عرض للطباعة
صديق لي سافر كندا من فترة و كان إشترا لاب توب ماكنتوش "ماك بوك" .. و بعد فترة باظ .. وداه التوكيل في مدينته في كندا مقدروش يعرفوا إيه سبب إنه مش شغال و معرفوش يصلحوه .. قام إيه ؟
إدوله MacBook PRO ببلاش ! النسخة الإحترافية .. بدل اللي باظ و إعتذاراَ منهم .
يالا في وقت واحد كلنا نلطم سوا هوبااا
قلبت عليا المواجع يا موتو وفكرتني بالذي مضى وصراعي المرير مع اللي ميتسموش وكيل اللاب توب بتاعي اللي مرضوش يقبلوه الا بعد مراسلة شركة اسر نفسها
صنف يخاف مايستحيش
على فكرة أبل طول عمرها شركة محترمة سواء في أمريكا وأوروبا أو في مصر، وفي بينها وبين الشركات التانية فرق كبيييييييير
ناس بتحترم نفسها وبتحترم سمعتها وبالتالي بتحترم الزبون
أى نعم هما في مصر غاليين شوية وأكسسواراتهم غالية شويتين إلا إن أبل في العالم كله غالي
أنا باشتغل على أبل من زمان ولغاية دلوقتي
وأول جهاز اشتغلت عليه كان الجهاز الكلاسيك اللي كان عامل زي الجردل وكان تحفة بكل المقاييس وكان سابق عصره ..اشتغلت عليه شوية وبعد كده نقلت لجهاز حديث وكان وقتها لسه الآيماك نازل في أواخر التسعينات وكان نازل حتة واحدة الشاشة في الكيسة وبالألوان والكيسة كانت شفافة تشوف الأجزاء الداخلية من خلالها....كان تحفة تحفة تحفة
الله يرحمها أيام
شكرا على الموضوع..فكرتني بأيام حلوة
لأ و خد عندك من ده كتير...... البدل اللى ممكن ترجعها خلال اسبوعين من تاريخ شراها بس بشرط مجرد تكون مفتحتش جيوبها...... و الاجهزة الكهربائية اللى بتتغير لو ظهر فيها ادنى عطل..... اما احلى حاجة سمعتها من معارف مقيمين بالخارج و ظهرت فيها الفهلوة المصرية العتيدة اللى لما اكتشفها الاجانب ضحكوا بس اكتفوا بالابتسامة و برضة ريحوا العميل....... واحدة راحت اشترت بول اوفر...... وبعدها باسبوع نزلت تخفيضات ففكرت ترجعه و تشتريه تانى بالسعر الجديد بعد التخفيض...... استغلالا لامكانية ارجاع السلعة خلال المدة المحددة....... ووصلت بيها الجرأة الى انها بعد ما طلبت من البياعة ترجعه و خدت فلوسها راحت طالبة من نفس البياعة فى نفس اللحظة انها تشتريه تانى!! ولما البياعة اندهشت من التصرف، راحت صاحبتنا المصرية قالت لها بما معناه بس انت اضربيه على الكاشير و زالت دهشة البياعة و تغيرت الى ابتسامة لنصاحة الزبونة المصرية لما صاحبتنا دفعت السعر الجديد المخفض للسلعة بعد اسبوع من شراءها....... يا ترى تفتكروا موقف زى ده ممكن يحصل فى مصر بعد كام قرن؟
برضه ؟اقتباس:
المشاركة الأصلية كتبت بواسطة نور القمر
أصل انا اللاب توب بتاعي أسر برضه و فيه عيب صناعة إنه بيتشرخ من الجنب بعد فترة (واخده من الجامعة انا و دفعتي كلها و كلنا تقريباَ حصل فيه نفس العيب) فا وديته بيقولي .. حضرتك العيب ده بسبب إنك بتفتحه و تقفله !! بلاش بقي أقول الباقي .
انا بتاعي من قبل ما يكمل سنة باظت فيه الكام والسي دي ريتر مبقاش ينسخ وكنت ساكته قلت مش مهم لغاية ماحصلت المشكلة الكبيرة ومبقاش يفتح خالص حاجة داخلية اتحرقت
مصر هى امى نيلها هو دمى
جردل الهلال والنجمة واوعى تنسى العلامة
على فكره الموضوع مكانش محتاج كل دهاقتباس:
المشاركة الأصلية كتبت بواسطة mahora
لان من حقك لو انت اشتريت حاجه ونزل عليها خصم خلال الفتره اللي ممكن ترجعها فيه انك تسترد قيمه الخصم بالكامل (بمجرد اظهار فاتورة الشراء) ..... تعرف الاغرب من كده ايه
ان ممكن المحل نفسه هو اللي يكلمك بقولك عملنا خصم .... وتعالى خد فلوسك
اخ...... يا النافوخ بتاع الانا...... زى ما كان الخواجة بيجو بيقول زمان :)اقتباس:
المشاركة الأصلية كتبت بواسطة migo123
الله يحرق ال ...... و لا بلاش
شعار الشركات المقدس فى مصر:
البضاعة المباعة لا ترد و لا تستبدل، و على المتضرر الذهاب لأقرب شاطئ بحر للشرب منه حتى الارتواء!
اصلهم معدوش على مصر :biggrin24:
اقتباس:
المشاركة الأصلية كتبت بواسطة motorizer
سبحان الله ..هو إنت بتفتح الجهاز بتاعك وتقفله؟!!!....وكمان مش عاوزه يبوظ...ناقص كمان تقول إنك مش بتشربه نسكافيه كل يوم الصبح،،،الناس اتغيرت قوي
عنوان الموضوع تحفة...
انا قلت انا داخل على قصة حب ولا حاجة
هناك سياساتهم مع العميل :
1-العميل يأتي أولاً
2- لو العميل غلطان ... راجع النقطة رقم 1 اعلاه
( يعني برضه يأتي اولاً )
اول ما بشوف الكلمتين دول ..باخد بعضي واطلع من المحل ده ..لأنه بمعنى اصح بيقول ان حاجته كلها مضروبةاقتباس:
البضاعة المباعة لا ترد و لا تستبدل، و على المتضرر الذهاب لأقرب شاطئ بحر للشرب منه حتى الارتواء!
حبيبى يابونسمه انت خدت منه زىىاقتباس:
المشاركة الأصلية كتبت بواسطة MoToRiZeR
:hlopaet_prv:نفس الرد
انا رميته فى المكتب بعد مفقدت فيه الامل
ناس بتحترم اسم الشركه وبتحترم العميل
وفى نفس الوقت العميل يشعر بالثقه من ناحيه الشركه
شعار اغلب الشركات فى مصر
لو زعلان ..........البحر مليان
اقتباس:
المشاركة الأصلية كتبت بواسطة a.saad
و لو لسه زعلان ...... شوف اقرب عمود خرسان
غطيني يا صفية و صوتي
اةةةةةةةةةةةة عقبال مصر