بص يا باشا
انا إستعملت الأبرو و كان كويس و عمل نتايج جميلة جدا طبعا يفضل إنك تستعمله قبل ما تطلع مشوار طوالى كبير يستهلك كمية كبيرةمن البنزين تفضى العلبة فى التانك و بعدين تفول التانك يفضل يكون التانك شبه فاضى
و انت فى المشوار حاول تشد بالعربية جامد و تعلى الأربى إم عشان يزود الضغط فى دورة البنزين عشان ينضف الرواسب كويس
ملاحظاتى
سحب العربية بقى حلو
الصوت هدى شوية
العربية كانت بتقطع ما بقتش
العربية كانت بتغيب فى الدوارة الصبح مع وجود المنظف عشان البنزين تناه فى التانك أكتر من يوم
الإستهلاك ما حسبتوش بعدها بس التانك (60 لتر)عمل معايا 500 كم تحت العجز و الزيادة
هتلاقى المنظف دا تقريبا فى أى بنزينة هات الأمريكى منه سعره 13 جنيه