أنتبهوا من مدخل القاهرة طريق القاهرة السويس

**Salah_sr** · 29-07-2009 05:25 PM

علي جميع الخارجين من القاهرة علي طريق السويس أو الداخلين إلي القاهرة أن يحظر من الرادار في المنطقة الواقعة من الكيلو 4.5 حتي تقاطع الدائري حيث أن السرعة أصبحت 60 ك\س فقط طبعا أحدي عباقرة المرور صبح الصبح فقرر طريقة جديدة لتعذيب الناس و إصرار وزارة الدخلية إن علي كل مواطن أن يخالف القانون ( مين حيمشي علي الطريق السريع بسرعة 60 كيلو ) كما أرجو وضع إستفتاء علي مدي نجاح أو فشل وزارة الدخلية في تنظيم الشارع المصري علي مدار 30 عام مضي و أقتراح أخير هل من الممكن ان يسلم الطريق الدائري (طريق الموت ) للشرطة العسكرية بعد فشل المرور في إدارته و شكرا ؟؟؟؟؟؟؟؟؟؟؟؟؟؟؟؟؟؟؟؟

**Bob2009** · 29-07-2009 06:35 PM

الطبيعى ان السرع فى المدينه 60 كيلو متر
والغريب انه مفيش حد ملتزم بالكلام ده على شان كده مينفعش امشى على 60 والناس على 100 على شان ده بيخلينى فى خطر

من ناحيه الفشل اى نعم هما عندهم من الفشل والجهل الى عند الشعوب كلها بس الشرطه العسكريه لو دخلت فى الموضوع مش هتعتق لا ظابط ولا نيابه وطبعا هما مش هيعملو حاجه زى دى على شان ظباط الشرطه بعد كده هيضربو زى ما بيحصل من الشرطه العسكريه

الحل ان احنا نلتزم بالسرعه كلنا وده طبعا لازم الشرطه العسكريه بس مين هيوافق من وزاره الداخليه او من الحكومه اوعى تفتكر ان موضوع السرعه ده على شان انت فى خطر الهدف المخالفه

شوف مثلا شارع الطيران السرعه فيه ازاى خصوصا بعد الساعه 10 بليل وشوف كام واحد بيتخبط وهو بيعدى وكام عربيه بتتقلب مش تتخبط على مدار الشهر

مش عارف اقول ايه غير ان احنا كمان بنحب نخاف على شان نعمل الصح غير كده لا يمكن

الناس تشوف ردار تمشى على السرعه الصح من غيره ممكن توصل ل 180 تشوف عسكرى تكسر الاشاره ظابط تقف طيب ليه مش عارف

**aymansaad** · 29-07-2009 06:45 PM

شكرا على التوعية
بس عندهم حق لان السيارات فى هذه المسافةبتسرع رغم وجود معسكر مبارك الملف بتاع الرحاب

**Salah_sr** · 30-07-2009 08:30 PM

أحب أقول فقط إن السرعة 60 بدأ من تقاطع الدائري مع طريق السويس يعني بعد معسكر مبارك و شكرا للأخ بوب ولكن هذا خارج كردون المدينة و الدائري السرعة 90 و محور 26 أيضا السرعة 90 و أتحدي أي يحد يمشي هناك علي سرعة 60 و الدليل إن الناس عارفه مكان الردار و بتبطئ أمام الردار ثم تسرع مرة أخري

**midnightman_74** · 30-07-2009 08:44 PM

اللى اعرفة ان اللى بيحدد السرعة مهندسين الطرق
وياترى حاطين علامة تقول ان الطريق 60 ولا سايبنها مفاجئة

**Nour_Peugeot** · 30-07-2009 08:48 PM

علي فكره الردار بيقفش ناس كتير بس كله عشان خاطر السبوبه

ادفع 20 جنيه للامين تعدي بلد حسبي الله و نعم الوكيل

**M.almaghraby** · 30-07-2009 08:49 PM

المعلومة صحيصو فعلا وانا خدت بالي و حسب الله ونعم الوكيل!!

**M.Mekawy** · 30-07-2009 09:01 PM

الواحد لو مشى 60 فى الحتة دى هيعمل حاثة وش
برضه الحتة التانية اللى تغيظ اوى , الدايرى الصغير اللى بيودى على المطار و مساكن شيراتون من طريق النصر , لو مشيت فيه 60 هتلاقى اللى هيخيش فيك و لو زودت مخالفة
ناس عايزة الحرق

**elwad_crazy** · 14-08-2009 04:11 AM

وساعات الرادار بيبقي من بدايه مدينه بدر او الشروق لغالييه الـ4.5

بيبقي الكمين على النحيتين

بس الكلامه ده الصبح بس
مشفتهوش بليل

واللى بيمشى وداخل الدائري
لازم يجري عشان اللى جاى وراه مش هيقفله
كله جاى صواريخ
تريلات واوتبيسات وميكروباصات وقله ادب
لازم الواحد يجري الا اذا كله مشى هادى

معلش شعب همجي وللاسف

**Samir Elshahawy** · 15-08-2009 06:52 PM

علي فكرة الكلام ده بقاله أكثر من شهر , و فيه لوحات أرشادية بأن السرعة 60 كم/ساعة و لكن في الاتجاه القادم من السويس فقط و قبل مدخل الهيئة العربية للتصنيع

بس مافيش حد بيلتزم بالسرعة دي و السرعة اللي متعارف عليها (80 - 120) كم/ساعة و لا فيه رادار و لا لجان في الحتة دي ألا لو فيه حد معم رايح المطار من المدخل الجديد

أما بالنسبة لباقي طريق القاهرة / السويس فالرادار بيكون في مكان من أثنين :
- بعد مدينتي و قبل اليوتيرن المؤدي الي الشروق
- قبل مدخل مدينة بدر

و موعده بيكون من الساعة 8 صباحا حتي الخامسة بعد العصر , لكن هذه الايام مافيش و لا رادار علي طريق السويس بمناسبة موسم مارينا و الساحل الشمالي

الموضوع: أنتبهوا من مدخل القاهرة طريق القاهرة السويس

LinkBack

أدوات الموضوع

عرض

-

-

-

-

-

-

-

المواضيع المتشابهه

طريق العذاب ( القاهرة السويس سابقاً )

حادثة علي اول طريق مصر السويس قبل مدخل التجمع الأول

أفضل طريق من المنصورة الي واحة عمر علي طريق القاهرة اسكندرية الصحراوي

مشروع تطوير مدخل القاهرة الشرقي = The development of the eastern entrance of Cairo

الطريق من مطار القاهرة الى اول طريق السويس

الكلمات الدلالية لهذا الموضوع

المفضلات

المفضلات

ضوابط المشاركة