طيب ايه الاحسن...منقول من منتدى الاوبل لكن ارجو الافادة

طبعا انا بشكر كل الاوبلاوية على معلوماتهم الجامدة بجد اللى بتفيد الواحد جدا والله وكل واحد بينقل احساسو بعربيتوا حلو اوى لدرجة انى عرفة اى هى الاوبل مميزات وعيوب قبل ما اركبها بس السؤال دلوقتى معلش هو مكرر بس عاوزكم تفيدونى
ميجان 2005 بـ65000 تقريبا ولا اوبل 99 بـ55000 ؟
انا طبعا بعشق عربية اسمها اوبل بس فرق الموديل برضو عليه عامل وانا لما فكرت لقيت انى اجيب الميجان هيكون افضل من حيث ان الموديل قريب وعربية جامدة برضو وفيها تكنولوجيا
خصوصا انى سمعت ان فى قانون جديد هيتعمل هيحدد عمر العربيات الملاكى زى ماعملو مع التكسيات فلو فرضنا خلو عمر العربية الملاكى 20 سنة كده هتبقى موديلات التسعينات فى اى عربية بقت فى وضع حرج دى وجهة نظرى ارجو الافادة من اعضاء المنتدى انا لسه بفكر اخد القرار

انصحك بالميجان دى عربية صح للناس الى بيفهمو
الاوبل فيها مشكلة جامده انها بتسخن جامد ويسلام لو مشغل التكيف
والله الميجان مافيها عيب الى قطع الغيار وده فى الاوبل
وكمان الميجان2005 والاوبل99 يعنى الاوبل كده فى سنين الضياع الى عايزة فيها حاجات كتير او مش هتلاقيها سليمة زى ال2005