عرض للطباعة
شباب
كنت عاوز نصيحتكم في موضوع تربيط العفشة ( في اسكندرية ) وكمان سحب هواء من الفرامل ( تاني مرة )
هل لازم يكون في التوكيل ولا ممكن حد كويس برة.. وكمان بيتكلف كام ...
وهل لازم اروح التوكيل لما اوصل لصيانه ال5000 ولا ممكن اي وقت .. وهل ده ليه حساب ولا تبع الضمان ..!!
شكراُ
هندسه مساء الفل
الموضوع مش مستاهل توكيل ولا حاجه بخصوص ربط العفشه لأنه سهل خالص وكذلك سحب الهوا واعتقد هوه هيبقى مع الصيانه مش هيحسبوا عليه ( لوهما ذوق يعنى ) على العموم بص لو عايز عندى الميكانيكى بتاعى من أيام الهيونداي والإبيزا زى الفل فى الابراهيمية انا بعمل عندوا الحجات اللى ممكن تتعمل بره التوكيل وبسهوله زى تغير التيل تربيط العفشه تغير بوجيها كده يعنى وانا اثق فيه اسمه محمد الحلبى لو عايز قول لي وانا اضبط معاه انا من يوم الجمعه للثلاثاء بره اسكندريه شوف وقول لى
تحياتى
تسلملي يا غالي
على طول كده .. رافع معنوياتي ورحمني من التوكيل وقرفة
طيب انا حكلمك ونظبط مع بعض..
الف شكر وتحية ليك يا د/ محمد على اهتمامك ومسعدتك .....
خلاص زي ما اتفقنا يا هندسه
تحياتى
طب انا كنت سمعت من مهندس فى التوكيل ...
ان موضوع سحب الهوا من الفرامل ... مش كويس وبياثر عالفرامل ؟؟؟؟
ايه صحة الكلام دا ... وهل فعلا سحب الهوا بيحسن من اداء الفرامل ؟؟؟؟
تحيــــــــــــــــــــــ اتــــــى
بص يا مون مون
انا المشكلة عندي ان الفرامل واطية زياده عن اللزوم ودي حاجة مديقاني لان في فرامل الخطر بأضطر اجيب اخر الدواسة
المشكلة دي كانت في العربية اول ما استلمتها وفي صيانة الالف اتصلحت والفرامل بقت عالية
امبارح د/محمد وانا رحنا للميكانيكي بتاعة وملقاش هوا في الفرامل فمردناش يلعب في حاجة تانية وان شاء الله حوديها التوكيل و @##@#$%%$#@@@!
احلا حاجة امبارح د/محمد وانا
اتقابلنا وبعد موضوع الميكانيكي قعدنا مع بعض ندردش حوالي ساعتين
وكمان هو عمل تيست درايف لعربيتي وسمحلي اني اجرب عربيته
وبعد حوالي 20 دقيقة تيست درابف للجين تو عندي كام سؤال فعلاً عاوز اجابة عاليهم
1- هو فين سوء التقفيل اللي الناس كلها بتتكلم عليه انا فحصت التابلوه حته حته مسبتش سنتي واحد ومش لاقي لا سوء تقفيل ولا سوء خامات العربية زي الفل (بس الله ما شاء الله - ربنا يحميهالك يا محمد ويباركلك فيها ويكفيك شرها )
2- مش حتكلم على الثبات لانه غير قابل اللنقاش والمجادلة ( مفيش احسن من كده ) امبارح كان محمد بيأكد عليا مدسش فرامل في الملفات وانا كنت مرعوب وهو واثق في العربية وثبتها وفعلاً عنده حق.
3- اداء رياضي بكل ما تحملة الكلمة من معاني انا كنت حاسس اني راكب عربية سبور - وده عيب في عز العرب ان المفروض العربية دي مكنتش تنزل في فئة السيدان كان المفروض تنزل في فئة السبور
4- اداء العربية والموتور وشكل التابلوه بيديلك احساس بالقوة والسرعة ده غير صوت الموتور اللي بيحسسك انك حتاكل الطريق و العربيات اللي قدامك .
ربنا يبارك لكل اللي معاه جين تو ومن امبارح وانا اقتنعت اكتر بالعربية دي وزاد احترامي ليها وفعلاً هي مغامرة تستحق التجربة
شكراً للدكتور محمد على المغامرة الجميلة دي
اقتباس:
المشاركة الأصلية كتبت بواسطة Eng. Rafy Samy
لاشكر ولا حاجه ياباشا دانا اللى سعيد عشان اتحت لى تجربة الواجا اللى كنت مقتنع بيها كعربية عائلية وأصبحت مقتنع بيها أكتر من الأول فعلا يعنى لو فكرت فى عائليه أفكر فيها عن البرسونا مثلا لأن البرسونا جين ومزودين شنطه فقط والواجا ماشاء الله عليها وخلال التجربة بعربية رافي لاحظت الآتى على الواجا مقارنة بالجين تو :
1. مجال الرؤية أوضح من الجين تو نوعا ما
2. طبعا أوسع فى الجلسة بحكم اتساعها عن الجين اللى شرسه فى قعدتها ( مره واحد صحبى جلس مكانى فى كرسي السواق وقالى : إيه ده هيه مال القعده شر كده ليه ) فيه فعلا كده
3. أنعم من الجين تو على أساس أن الجين هيبر شويه وخصوصا اني عملها تعديل الفلتر والاسبلتات
4. البور بتعها ممكن يكون أتقل شويه من الجين بس الدركسيون بالنسبه للجن عالى شويه من الوسط عن التاره فممكن يضايق شويه لو مش واخد عليه فى الأول
5. الثبات بتعها مش بيفرق كتير عن الجين التو إن كانت الجين بحكم التصميم ملمومه من قادم شويه ومع نظام الإيرو دينمك تحسن إن الجين أكثر ثباتا عن الواجا بنسبه بسيطه خاصه إنها أعرض من الأمام
6. الكلاتش بتعها أخف من الجين تو
7. الآداء والتسارع كويس جدا فى الواجا
8. السوند سستم بتاع الجين أحسن من الواجا بس رافى عامل شغل فى السوند سستم عنده جميل جدا
يعنى تحس فعلا ان الجين و الواجا من مصنع واحد وفكر واحد مع اختلافات بسيطه السبب فيها فى اعتقادى التصميم بتاع الجين الرياضى والتصميم بتاع الواجا العائلى
ديه بسرعه أهم الملاحظات اللى لاحظتها خلال التجربه بس القعده مع رافي مفيده استفدت معلومات كتير منه وعن الواجا تحديدا لأنه بيحبها فعلا :36_3_18[1]: وربنا يبارك له فيها ويكفيه شرها إن شاء الله :ask: من الاخر العربية الواجا عربية محترمه جدا جدا
تحياتى