انت بتشترى اعصابك فى المدن الجديدة وراحة بالك كمان
عرض للطباعة
انت بتشترى اعصابك فى المدن الجديدة وراحة بالك كمان
معلش أنا لي رأي تاني -مع الإحترام الكامل لآراء كل الناس - سكنك في قلب الإسكندرية نعمة ما بعدها نعمة . أنا قاهري وأعتبر مجرد الإطلالة على شوارع ومباني الإسكندرية هي فسحة مريحة للأعصاب - حتى زحمة الإسكندرية في الصيف بيكون دمها خفيف على قلبي غير زحمة القاهرة -إنما أليكس ويست والأماكن اللي زيها : عاملة زي قرى الساحل الشمالي مخططة بشكل جميل ونظيف ولكن ليس لها طعم زي فاكهة اليومين دول
الامان اهم
لما اولادك تكبر شويه ويرجعوا لوحدهم هيعرفوا وتبقى امن عليهم
هتعرف تتشرى حاجتك بسهوله
لو انت بره او بعيد المدام والاولاد هيعرفوا ؟
لو عربيت المدام عطلت وانت بره هيتصرفوا ازاى - الدورس والمدرسين
تكاليف التشغيل
لما تلاقى نفسك بتدفع اغلى من اى مكان تانى ؟
كل ده خلانى اغير راى من زايد الى الهرم
أنا ساكن في أبو تلات باخد وقت من بيتي لغاية وسط البلد في 25 دقيقة علي الطريق الدولي وماشي علي مهلي خليك في الهدوء تكسب:36_1_34[1]:
طبعا المدن الجديدة أفضل مليون مرة
شوف دلوقتي أسعار مدينة زي السادس من أكتوبر و الشيخ زايد في الجيزة أصبحوا بكام و كانوا بكام
الناس برضه كانت بتقول ... دي بعيدة و مش أمان و مش عارف أيه .......
تعالى دلوقتي شوف .................... الأسعار أصبحت ولعة و أغلى من مناطق قديمة زي الهرم و فيصل الأقرب إليها .
و طبعا النظافة متوفرة ........ الأمان إلى حدا ما معقول جدا في أغلب الأحياء ..... و خصوصا الأماكن المغلقة أو التجمعات السكنية اللي بيسموها كومبوند .
أنت عارف أنا أحيانا ممكن و أنا رايح مشوار بعيد أعمل 100 كم زيادة علشان العربية متقفش في وسط الزحمة و أتخنق من البشر لأن الناس هنا في مصر مش بتعرف تنظم نفسها خالص و مش عايزين ينظموا نفسهم .
المهم المدن الجديدة خطوة رائعة ........... أتكل على الله ...... و هاتعرف معنى الكلام ده بعد 5 سنين أو 10 سنين لما المدينة اللي حضرتك بتتكلم عليها تتغير ملامحها و أسعارها تغلى و ساعتها هاتتمنى أنك كنت تشتري بدل الرجوع في كلامك دلوقتي .
و يا سلام لو تعرف تلاقي شغل قريب من سكنك .......هاتلاقي نفسك بقيت مرتاح آخر راحة ....
ربنا يوفقك يا أستاذ مينا و تلاقي سكن مناسب و أمان و بسعر معقول .
تعالى الشروق ولن تندم مطلقا
متر الشقه هنا ممكن تلاقى ب 950 جنيه (على المحاره) يعنى نص سعر اى مكان تانى
وهدوء رائع ونظافه.. وكفايه ان اولادك يشموا هوا نضيف ومايسمعوش بذاءات الشباب فى الشارع
كل الخدمات متوفره (سوبر ماركت بدليفرى, الخ) .. ده حتى ماكدونالدز فتح
العيب الوخيد, والوحيد فقط, هو المواصلات زى مالشباب قالوا.. لازم يبقى معاك عربيتين كويسين.. والمدام تكون بتسوق وقلبها جامد