياج .. بحس ان الفيتيس بيرجع لورى حاجه بسيطه
بيتهيأ لي ده طبيعي. كرد فعل عكسي لتعشيق التروس.
وبرده استني رأي خبراء العافشة لتأكيد المعلومة. (انا باحاول اجتهد معاك مش أكثر).
Abo Yousif
سهلة اوى الكشف عليها عند الميكانيكى
لانوس فيها 3 قواعد فى منهم واحدة للفتيس
تمن التلاتة كورى فى حدود 120 جنيه
حيقولك عشق الرابع وانتا مبطل طبعا
ويزق العربية لقدام
ووراء
والكبوت مفتوح طبعا
لو فى صوت تخبيط او حركة جامدة للماتور
يبقوا بايظين
النوبيرا على 2 قاعدةاقتباس:
المشاركة الأصلية كتبت بواسطة mfs
يمين اسمها قاعدة زيت
وشمال اسمها المونيوم
و2 شدادة امامية وخلفية
اما لانوس فيها 3 قواعد
2مسمار (شمال)
2خرم(يمين)
1خرم (فتيس)