عرض للطباعة
اولا الف شكر لكل الاخوة اللى مخليين منتدى نيل موتورز علامة بارزة فى منتديات السيارات ثانيا ارجو من الاخوة الكرام ان يخبرونى بالتفصيل كيف اذهب لمدينة 6 اكتوبر من طريق السويس ويا ريت ميكونش الطريق فيه زحمة ويكون سالك وميكونش فيه تفرعات كتير وشكرا عشان انا مسافر بكرة ان شاء الله
بص يا باشا انت هتاخد طريق مصر السويس عادى و تطلع طلعه الدائرى يمين و تفضل ماشى لغايه تنزل نزله المحور و بعدين تاخد المحور عادى لا يمين و لا شمال و هيقابلك نزله اسكندريه الصحراوى تعديها و تكمل على طول هتلاقى نفسك فى اكتوبر
الف شكر على سرعة الرد هل معنى الكلام انى باخد اتجاه المرج ولا انى باطلع الكوبرى اللى رايح على كارفور المعادى وشكرا
ايه يا جماعة عايزين المزيد من الشرح وشكرا
اطلع اول طلعه دائرى يمين اتجاه المرج واتجاه الطريق الزراعى
حوالى 30كم هتلاقى نزله محور 26يوليو والطريق الصحراوى
حوالى 20كم هتلاقى نفسك فى اكتوبر
ورحله سعيده
الف شكر على اهتمامك يا اخ محمد والوصفة السهلة وشكرا ليك مرة اخرى
انا تحت امرك وتحت امر رجاله السويس جميعا وسلامى لشارع النمسا وحوض الدرس والمعهد وبور توفيق والكشك بتاع فتوح
يا باشا ربنا يخليك و تنور السويساقتباس:
المشاركة الأصلية كتبت بواسطة mohamedezat
الف تحية ليك من كل السوايسية واحنا بنحب الناس الجدعان وبالنسبة للاخ kliken نورت المشاركة وانت ساكن فين فى السويس وبالنسبالى انا ساكن فى ابو الحسناقتباس:
المشاركة الأصلية كتبت بواسطة mohamedezat
ازيك يا باشا معاك محمد سعد
انا ساكن فى الكبانون جمعيه منغ اللى على البحر على طول قبل السماد
و لو اى حاجه انا تحت امرك و اتشرفت بمعرفتك يا باشا