الموضوع: تجربة قيادة كيا كارينز - أخييييييرا !!!!

المشاركة الأصلية كتبت بواسطة أحمد كمال

السلام عليكم


اخيرا بعد طول اشتياق ....... قدرت اسوق الكارينز .... المانوال مش الاوتوماتيك مش فارقة


نتيجة التجربة كالتالي:

1- الوسع من جوة مالوش حل مالوش حل مالوش حل ..... رجعت كرسي السواق عالآخر ..... زي الفل

و ورايا كان لسه يقعدني و انا طويل اصلا

2- التكييف تلااااااااااااجة

3- غياب المخادع كان سخيف بس عرفت انها بتتجاب Special Order في التوكيل .... الكونسول الوسطاني كله بيتغير بس من غير برضه هوايات تكييف خلفية ....... زي عزل الكبوت و الصدر اللي بيتجاب Special Order

4- كل ما كنت اعوز اشد فرامل اليد كنت باتبعت :) ..... مش متعود نهائيا على الفرامل الدواسة .... بس اكيد هاتعود

5- الباور ستيرنج كويس ....... انا على فكرة راكب لانسر بومة حاليا .....

6- العفشة أكثر من رائعة ..... دخلنا طريق مدغدغ و كله منازل و مطالع حادة جدا زي الملاهي ....... زي الفل

7- الفرامل كويسة جدا و محستش بغياب ال ABS ..... فرملت جامد في تراب ما زحلقتش .... و ال Assisted Brakes كويسة جدا و قفش العربية في الأرض رائع ..... فعلا الديسكات فارقة جدا

8- السحب كويس جدا .... كنت متوقعها هتبقى تقيلة زي البطة الصراحة

9- الكاسيت بقى كلاريون بدل LG للدفعات الجديدة

10 - مجملاً العربية انا اديها 9 من 10

و مش خسارة فيها جنيه من فلوسها

على فكرة انا عملت تجربة القيادة دي بنية ان لو العربية ما عجبتنيش كنت هاسحب فلوسي بس انا اقتناعي زاد بالعربية

و مبروك لكل اللي استلم و عقبال الحاجزين ...... انا خلاص هابيض شوال بيض يا رجالة عالاستلام........

احترامي لك استاذ احمد كنت عاوز اضييف شوية معلومات تفيد الجميع بعد تجربة قيادة حواي 2000 كيلو

اتفق معاك في كل ماقلت بس موضوع السحب احب ابين انه فعلا ممتاز بس لو العربية محمله والتكييف شغال بيقل السحب انا لاحظت ان التكييف فوق الممتاز بس اعتقد ده لانه قدرته الحصانيه اعلى من قدرة التكييف في العربية السيدان واعتقد برده ان هو ده سبب انه بيحمل على الموتور

تانيا موضوع الفرامل اه فوق الممتازه بس ده مالوش علاقة ب abs (anti brake locking system
لان ده بيمنع انزلاق العربية اثناء الفرملة القويه وبالتاي بيديك قدرة انك تتحرك بيها حت وانت دايس على الدواسة للاخر وبالتاي ممكن تتفادى الاوبجكت الي حتخبط فيه اما بدونه فمش حتقدر تتحكم في اتجاه حركة العربية اثناء ضغط الدواسة للاخر لان العجل حيقفش بس لازم الكل يعرف ان زمن توقف السيارة بدون abs اقل من زمن توقفها معاه يعني عدم وجود abs ميزه وعيب حسب حالات استخدام الفرملة الفجائية وده عن تجربه حقيقيه للنظامين

برده احيب اضيف ان فيه فتحات تهوية للتكييف للجزء الخلفي من السيارة اسفل الكراسي الامامية ارجو مراجعة موضوعي http://www.nilemotors.net/Nile/a/87777-a.html

المشاركة الأصلية كتبت بواسطة أحمد كمال

هاسأل و ارد عليك

على فكرة هي متجنطة اصلا و جنوط شيك ..... محتاج جنوط ليه؟

سالت اليوم في التوكيل
قالولي مافيش حاجة اسمها اسبيشيال اوردر
ده خط انتاج في كوريا وعلشان تحصل حاجة زي دي لازم استني خمس شهور ومش هاتنزل ABS ولا sun roof
مبيعات كيا في رايئ بتتعامل مع الناس بطريقة غريبة

المشاركة الأصلية كتبت بواسطة ahmed samy

حضرتك كنت في التوكيل ولا سألت على الهوت لاين ؟

عموما الكلام ده ما بصدقوش

بتوع الكول سنتر بيبقوا عايشين في دور رؤساء مجالس المحليات

يأمر و ينهي

وهما ولا ليهم في البطيخ

كلام مظبوط تماما ,,

الواحد ياخد معلومة من الكول سنتر ,,

يروح يسأل فى التوكيل يلاقى كلام تانى خالص !!

مشكوووووووووووووووووووووو ووووووووووووووووووووووووو وووووور