الموضوع: كارثة كانت هاتحصل علي الدائري النهاردة !!!

الاخوة الكرام أعضاء أحلي منتدي....
أسعد الله أيامكم بكل خير ....

مرة أخري يطل الاستهتار و الغباء بكل صوره و أشكاله علينا و فين علي طريق الكوارث , لولا العناية الالهية لحدثت الكارثة و التي كان من الممكن أن أكون أحد ضحاياها و لكن ربنا ستر معايا و مع الجميع

الحكاية أن في الطريق الدائري في اتجاه نفق التجمع الاول و تحديدا قبل مخرج الطريق المؤدي الي طريق السويس و أثناء مروري و بدء تغيير أتجاهي جهة اليمين كي أنزل الي طريق السويس و اذا بي أتفاجئ بالسيارة التي أمامي (ربع نقل بصندوق) تضرب فرملة بأقصي قوة و تنحرف جهة اليسار و السيارة الجيب التي علي يميني نفس الشئ و تنحرف جهة اليمين حتي أنها كادت أن تصطدم بميكروباص كان قادما من أقصي اليمين و بدأت حالة من الهرج و المرج امامي السيارات تتوقف و تنحرف مبتعدة و تكاد ان تتلاصق ببعضها و فجأة اجد امامي سيارة أخري ربع نقل متوقفة في الحارة الثانية من اليمين و قبل المنزل بحوالي 100 متر

طبعا لم أستطع الانحراف جهة اليمين خوفا من الاصطدام بالجيب فأتجهت نحو اليسار خلف السيارة التي امامي و التي أنحرفت بشدة و كادت أن تنقلب و لكنها توقفت بعرض الطريق و يادوب عديت من جنبها كي أتفاجئ بسيارة ملاكي متوقفة علي يسار الربع نقل و لولا اني كنت خففت من سرعتي لكنت اصطدمت بها و لكني مررت من بينها و بين السيارة الاخري الربع نقل (المتوقفة بالعرض) و بأعجوبة شديدة و كي أشاهد في المراية كل السيارات و قد بدأت في التوقف فجأة و الكثير منها أستعرض الطريق كما يحدث بالافلام

طبعا طلعت قدام ووقفت قبل المنزل مباشرة و شغلت الانتظار لاراقب الموقف من بعيد و الحمد لله لم تقع أي حادثة و توقفت جميع السيارات دون أن تنخدش سيارة واحدة و توقف الطريق تماما

و السبب : قائد السيارة الملاكي توقف بجانب السيارة الربع نقل (في الحارتين الثانية و الثالثة) و قبل منزل طريق السويس ب 100 متر كي يستعلم منه علي الطريق

شوفتوا أستهتار و بلاهة أكثر من كده ؟؟؟؟

أستهتار كاد ان يؤدي الي كارثة جديدة علي طريق كل حوادثة كارثية

المشاركة الأصلية كتبت بواسطة mohabsaeed

هو مافيش امل ان الناس ديه تفوق من الغيبوبه الى عايشين فيها و يبطلو الغباء المستفحل ده !!!!

مافيش مره الواحد ينزل فيها الشارع الى و يعدى باكتر من موقف كفيل بانه يدمر عربيته او ينهى حياته او حياته الاخرين بسبب ....مش حقول الاهمال ..... ده عدم وعى و غياب لاقل درجات الفهم و العقلانيه ؟؟؟؟

ياباشا انا مره على صلاح سالم واحده سايقه عربيه وبتتعلم ومعاها 2 شباب الله اعلم اخوها ولا ايه مش مهم

والناس كلها فى امان الله والطريق ماشى وزى الفل مره واحده الاخت قررت تغير الحاره الى هى فيها بقت قدامى والفرق بينى وبينها يمكن 2 متر وانا على 70 وهى يمكن على 20 يعنى مش سرعه ولا بجرى ولا حاجه
انا لحقت نفسى وغيرت الحاره مره واحده وكان جى جنبى عربيه والراجل كان مقدر الموقف و وقف لو مكنش عمل كده كان الطرق كله دخل فى بعضه على شان انا كمان لما عملت كده سيبت فرصه للناس الى ورا تقف
والله والله اليوم ده الطريق كله كان داخل فى بعضه 100% بسبب ان واحده بتتعلم فى صلاح سالم

المشكله فى الفكر والمشكله الاكبر انه بعد كل الى حصل الناس بتقولها انتى ايه الى انتى عملتيه ده نزل شاب من الى معاها بيقول تعمل الى تعمله هى حره والحمد لله اتمسك اضرب ضرب الناس كلها كانت عليه عيل قليل الادب

حسبى الله ونعمى الوكيل فى الناس دى